1 ke mi sɔn bo wa jɛ , mi byɔ t ji hunmɛ bo yi tɔtɛntinto ke ye nɔ ylɔ dɔ Kɔsi azɔnɖokpo . Anyixɔngbe etɔn , mi wa toxo Hlodɛsi bo lɛ ɖo flɛn bo yi Patala . 2 Ke mi mɔ tɔjihun ɖokpo ke xwe Fenisii , mi byɔ e mɛ bo ɖido. 3 Ke mi sɛkpɔ Ciplu tɔtɛntinto lɔ , mi jo oto lɔ do omyɔ xwe bo yi Silii bo wa jɛ Tii , ɖo flɛn wɛ ohun lɔ na ɖi agban lɛɛ do. 4 Ke mi mɔ ahwanvi Jezu tɔn lɛɛ godo , mi nɔ flɛn na azan canwe . Ahwanvi xɔn lɛɛ ɖɔ na Polu gbɔn Oyɛ Mawutɔn me ɖɔ ni kpɔn yi Jeluzalɛmu gɛ 5 Ke mi wa azan miɔn lɛɛ we vivɔnu , mi sɔn bo bɛ omɔ mitɔn . Ye mɛkpo kpo asi yetɔn lɛɛ kpo ovi yetɔn lɛɛ , xo do mi wa jɛ toxo lɔ we agbonu . ke mi jɛ oxu to lɔ , mi jɛ klo bo xoɖɛ bo do yi bo wa na mi ɖe lɛɛ . 6 Ke mi do sɛkpɔ tɔjihun lɔ ye lɛkɔ yi xwe yetɔn gbe . 7 Ke mi wa lɛkɔ sɔn Tii godo , mi yi bo jɛ oto ke nɔ ylɔ ɖɔ Putolemayisigbe . Ɖo flɛn mi wa bo wa do gbe na nɔvi lɛɛ bo blo azan ɖokpo xa ye . 8 Anyixɔngbe etɔn mi sɔn bo wa jɛ Sezalee . Mi byɔ Filipu we oxwegbe , me ke nɔ jla Wen Ɖagbe , e lɔsu ɖo omɛ canwe lɛɛ mɛ bɔ nɔ kpɔ xa ɛ . 9 Filipu nyi sunnu xɔn ke ɖo nyɔnnu ɛnɛ ke nɔ ɖɔ ɖɔɖanyi . 10 Ke mi ɖo flɛn ɖo azan ɖe lɛɛ godo , xoyiɖɔtɔ ɖe ke ye no ylɔ Agabusi wa sɔn Judee . 11 E wa mi de bo ze alinjiblanu Polu tɔn . E ze alijiblanu lɔ bo ze bla afɔ kpo alɔ na eɖe bo ɖɔ : "Lexa wɛ Oyɛ Ɖedovo Mawutɔn ɖɔ :" lexa wɛ jwifu lɛɛ ke ɖo Jeluzalɛmu lɔ wa wle bo na bla sunnu ke tɔn nyi alijiblanu kɔ bɔ e na ze jo na kosi lɛɛ ." 12 Ke mi se oxo xɔn lɛɛ , mye kpo togun ke ɖo fi lɔ mi wa xoɖɛ bo gbɛ na Polu ɖɔ ni kpɔn Jeluzalɛmu gɛ . 13 Amɔ , Polu yi gbe ɖɔ : " Etɛ wɛ mi le blo, bo le vi avi bo do le gba ayixa ce ɖoʔ Ɖo un ɖo gbesisɔ , ɖɔ e ma nyi ye bla un kɛɖɛ gɛ , amɔ un lɛvɔ sɔgbe bo na ku do Jeluzalɛmu ." 14 Ɖo Polu ma jo e do bɔ ye savo n'i gɛ , mi ma sɔ tɛ ɖɛ e ji gɛ bɔ mi gbɔ ɖɔ ojlo Mawutɔn ni nyi wiwa ." 15 Ɖo azan xɔn godo , mi ze saki mitɔn lɛɛ bo sɔn yi Jeluzalɛmu . Ahwanvi ɖe lɛɛ ke sɔn Sezalee wa mi de . 16 Ye kplan sunnu ɖokpo wa ke ye nɔ ylɔ ɖɔ Munasɔɔn, e sɔn Ciplu bo nyi ahwanvi xoxo ɖokpo , oxwe etɔn gbe wɛ mi ɖo na nɔ . 17 ke mi wa Jeluzalɛmu lɔ ahwanvi lɛɛ yi kpo awa jijɛ. 18 Ayixɔn etɔngbe, Polu kplan mi Jaki de ; agunmɛxo lɛɛ kpokpo ɖo fyɔ . 19 Ke mi do gbe na ye godo , Polu ɖɔ na ɖokpo ɖokpo Nu ke Mawu blo ɖo kosi lɛɛ tintɛn gbɔn azɔnwiwa etɔn mɛ . 20 Ke ye se oxo lɛɛ vɔ , ye jɛ Mawu kpa ji bo ɖɔ :"A mɔ din , nɔni lɛɛ , gbɛtɔ su kpɔ nɛ mu wɛ yi se ɖo jwifu lɛɛ tintɛn .Ye mɛkpo yi gbe na wle bo na osɛn yetɔn . 21 Ye se a ɖo nu klɔn jwfu lɛɛ ɖɔ ye ni Moyizi we osɛn lɔ do bɔ ye ni gbo ada na ovi yetɔn lɛɛ gɛ bɔ ye gbɛ kɔ nu xoxo lɛɛ . 22 Etɛ wɛ mi na blo ʔ Ye wo se ganji ɖɔ a wa . 23 Blo nu ke mi na ɖɔ we odin : mi ɖo sunnu ɛnɛ ke do akpagbe . 24 Ze sunnu xɔn lɛɛ bo yɔɖe we kpo ye kpo bo su axɔ yetɔn bɔ ye na xwlɛ ota . ɖo lexa, ye mɛkpo na mɔ ɖɔ oxo ke ye ɖɔ do go we awo wɛ . Ye na mɔ ɖɔ yɔ lɔsu anɔ nyi osɛn ḷ . 25 Kpantan kosi lɛɛ ke yi se lɛɛ . mi wlan bo kplɔn nu ye ɖɔ ye ɖo na gbɛ nu ke ye ze bo do savɔ na yɛhwe lɛɛ ɖuɖu., kpo hun, kpo kankin ke ku kpo hun kpo galilɛ ." 26 Ɖo lexa , Polu ze sunnu lɛɛ bɔ , anyixɔngbe , e lɛ eɖe kpo ye kpo bo yi sinsɛnxo mɛ, e ɖɔ hwe ke nu awulilɛ na ɖote do , bɔ kaka wa jɛ hwenu ke omɛ ɖokpo ɖokpo wa na vɔsanu etɔn . 27 Ke azan canwe lɔ jɛ fifogbe , jwifu ɖe lɛɛ sɔn Azi bo mɔ Polu ɖo sinsɛnxo mɛ bɔ ye ze omɛ lɛɛ cite bo wle Polu . 28 Ye jɛ axwa do ji : "Mi wa gɔ alɔ na mi Izlayɛli we omɛ lɛɛ ! Mikpɔn sunnu ke nɔ kplɔn nu ke cite do togun wu , osɛn kpo tɛnmɛ kɔ wu . Ɖevo ɛlɛvɔ kplan Glɛsinu lɛɛ wa sinsɛnxo mɛ bo kuji tɛnmɛ ɖedovo kɔ ." 29 Ye ɖɔ lexa, ɖo ye mɔ Tlofimu efɛzinu kpoPolu ɖo toxo mɛ danyi , bɔ ye do sin Polu kplan do byɔ sinsɛnxɔ mɛ wɛ sin . 30 Togun lɔ kpo danwu bɔ ye dɔ we zun bo wle Polu . Ye ze yi sinsɛnxo godo bɔ yee su ohɔn lɛɛ azɔnɖokpo. 31 Ɖo ye ba Polu bo na hu , bɔ ye wa ɖɔ na ahwangan ɖaxo ke kpacɛ na ahwankanɖe hlɔmatɔn ɖɔ : "Jeluzalɛmu otolɔ kpokpo danwu ." 32 Azɔnɖokpo e ze kponɔn kanɖe ko lɛɛ bo byɔ toxo mɛ. Ke togun lɔ mɔ ahwangan ɖaxo kpo kponɔn lɛɛ , ye ɖote polu xixo . 33 Ke ahwangan ɖaxo sɛkpɔ Polu bo wle , e ɖegbe ɖɔ ye ni bo bla kpo cɛni awe . E kanse ɖɔ mɛ wɛ a nyi , etɛ wɛ ablo . 34 Omɛ ɖe lɛɛ ɖo togun lɔ bo jɛ oxo axwa do ji ɖɔ le bɔ omɛ ɖevo lɛɛ ɖevo . Ke ahwangan ɖaxo lɔ masiɖo mɔ jɛ ɖo tagba ke ye blɔ lɔ mɛ , e ɖe gbe ɖɔ ye ni kplan Polu ahwankpa me . 35 Ke Polu zizɔn ji , kponɔn lɛɛ wa ze ɖo adan ke ye blo ɖo adan ke ye blo xa e wutu . 36 Ɖo togun xo do e bo jɛ axwa do ɖɔ : "Mi hu i!" 37 Hweke nu ye na ze Polu do gankpa mɛ , e ɖɔ na ahwangan ɖaxo lɔ ɖɔ : " Un si ɖɔ oxo na mya ʔ Ahwangan lɔ yi gbe n'i ɖɔ : " A nɔ do Glɛsigbe a ʔ 38 A ma nyi Ejipunu wɛ a nyi a bo kplan otasɔmɛtɔ sukpɔ donu afɔ atɔn donu ɛnɛ do yi gbetoto mɛ ɖanyi aʔ 39 Polu ɖɔ n'i ɖɔ : " Jwifu wɛ un nyi ɖo Taasisi ɖo Silii to mɛ . Un nyi omɛ ke sɔn oto ɖagbe mɛ. Un do kɛnklin na we, jo un do ma ɖɔ xo na togun ." 40 Ke ahwangan na e ogbe, Polu cite do afɔ etɔn ji bo ze alɔ na togun . Ke omɛ lɛkpo ɖoɖa , e do eblu gbe na ye. E ɖɔ: