¹ Nyɛ Simoɔ́ɔ Piyɛ́ɛ ke nyǐ mɛsɛtɔ́ Jezǔ Klísi tɔn,bo nyí mɛɖǒxlán étɔ́n wɛ́ wlán wěma ékɔ; mɛ ke e ná nǔɖíɖi ke xɔ akwá ɖi myétɔ́n hǎ ɖó gbɔn azɔn jíjlɔ́́ ke Mǎwǔ mǐtn Mɛhwɛ̌ngántɔ́́ Jezǔ Klísi wa lɔ̌ wé gbla mɛ lɛ́ɛ wɛ un wlǎn ɖóxlán bo dó ogbe ná ye. ² Mǎwǔ ní ná fɛ́nú kpó fífa kpó wu mi, ná ní gɔ bo,flányǐ ɖó Mǎwǔ kpó Aklúnɔ mǐtɔn Jezu kpó ke mi nywɛ̌ lɔ wútu. ³ Hɔ̌nhɔ́n Mǎwǔ tɔn ke Aklúnɔ ́ɖó lɔ́ ná onǔ ke le otají bɔ mǐ naɖó ɖó sísí ná Mǎwǔ le gbɛ zǎn mǐtɔ́n mɛ lɛ́ɛ kpó wú mǐ; é wɛ nyí ɖɔ̀: é bló bɔ mǐ nyɔ́ Mǎwǔ ké ylɔ́ mǐ ná mǐ ná dó ɖó mimá le susu élɔsú tɔ́n kpó xomɛnyǐnyɔ́ étɔ́n kpó lɔ́ mɛ. ⁴ Lě wɛ é dó akpágbe ɖaxó ɖaxó ké xɔ akwa lɛe ná mǐ ɖó; éxɔn tɔn, ná mimɔ onǔ̌ ké wé akpágbe ke é dó lɛ́ɛ yíi, mi nǎ siǧn dló ojlǒ ké wé nɔ́ hɛn onǔ gblé bo lě ɖu axɔ́lú le gbɛmɛ fí lɛ́ɛ, bo nǎ ɖó mimá le ninɔmɛ Mǎwǔ tɔ́n mɛ.́ ⁵ Ɖó mimá ke mǐ nǎ ɖó le ninɔmɛ Mǎwǔ tɔ́n mɛ lɔ́ wútu,mi bo zǎn hɔ̌nhlɔ́n ke lé mi wu lɛ́ɛ kpó, bo ɖo zǐnzán ɖagbwɛ gɔ̌ ná nǔɖíɖi mitɔn, bo ɖo nǔnyinywɛ̌ gɔ ná zǐ̌nzán ɖagbwɛ mitɔn. ⁶ Bo ɖó mɛɖějídúle gɔ́ ná nǔnyínywɛ, bo ɖó suúlu gɔ̌ ná mɛɖějíɖúle, bo ke ze sísí ɖó ná Mǎwǔ gɔ́ na suúlu. ⁷ Bo nǎ dó fo o, mi ɖǒ wǎn yíyí na nɔvǐ gɔ́ ná sísí ɖó na Mǎwǔ, bo ɖó wǎn yíyí ɖó ná mɛ lɛ ɛ kpó gɔ́ná wǎňyí ná nɔvǐ. ⁸ Jijɔ éxɔn lɛ́ɛ wɛ mi ɖǒ ná ɖó; ényí mi ɖǒ jijɔ exɔ́n lɛ́ɛ bɔ é gɔ́flǎ a, yě ná zɔ́n bɔ, le Aklúnɔ mǐtɔn Jezǔ Klísí wé nyinywɛ̌ mɛ, mi ma sɔ́ ná wa aɖíɖɔ gɛ́, mi ma ka sɔ́ ná gɔn sínsɛ́ń gɛ́. ⁹ Amɔ, mɛe má ká ɖo jijɔ exɔn lɛ́ɛ gɛ́ ɛ, mɛ lɔ̌ mɔ́ nɔ́ mɔ nǔ jɛ didɛ̌n nu gɛ́; é ci ɖi nukúntíntɔ́nnɔ dɔhun; é má sɔ́ flǐn ɖɔ̀ e ko lɛ emyé wé sɔ́ń ohwɛ ke émyé hu ɖ'anyǐ lɛ́ɛ mɛ́ gɛ́. ¹⁰ ÉXɔn wútu, anɛevǐ lɛ́ɛ, mi bo lɛ̌ dó hɔ̌nhlɔ́n d'é ji, bo zán ogbɛ mitɔn na ní sɔ́gbe xá oylɔ̌ ke Mǎwǔ ylɔ́ mi lɔ̌ kpó cyán ke é cyán mi lɔ̌ kpó; ɖo ná mi nɔ wa nǔ ɖ̌ó alɔkpa éxɔn mɛ, mima nǎ jɛ onǔ nyinylǎ mɛ gbeɖě gɛ́. ¹¹ Lě ke Mǎwǔ ná ná acɛ ɖaxó wú mi b mi nǎ ɖó byɛ́ Jezǔ Klísi ke nyi Mɛhwlɛ̌ňgántɔ́ mǐtɔn lɔ́ we axɔ́lúɖuɖu mavɔ mavɔ lɔ́ maɛ ɖó lɔ́ xɛn. ¹² Onǔ ke wútu un ná nɔ́ vɔ́ onǔ lɛ́ɛ flǐn mi tɛgbɛ lɔ̌ xɛn, co mi ka ko nyɔ́ ye bo ko lídǒ sinsyɛ́n le xónúgbó ke mi yǐ lɔ́́ mɛ. ¹³ Amɔ̌, ná un kpo le ogbɛ jɛ̌ wɛ, un mɔ ɖɔ̀ é sɔ́gbe nǎ má nɔ́ flǐn nǔ éxɔn lɛ́ɛ wú me ,bo nǎ ɖó hɛn ayixa mitɔn ɖó te. ¹⁴ Ɖó un nywɛ̌ ɖɔ̀̀ zaanɖě din, un lɛ́ sɔ́n agbaza ekɔ ke nɔ kú lɔ́ mɛ́, ɖi lě ke Aklúnɔ mǐtɔn Jezǔ Klísi ɛe xlɛ̀ mǐ ɖó lɔ́ ha. ¹⁵ hǔn un ná bló lěke un kṕ wú ɖó lɛ́ɛ kpo, bo nǎ xlɛ̌ lě ke mi ná sigǎn flǐn nǔ éxɔn lɛ́ɛ le hwɛ lɛ̌ nu ɖó, le okú cé gódo lɔ̌ wú mi. ¹⁶ Lě xónúgbó mɛ, é ma nyí otan kpíkpí ke e ze bǐbi dó kpí lɔ́ wu mɛ mǐ gán jɛ, bo do kplɔ́n nǔ mi ɖɔ̀ Aklúnɔ mǐtɔ, Jezǔ Klísi nǎ wá kpó hɔ̌nhlɔ́n kpó gɛ́; amɔň mǐ mɔ́ susu ɖaxó ke é ɖó lɔ́ kpó nukún myé lɔsú tɔ́n kpó. ¹⁷ Hwekenu Mǎwǔ Tɔ́ lɔ́ wlɛ́ yɛ̌yí n'ǐ, bo zé e su, mǐ le flɛ̌n; ohwe éxɔn nu , ogbe ɖě ɖi sɔn Mǎwǔ susuɖxónɔ lɔ́ de bo wá é ɖe, bo ɖɔ̀ n'ǐ ɖɔ̀: Ovǐ cé vivɛ́ná wɛ omɛ ékɔ́ nyí; xomɛ nɔ hun un dó éwu. ¹⁸ Mye lɔsú, hwe ke nu myé kpó e kpó le osó mimɛ lɔ jíi, mǐ se ogbe éxɔn ke ɖi sɔ́n ojǐ lɔ́. ¹⁹ Éxɔ́n lɔ́ zɔn bɔ mǐ lɛ́ ɖó ojiɖiɖe dó owɛn ke xóyiɖɔ́tɔ́ Mǎwǔ tɔn lɛ́ɛ dó lɔ̀ wú ganjǐ. Enyí mi wlě otó ɖ'é wú ganjí i é ná nyɔ́ ɖó é cí ɖi zogbɛ̌n ke lé ɖi ɖɛ̌ le zǐnvlu mɛ káka bɔ anyǐnáhɔ́n, bɔ sunvǐ zǎnfɔ́nnú tɔ́n na ná hǐnhɔ́n dó ayi mitɔn mɛ lɔ̌ há. ²⁰ Nǔ ke mi ka nǎnǎ nywɛ̌ ganjǐhwɛ̌kpó lɔ́ ke: mɛtí má sigǎn ze nǔnywɛ̌ é lɔsúnɔ tɔn bo ɖó tín Mǎwǔxó ke a wlǎn lɔ́ mɛ́ gɛ́. ²¹ Ɖó mɛ tí mɔ́́ nɔ́ ze ojlǒ é lɔsú tɔ́n kpoun dǒ ɖɔ̀ Mǎwǔxó lɔ́ kpɔ́n gbeɖě gɛ́; amɔ̌, oyɛ ɖeɖóvo wɛ nɔ zě dó ayi mɛ nǎ gbɛtɔ́ lɛ́ɛ, bɔ ye nɔ́ ɖɔ̀ ke Mžwǔ ɖɔ yě ni bó ɖɔ́ lɔ́.