¹ Ɖ'anyǐ xóxó o, xóyíɖɔ́tɔ́ mǎwǔtɔ́n-nyǐkɔjɛtɔ́ ɖě lɛ́ɛ tɔ́n le togun lɔ̌ mɛ; lěxá ké onǔkplɔ́nmɛtɔ́-nyǐkɔjɛtɔ́ ɖě lɛ́ɛ ná tɔ́n le cɛ̌ncɛ̀n mitɔn, yǎ na zě okplɔ́n nyinyla, okplɔ́n ke nɔ hɛn onǔ gblé lɔ́ byɛ́ mi mɛ, bo nǎ gbɛ́ agǎn ke hwɛ̌n yě gán lɔ́; éxɔn, yě ná vɔ yéɖé bléún. ² Omɛ susu nǎ xódó yě le ogbɛ kukuɖǐ exɔn ke yě nɔ́ zán lɔ mɛ, bɔ lě̌ ke yě nɔ wanǔ ɖó lɔ́ ná zɔn bɔ e nǎ ɖɔ́ xó nyinyla dó xonú gbó wé omɔ̌ lɔ́ wú. ³ Onǔkplɔ́nmɛtɔ́-nyikɔ́jɛtɔ́ éxɔń lɛ́ɛ ná nɔ́́le akwá gbé mɛ, bo nǎ nɔ́ kpá xó ɖɔ̀ ná mi, bo dǒ mi ɖu. Amɔ̌ mɛ ke nǎ dá hwɛ nǎ yě lɔ́ kó lé kpɔ́n yé sɔ́n tɛgbɛ, bo nǎ dá hwɛ ná yě, bɔ vivɔ yětɔn má sigǎn gló gbe ɖě gɛ́. ⁴ Ɖó́ Mǎwǔ má gɔn hwɛ ma dǎ ná wɛnzangun ke hu hwɛ lɛ́ɛ gɛ; amɔ̌, é bɛ̀ yě kɔ́n nyi ozo mɛ, bɔ e hɛn yě ɖó owlɔ̀ mɛ le zǐnvlu mɛ flɛ̌n ná ohwɛɖɔzǎn gbe. ⁵ Mǎwǔ má gɔn hwɛ ma dǎ ná ogbɛ xóxó lɔ́ gɛ́; amɔ̌ é bló bɔ otɔ gɔ̌ bo gbakpé fí lɛ́ɛ kpó, bɔ gbɛtɔ dǐda ke le ogbɛ exɔn lɔ kutɔ. Nɔwée le lě ɖɔ xóná yě do lě ke Mǎwǔ ba ɖɔ̀ yě ní zán ogbɛ ɖǒ lɔ́ kɛ́ɖɛ́ wɛ e hwlɛ̌ gán kpó omɛ cánwe ɖěvo lɛ́ɛ kpó. ⁶ Mǎwǔ dáhwɛ nǎ sodɔ́mu kpó Gomɔ́ɔ kpó, bo zé omyɔ dǒ vɔ yě; e bló lěxá ́bodó ná onǔ ke ɖó ná jɔ dǒ omɛdǐdá́ ké ná wá lɛ́ɛ jí lɔ́ wé oxlɛ ɖokpó yě. ⁷ Mǎwǔ hwɛ̌ Lɔ̌ti gan; Lɔti, onǔjíjlɔ́watɔ́ Wɛ, bɔ ogbɛ kúkúɖǐ ke gbɛtɔ́ dǐdá hwe étɔ́n nú tɔ́n lɛ́ɛ zán lɔ vɛ́ ni'ǐ. ⁸ Ɖó gbɛtɔ́ onǔjíjlɔ́wátɔ́ éxɔn ke la cɛ̌ncɛ́n yětɔn,bo le mɔ onǔ ke y̌le wá lɛ́ɛ,bo le sise ɔn, bɔ onǔ exɔ́n lɛ́ɛ zɔ́n bɔ é nɔ mɔ awǔvɛ gbe lɛ́ɛ kpo gbe le ayixa étɔn mǐmɛ́ lɔ́ mɛ. ⁹ Exɔn, Aklúnɔ nyɔ́ lě ke é nɔ́ hwlɛ̌n mɛ ke nɔ ɖǒ lɔ́, bo ka lɛ́ nyɔ́ lě ke é nɔ zé yě mɛ ke la onu nyinlǎ wá lɛ́ɛ ɖ'anyǐ ɖó bo nǎ wǎ dɔn tó ná yě le hwɛɖɔ zǎn gbe lɔ̌. ¹⁰ Yě mɛ ke nɔ xodó ojlǒ kukuɖi gbɛtɔ́ ke yě nyí lɔ́ tɔn,bo nɔ gbɛ́ wǎn ná acɛjpikpa Mǎwǔ tɔn lɛ́ɛ lɔ́ wɛ é ná dɔntɔ́ ná taun. Onǔkplɔ́nmɛtɔ́-nyikɔ́jɛtɔ́ ke wé oxo un ɖɔ̀ ná mi lɛ́ɛ, ota wɛ yě nɔ syɛ́n bo nɔ dó gbe kanwunkanwun dó ɖɔ̀ xó ná mɛ́; yě má ɖó sísí ná onǔɖídó susunɔ ke le ojǐ lɛ́ɛ gɛ́; amɔ̌ zun wɛ yě nɔ zun yě. ¹¹ Wɛnzangun Mǎwǔ tɔn lɛ́e ɖo hɔ́nhlɔ́ bó ɖó acɛ hú nukplɔnmɛtɔ́-nyikɔ́jɛtɔ́ éxɔ́n lɛ́ɛ, yě mɔ nɔ́ zé ozun dǒ dó hwɛ ná onǔɖíɖó susunɔ lɛ́ɛ le Aklúnɔ nukɔn gɛ́. ̀ ¹² Amɔ̌, omɛ éxɔn lɛɛ, yě mɔ́ nɔ́ lín tamɛ kpɔ́n hwɛ̌ kpǒ bo nɔ́wa nǔ gɛ́; yě cídí ogběkanlin ke jɔ, bɔ e ná wlé bo hu lɔ̌ há; yě nɔ́ zun onǔ ké wú yě má mɔ́ nukúnnú jɛ lɛ́ɛ gɛ́; e nǎ hu yě ɖi lě ke e nɔ hu gběkanlín lɛ́ɛ ɖo há. ¹³ Lěxá wɛ e na sú ohwɛ ke yě hu lɛ́ɛ wé axɔ́ yě ɖó. Yě ná wa nǔ bo dǒ gbɔ ojlǒ nyinylǎ yétɔn lɛ́ɛ le oklée ɖéɖé wɛ́ nɔ hun xomɛ na yě. Ényí yě le cɛ̌ncɛ́n mitɔn, bo lě blɛ̌ mi, bo le onǔ mitɔn ɖu ɔn, wunnyǎ wɛ é nyí, bo nyí afɔklɛ́nnú. ¹⁴ Oga nukún wɛ́ le ota na yě, bɔ ohwɛ huhu mɔ nɔ kpe agbɔ̌ ná yě gbeɖě gɛ́. Yě nɔ ɖó omɔ nǎ omɛ ke vɔ́ lɛ́ɛ bɔ yě nɔ jɛ e mɛ; nukún wɛ yě nɔ dó agban mɛ nǎ mɛ; Mǎwǔ ko ɖó onu yě. ¹⁵ Yě lɛ́ sɔ́n omɔ̌ jíjlɔ́ jí bo yi bú; Bosɔ́ɔ wé ovǐ Baláamu ke yí wǎn ná onǔ nyinylǎ wiwa bo dǒ ɖú ale, omɔ̌ ke é gbɔn lɔ̌ wɛ yě zé. ¹⁶ Amɔ̌, e gbɛ́ nǔ n'ǐ, ɖó tónú ke é kpó sise lɔ̌ wú. Le xónúgbó mɛ, tocí (...) zé gbɛtɔ́ we ogbe bo dó jɛ xó ɖɔ́ jí, bo ɖó oxlonɔú ke xoyíɖɔ́tɔ́ lé wá lɔ́ te; toci (...) má ká nɔ́ ɖɔ̀ xó gɛ́. ¹⁷ Onǔkplɔ́nmɛtɔ́-nyikɔ́jɛtɔ́ éxɔn lɛ́ɛ cí ɖí otɔjɔtɛn ke xúsin lɔ̌ há; yě cíɖi akpɔkpɔ́ ke jɛhɔn ɖaxó ɖé le zé lɔ ɖɔ́hun; Mǎwǔ zě tɛnmɛ ɖ'anyǐ ná yě le zǐnvlu cící lɔ́ mɛ. ¹⁸ Yě nɔ́lé ɖɔ́ ogoyǐtɔ́ xó, bonɔ lé ɖɔ́ xó; yě nɔ́ wlé mɛ ke ma ko lɛ̌ sɔ́n ye mɛ̌ ke lě bú mɔ̌ lɛ́ɛ cɛ̌ncɛ́n bɔ é má ko dɛ̌n gɛ́ lɛɛ zé do omɔ mɛ; onǔ kúkúɖǐ wíwa we ojlǒ ke yě ɖó le gbɛtɔ́ nyínyí mɛ lɛ́ɛ wɛ yě nɔ́ dó wlé ye do omɔ mɛ. ¹⁹ Yě nɔ́ do akpágbe nǎ yě bo ɖɔ́ ná jɛ yěɖé sí; amɔ̌, jijɔ ke nɔ dɔn mɛ yi kútómɛ lɛ́ɛ wé kannumɔ wɛ yě lɔsú ká nyí; ɖó kannumɔ wɛ mɛ ɖokpó ɖokṕ nyí ná onǔ ké nɔ́ ɖú le é ji lɔ. ²⁰ Le xónúgbó mɛ, ényí yě mɛ ke nyɔ̌ Jezǔ Klísí ke nyí Aklúnɔ mǐtɔn, bo nyí Mɛh́wɛ̌ngántɔ́ mǐtɔn, bo ma ka ko lɛ̌ sɔ́n onǔ kúkúɖǐwíwǎ gbɛmɛ fítɔ́n lɛ́ɛ mɛ lɔsú lɔsú gɛ́ lɛ́ɛ lɛ jó yědé dó ná onǔkukuɖǐwiwa éxɔ́n lɛ́ɛ, bɔ yě ɖú le yě jí i, ninɔmɛ ke yě nɔ́ wá ɖó le vivɔ nu lɔ̌ nɔ́ lɛ́ nylǎ hú ke yě ko ɖóla bǐbɛ́mɛ́ lɔ́. ²¹ Ényí yě gbɔ bo gɔn omɔ̌ jíjlɔ́ lɔ́ nywɛ̌, é nyɔ́ ná yě hù ɖɔ̀ yě ní ́nyywɛ̌ bo ka wǎ lɛ́ kɔ sɔ́n onǔ mimɛ́ ke e ɖɔ̀ ye ni bó wá lɛ́ɛ gódo. ²² Onǔ ke jɔ ɖó yě jí lɔ́ sɔ́gbe xa oxó ke olǒ ékɔ́́ lɛ́e ɖɔ́ lɔ́: Ɖuvi bɛ onǔ ke é vi lɔ̌ ɖu, alɔ̌ Hanvǐ ke e lɛ sin nǎ odin tlóló lɔ́ lɛ́ lɛ́kɔ bo yi lɛ babá.