¹ Ke Fɛsitusi wa Sezalée lɔ, le azan atɔngbe lɔ, e le sɔn flɛn bo yi Jeluzalɛmu. ² Vɔsatɔ Mawu tɔn ɖaxo lɔ , kpo Jwifu nii gan le kpokpo wa kplé bo yi jɛ Pɔlu we hwɛ na Fɛsitusi, ³ bo byɔ ye ɖɔ ye ni nyɔ xɔmɛ do miye go, bo sɛ Pɔlu do Jeluzalɛ. Ye ɖɔ lexa ɖo ye ko ba se do ego, bo ba na hui le mɔ ji. ⁴ Lo lɔ Fesitusi yi gbe na ye ɖɔ Pɔlu le gankpa mɛ le Sezalée , mye lɔsu na fliu madin madin me. ⁵ Eka lɛvɔ ɖɔ:Ne sunu xɔn wa nu nyinylan ɖe lɔ, gan mitɔn lɛ ye ni bo xwedo mi yi Sezalée, bo na yi da hwɛ ni." ⁶ Azan cantɔn, alo azan wo wa Fesitusi nɔ Jeluzalɛmu, bo wa lɛ kɔ yi Sezalée. Avihɔngbe tɔntɔ, wa flannyi le hwe ɖɔxɔsa, bo ɖɔ ye ni kplan Pɔlu wa. ⁷ Ke Pɔlu ka wa lɔ, Jwifunu lɛ sɔn Jeluzalɛmu bo wa ( xa do e) li le doe, bo jɛ hwɛ ɖaxo ɖaxo le sukpɔ ɖe ni si, lo lɔ, ye ma kpego bo na ɖe xlɛ ɖɔ xonugbo wɛ gɛ. ⁸ Pɔlu wa ɖɔ xo bo ba hwɛ jijɔ na eɖe bo ɖɔ," hwɛ ɖe doJwifunu le we sɛn go gɛ; nye ma blo na nyiylan ɖe do sin sɛnxɔ go ge; lexa wɛ hye ma le nu nyinylanɖe do Ɖada Hlɔma tɔn go gɛ." ⁹ Ke Fesitusi ka ba na do xome hunhun na Jwifunu lɛ lɔ, ae kan Pɔlu se ɖɔ: "A ba na yi Jeluzalɛmu, na ye ɖɔ hwɛ xa we le nukun ce ma jaa?" ¹⁰ Pɔlu ka yi gbe ɖɔ:"Hwe ɖɔxɔsa ɖaxo we un na yi le Dada Hlɔmatɔn de ; flɛn we ye ɖo na ɖɔ hwɛ xa mi le; nye ma wa nuɖe do Jwifunu lɛ gɛ; ye lɔ nu a nywɛ aganji ¹¹ Ne un wa bu nyiylan ɖe lɔ xo nugbo , bɔ ejɛ xa ɖɔ ye ni mi lɔ, nye ma gbe ku gɛ. Vɔ ne nye ma wa nu nyinylan ɖe gɛ, meti ma ja ze un jo na ye gɛ. Un ba na ye na ɖɔ hwɛ ɖaxo le Dada Hlɔma tɔn de. ¹² Fɛsitusi kpo taxoɖɔtɔ tɔn lɛ ka wa yi kpa, bɔ e wa ɖɔ na Pɔlu ɖɔ:"A ylɔ hwɛ ɖaxo ɖo Dada Hlɔma tɔn de. Lexa na yi Dada Hlɔmatɔn de." ¹³ Le azan ɖe lɛ godo lɔ, ahɔlu Aglipa kpo asi tɔn Belenisi wa Sezalée, bo na do gbe na Fesitusi. ¹⁴ Ke ye jɛ to tɔ mɛ yo yi zan sukpɔn Fesitusi wa ɖɔ Pɔlu we xo na Ahɔlu lɔ; e ɖɔ n'i ɖɔ:"Sunu ɖe le fikɔ, bɔ tokpɔn gan Felisi ze do gankpame. ¹⁵ Hwekenu un yi Jeluzalɛmu lɔ, vɔsatɔ Mawutɔn ɖaxo lɛ kpo Jwifunu tomɛ xo lɛ kpo wa je hwɛ tɔn na mi, bo byɔ ɖɔ ma ɖa hwɛ n'i. ¹⁶ Un ka yi gbena ɖɔ: hwɛ kpo we hlɔ manu na ze meɖe jolɔ, me lɔ lɔ su do na jɛ hwɛ le mɛ lɔ we nukun me, bɔ mɛ ɖyɛ na mɔ tɛn me, bo do ba hwɛjijɔ na edée hwɛkpo ¹⁷ Exɔn lɔ, ye xodo mi wa fikɔ; nye ma nɔ te ge ; Ayixɔngbe tɔn un flannyi ɖo hwɛɖɔ zinkpo ce ji, bo ɖɔ ye kplan do wa. ¹⁸ Ye me ke do hwɛ n'i lɔ lɛ site, bo do hwɛ ɛ; lo lɔ, nu nyinylan ke dosin ye na ɖɔ do go lɛ lɔ, ye wɛ dɔ nuɖevo lɛ. ¹⁹ Nuɖe jɛn ye le dɔn xa kpowun ye le dɔn nu xa ɛ ɖo sinsɛn ye tɔsu tɔn go, bo le dɔn nu xa ɛ dosunu ke ye no ylɔ ɖɔ Jezu lɔ go. Mexɔn o ku; Pɔlu ka ɖɔ elɛ gbɛ. ²⁰ Nye ma nywɛ de ke na blo gɛ. Un kan Pɔlu se ɖɔ ena yi Jeluzalɛmu, bɔ ye ɖɔ hwɛ tɔn ɖo flin jaa; ²¹ Lo lɔ, Pɔlu ylɔ hwɛ ɖaxo: lexa, e ba ɖɔ Dada Hlɔmatɔn we na ɖɔ hwɛ nye tɔn. Bɔ un gbɔ ɖɔ ye ni ze gankpa me. Kaka na hwleke nu na sɛ do Dada lɔ ɖe. ²² Exɔn lɔ, Aglipa ɖɔ na Fesitusi ɖɔ: "Nye lɔ su un ba na se yo le sunu xɔn de." Fesitusi ka yi gbe n'i ɖɔ: "E je sɔ lɔ, a na se xo tɔn." ²³ Ayihɔngbe tɔn lɔ, Aglipa kpo asi tɔn Belenisi wa, bɔ ahwanga le kpo tonukun lɛ kpo kplan ye wa yi, bɔ ye byɔ hwɛdɔxɔsa kpo yɛ yi. Fesitusi na gbe bɔ ye kplan Pɔlu wa. ²⁴ Fesitusi ɖɔ:"Ahɔlu Aglipa kpo mi me ke le fiko lɛ kpokpo; sunu ke we hwɛ Jwifunu le je na mi lɔ le Jeluzalɛmu, bo ka lɛ vɔ wa jɛ na mi le fikɔ, bo da xwa syɛnsyɛn ɖɔ e ma ɖo na nɔ gbɛ gɛ lɔ ke. ²⁵ Nye ka mɔ dɔ e ma blo nude nyinylan bɔ ena hui gɛ. Vɔ lɔ, elɔ su ka yɔ hwɛ ɖaxo le Dada Hlɔma tɔn de, exɔn utu wɛ ɖo sɛnɖɔ un na sɛ do ede. ²⁶ Nye ma ɖo un ɖe bo na wlan ɖego sɛ do Dada gɛ. Exɔn utu un ylɔwa nu kun mi tɔn me, vɛ na lɔ, yɔ Ahɔlu Aglipa nukɔn, we kan xo ɖe se lɔ na mɔ hu ɖe bo wlan sɛdo. ²⁷ Ɖo ye mɔ ɖɔ a sɛ gantɔ ɖe do bo ka ma wlan nuɖe ke blo lɔ gɛ, e ma sɔgbe gɛ.