¹ Nuke un le byɔ we kpodo hɔnhlɔn kpo le Mawu kpodo Jezu Klisi kpo we nukɔn kɔn; mɛ ke na wa ɖa hwɛ na gbɛtɔ ke le gbɛ kpodo mɛ ke ko ku lɛ bo na wa ɖi axɔlu ha: ² La wɛn Ɖagbe, nɔ tɛ ɖɛ eji ganji le hwe lɛ kpose nu, e ma trɛ nyi hwenu ɖagbe lɔ gɛ can. Nu ma sɔ gbe lɛ, dɔn ye do mɔji, gbɛ nu na me bo dogan namɛ na mɛ le sulu mɛ ta un, bo ba na kplɔn nu mɛ hwebinu. ³ Na do ɖɔ, hwe ɖenu na wa bɔ mɛ lɛ ma si sɔ nɔ jlo na se nu kplɔn mɛ xojɔxo tɔn kɔ lɛ gɛ. Amɔ ye na nyi wan na na do xodo ojlo yetɔn lɛ. Ye na ylɔ ogan susu ke na ɖɔ nuke ye jlo bo na se lɛ na ye . ⁴ Ye na su oto yetɔn lɛna xojɔxo, bo na hun na do ɖoto lɛlo lɛ. ⁵ Amɔ yɔ, nɔ ɖɔ xojɔxo le nu bimɛ. Yi gbe na vivɛsise, wa zɔn na nɔ do la Wɛn Ɖagbe , nyi mɛsɛntɔ Mawu tɔn nugbo. ⁶ Na nyɛ, hwenu ke ogbɛ ce na nyi Mawu tɔn ɖi avɔsisan lɔ ha ke. Na ku zanɖe din. ⁷ Un fun ahwan jɔ ahwan lɔ, un fo wezun ce, un hɛn nuɖiɖi go. ⁸ Odin, ajɔ ɖuɖeji tɔn le te kpɔn un. Ajɔ nugbo ke Aklunɔ, hwɛ jijɔ datɔ, na na un le hwɛ dazangbe. E na na un, amɔn bo na lɛ na mɛ ke le te kpɔ ɛn le wanyinyi mɛ le hwenu ke E na lɛ kɔ wa. ⁹ Ya wa bo wa sɔgbe xa un le ble un mɛ. ¹⁰ Na do ɖɔ, Demasi jo un do, ɖo e nyi wan na onu ayizanji fikɔ tɔn lɛ. E sɔn yi Tɛsalonihi. Klesasi yi Galasi, bɔ Titi yi Dalmasi. ¹¹ Luki lɔkponɔ ge wɛ le kpɔ xa un. Dɔn Maki na yɔ kpo e kpo ni wa, e nyi nu vivɛ ɖe na un le azɔn Mawu tɔn mɛ. ¹² Un ɖo Ticiki ɖo xlan Efɛsi. ¹³ Na a ja, ze awu ce ke un jodo Troasi le Carposi de. Hɛn livu lɛ wa na un gba le taji ke ye ze lɛngbɔ gbaza do blo lɔ. ¹⁴ Alɛsandri ke nyi gbɛdɛ lɔ wa nu nyinyla xa un ta un. Onu ke e blo xa un, Mawu na su axɔ etɔn wi. ¹⁵ Cɔ lewe de go, yɔ lɔsu! Na do ɖɔ, e sɔta ta un wu nuke mi ɖɔ. ¹⁶ Nukɔntɔn ke un yi hwɛ nukɔn, mɛti ma gɔ alɔ na un gɛ, ye mɛ kpose wɛ jo un do. Mawu ni nɔ kpɔn wa nu nyinyla ɖe na ye gɛ. ¹⁷ Amɔ Aklunɔ ke le akpa nyɛ tɔn, e na un hɔnhlɔn. Hun, un la kaka do yi vivɔnu oxo Mawu tɔn. Mɛ ke ma nyi Juwifu gɛ lɛ kpokpo wɛ se, bɔ un mɔ hwɛnlɛngan sɔn kinikini we numɛ. ¹⁸ Aklunɔ na tun kan na un le onu nyinyla lɛ kposese si, E na hwlɛn bo na ze un ze byɔ sɛxwe. Mi ni ze gigo na Mawu tɛgbɛ! Ami. ¹⁹ Dogbe Priscille kpo Akilasi kpo, bo dogbe hwɛndo Onezifɔ tɔn na un. ²⁰ Eraste ci kolɛnti. un jo Trophime do Milet ɖo e le jɛ azɔn. ²¹ Hwlɛndo bo wa hwɛkpo hwenu nyinyla lɔ na wa. Eubule, Pudens, Linus, Claudia kpodo nɔvi sunnu kpo nyɔnu kpo yisenɔ kpose le do gbe na we. ²² Na Aklunɔ ni nɔ kpɔ xa we! Ni do na mi mɛ bisese!