¹ Sunnu ɖe lɛɛ wa Judee bo nɔ kpɔnnu nɔvi lɛɛ ɖɔ : "Ni ye gbo ada na omɛ ɖo Moyizi we osɛn ji gɛ e ma na mɔ hwlɛngan gɛ ." ² Ke Polu kpo Baanabasi wa dɔn adɔn xa ye , nɔvi lɛɛ din ɖɔ Polu , kpoBaanabasi kpo omɛ ɖe lɛɛ , ye ni Jeluzalɛmu bo wɛ kan nu se do oxo xɔn wu ɖo Omɛɖoxlan kpo mɛxo lɛɛ . ³ Bɔ , agun lɔ sɛ ye do , ye wa gbɔn Fɛnisi kpo Samalii bo le ke kosi lɛɛ wwa yi se do . Bɔ e vivi na nɔvi lɛkpo. ⁴ Ke wa jɛ Jeluzalɛmu , agun lɔ yi ye ganji , bɔ omɛɖxlan lɛɛ kpo agun mɛxo lɛɛ bɔ nu ke mawu blo kpo ye . ⁵ Bɔ , sunnu ɖe lɛɛ sɔn falizyɛn lɛɛ bo wa ɖi nu na Aklunɔ , cite bo ɖɔ : " E ɖo vivɛɖe ɖɔ ye ni gbo ada bo wa Moyizi we osɛn lɔ ji ." ⁶ Omɛɖoxlan lɛɛ kpo agunmɛxo lɛɛ wa kpli bo na gbeje oxo lɛɛ kpɔn . ⁷ Gbɔn adɔndidɔn ɖaxo ɖe mɛ , Piyɛɛ cite bo ɖɔ : "Nɔvi lɛɛ , mi nywɛ ɖɔ sɔn kaka hwenu xoxo Mawu wa blo cicyan ɖo mi mɛ , bɔ gbɔn onu ce mɛ , kosi lɛɛ na se Aklunɔ we oxo bo na ɖinu . ⁸ Bɔ Mawu ke nyɔn ayixa lɛɛ , E wa ɖe kunnu bo na ye Oyɛ Ɖedovo ɖi leke e na myɛ lɔsu ⁹ e ma ze vogbingbɔn do myɛ kpo ye kpo mɛ gɛ , bo nuɖiɖi ye tɔn bo ze lɛ ayixa yetɔn we . ¹⁰ Amɔ etɛ wutu mi ka nɔ ɖiɖa agban ke dagbo mitɔn lɛɛ kpo mye lɔsu kpo ma kpe go na hɛn gɛɛ ,nɔ ɖiɖa ahwanvi lɛɛ ,bo do le ba do na Mawu ; ¹¹ Amɔ mi ɖi nu ɖɔ Mawu hwlɛn migan gbon xomɛnyinyɔ Mawutɔn gblamɛ ɖi leke e hwlɛn mye lɔsu ɖɔ ha ." ¹² Togun lɛkpo ɖoɖa bo do ɖo Polu kpo Baanabasi we oxo se wɛ bɔ nu jawu ke Maawu blo gbɔ ye ji ɖo kosi lɛɛ tɛntin . ¹³ Ke ye wa nɔ te oxo ɖiɖɔ yetɔn lɛɛ , Jaki wa yi oxo bo ɖɔ :" Nɔvi lɛɛ mi se oxo ce . ¹⁴ Sinmɔɔ ɖɔ leke mawun wa blo jɔmyɔ na kosi lɛɛ bo na ze togun ɖo tɛntin ye tɔn ke na nukɔn etɔn . ¹⁵ Xoyiɖɔtɔ lɛɛ we oxo sɔ xa nu ke ye ɖɔ lɛɛ kpo nu ke ye wlan. : " ¹⁶ Ɖo nuxɔn lɛɛ godo, un na blo oxwe Davidi tɔn do ke gba Danyi . Un na lɛvɔ jlɔ bo na blo ɖo . ¹⁷ Lexa omɛ ke kpo lɛɛ na ba Aklunɔn , bɔ kosi lɛɛ na wa ze Aklunɔ we nukɔn ." ¹⁸ Nu xɔn lɛɛ wɛ Aklunɔ ɖɔ e yɔ ke ɖɔ oxo xɔn ḷɛɛ ɖo hwenu xoxo lɛɛ mɛ . ¹⁹ Exɔn wutu , nu mi ce we nyi mi ɖo na do tagba na kosi ke yi se lɛɛ ɖo Mawu ji gɛ ; ²⁰ amɔ ye ɖo na gbɛ hunsinsɛn na ye , agalilɛ , kpo kanlin ke ɖo hun mɛ ɖuɖu . ²¹ Kaka sɔn kukan ke wa yi xoxo lɛɛ ji , ye ɖo omɛ ke nɔ xa Moyizi osɛn lɛɛ ɖo kplɔngbasa lɛɛ mɛ ɖo gbɔzan lɛɛ gbe ɖo oto lɛɛ kpo mɛ . ²² odin e jɛ mɛ na omɛɖoxlan lɛɛ kpo agunmɛxo lɛɛ , kpo agun blebu , bɔ ye na Juda ke nɔ ylɔ ɖɔ baanabasi kpo Silasi , bɔ ye na nukɔntɔ lɛɛ ɖo agun lɔ mɛ , bo na sɛ Polu kpo Baanabasi ɖoxlan Antyɔci . ²³ Omɛ ɖoxlan lɛɛ wlan nu sɛdo bo ɖɔ : " Omɛɖoxlan lɛɛ , omɛxo lɛɛ kpo nɔvi lɛɛ, na nɔvi kosi lɛɛ ɖo Antyɔci , ɖo Silii kpo Silisi , Mi do na mi! ²⁴ Mi wa se na omɛ ɖe lɛɛ mi na ye gbe ti gɛ , sɔn ɖomi de fi bo ze nukpikplɔn De lɛɛ wa do wlu ayixa mitɔn . ²⁵ Mi wa ze gbe ɖo kpɔ bo can omɛ de lɛɛ kpo omɛvivɛna lɛɛ Polu kpo Baanabasi sɛdo, ²⁶ ye omɛ ke ze ogbe yetɔn do afɔku mɛ ɖo Aklunɔn Jezu Klisi we nukɔn wutu . ²⁷ Mi lɛ sɛ Juda kpo Silasi do mi bɔ na lɛɖɔ oxo ɖokpo na mi . ²⁸ E nyɔn na Oyɛ Ɖedovo mawutɔn kpo myɛ ɖɔ mi ma ɖo na ze nuɖevo lɛɛ do mi ji gɛ ni gbɛ nu ke ɖo vivɛɖe lɛɛ : ²⁹ ke nyi ɖɔ mi na jo nu ke ye do sa vɔ na ye hwe lɛɛ , ohun , kanlin ke ku dohun mɛ lɛɛ kpo galilɔ. Ne blo nu xɔn lɛɛ e na nyɔn na mi . Mi na mɔ mi ɖe ." ³⁰ Bɔ , ye wa sɛdo , ye wa jɛ Antyɔci , ye kpli togun bo ze weman na ye . ³¹ Ke ye xa weman lɔ , ye mɛkpo ja wa do gandolamɛnamɛ we oxo lɛɛ wu . ³² Juda kpo Silasi , omɛ ke nyi xoyiɖɔtɔ lɛɛ , do gan lamɛ na nɔvi lɛɛ kpo oxo yetɔn lɛɛ bo do gan lanmɛ na ye . ³³ Ye nɔ flɛn na azan kpɛɖɛ , bɔ nɔ vi ɖo klisi mɛ lɛɛ sɛ ye do ɖo omɛ ke sɛ do lɛɛ de , bo ɖɔ na ye ɖɔ ye na yi ganji . ³⁴ Amɔ , Silasi ɖɔ mi na ci flɛn . ³⁵ Polu kpo Baanabasi wa ci Antyɔci , bɔ ye kpo omɛ sukpɔ nɔ kplɔn nu omɛ lɛɛ bo nɔ jla Wɛn Ɖagbe Aklunɔntɔn . ³⁶ Ɖo azan ɖe lɛɛ godo , Polu ɖɔ na Baanabasi ɖɔ : " Wa mya yi gbɔn toxo lɛɛ kpokpo mɛ fike mi jla Wɛn Ɖagbe Mawutɔn gbɔn lɛɛ bo na wa mɔ le ke ye fɔn ɖo ." ³⁷ Baanabasi ba na kplan Jaan ke ye nɔ ylɔ ɖɔ Maki . ³⁸ Amɔ polu ma ba na kplan kplan Maki gɛ . Ɖo Maki jo ye do ɖo Panfili bo ma gɔ alɔ na ye gɛ . ³⁹ Tagba daxo byɔ ye mɛ , bɔ ye omɛ awe lɛɛ ma . Bɔ Baanabasi kplan Maki do wu bɔ ye yi Ciplu . ⁴⁰ Amɔ Polu cyan Silasi ke vɔvi lɛɛ xoɖɛ na ye godo bo ze ye do Aklunɔ we jɔmyɔ mɛ. ⁴¹ Polu gbɔn Silii kpo Silisi bo gan agun lɛɛ.