¹ Ovǐ cé lɛ́ɛ, un lě wlǎn onǔ éxɔn lɛ́ɛ ɖoxlán mi, ná mi nǎ dó gɔn ohwɛ hu. Ényí mɛɖě ká hu hwɛ, mǐ ɖó afɔzěɖótetɔ́ ɖokpó le otɔ́ lɔ́ de; é wɛ́ nyí Jezǔ klísi hwɛjíjɔnɔ lɔ̌. ² É wɛ zé éɖé dó sán avɔ̌, ná Mǎwǔ ná dó zé ohwɛ mǐtɔn lɛ́ɛ sɔ́ kɛ mǐ. É má ká nyí ohwɛ myé lɛ́ɛ tɔ́n kɛ́ɖɛ́ wɛ Mǎwǔ ná sɔ́ kɛ mǐ gɛ́; é ná lɛ́ zé gbɛtɔ́ lɛ́ɛ kpó wé ohwɛ sɔ́ kɛ yě. ³ Ényí mǐ nɔ́ nyi osɛ́n étɔn lɛ́ɛ, mǐ hɛn, mǐ na ɖéjí ɖɔ̀ mǐ nywɛ̌ wǐ. ⁴ Ná mɛɖě ɖɔ̀: "Un nywɛ̌ wǐ",bo ka gbɛ́ osɛ́n étɔ́n lɛ́ɛ nyi,hǔn lɛ̌lónɔ́ wɛ́ nyí omɛ éxɔn,bɔ xónúgbó lɔ́ má le omɛ éxɔn mɛ́ gɛ́. ⁵ Amɔ̌, mɛ ke nɔ se tónú na oxó étɔn, omɛ éxɔn ɖó wǎn yíyí titeungbe bɔ nǔ lɛ̌ɛ kpǒ vɔ l'é wu. Lě ke mǐ hɛn, mǐ ná nywɛ̌ ɖɔ̀ mǐ le okpó xá Jezǔ Klísi ɖǒ lɔ́ í ke: ⁶ Mɛ ke ɖɔ̀ émye bó le kpɔ́ xá ɛ ɖǒ ná zán ogbɛ étɔn ɖi lě ke é lɔsú zán ogbɛ étɔn ɖó há. ⁷ Omɛvǐvɛ́ná cé lɛɛ é má osɛ́n yɔ̌yɔ́ ɖěvo we un lě wlǎn ɖóxlán mi gɛ̌; osɛ́n xóxó ke mi ko ɖó sɔ́n hwe ke nu mi ɖi nǔ na klísi lɔ̌ wɛ. Osɛ́n xóxó éxɔn, oxó ke mi ko se lɔ̌ wɛ. ⁸ É ká le lěxá có, osɛ́n yɔ̌yɔ́ we é nyí, bɔ un lě wlǎn ɖóxlán mi, bɔ xónúgbó osɛn éxɔn tɔn ɖe éɖé xlɛ́ le klísi mɛ, bo ɖe éɖé ́xlɛ́ le myě lɔsù mɛ, ɖó zǐnvlu lɔ̌̌ kó són, bɔ hǐnhɔ̌́n titeungbe lɔ̌ kó́ le hɔ́n. ⁹ Mɛ ke ɖɔ̀ émyé bó le zán ogbɛ le hǐnhɔ́n mɛ; bo ka gbɛ̌ wǎn ná nɔvyě kpo lé zán ogbɛ le zǐnvlu mɛ. ¹⁰ Mɛ ke yí wǎn ná nɔvyɛ̌ nɔ́ nɔ hǐnhɔ́n me; exɔn nǔti má t le é wu bo nǎ dɔn mɛ ɖěvo dǒ ohwɛ mɛ gɛ̌. ¹¹ Mɛ ke ká gbɛ wǎn ná nɔvyɛ̌ le zǐnvlu mɛ; é lé ɖí zɔnlin le zǐnvlu mɛ; é má nyɔ́ fí ke é xwé gɛ́, ɖó zǐnvlu lɔ̌ zɔ́n bɔ é má lé mɔ onǔ gɛ́. ¹² Ovǐ ce lɛ́ɛ, un lě wlan wěmá ɖoxlǎn mi, ɖó Mǎwǔ zé ohwɛ mitɔn lɛ́ɛ sɔ́ kɛ mi le Jezǔ klísi we nyǐkɔ́ mɛ. ¹³ Ovǐtɔ lɛ́ɛ, un lě wlǎn wěmá ɖóxlán mi, ɖó mi nyɔ́ mɛ ke ko le sɔ́n bǐbémɛ lɔ́. Omɛwǐnwínnyá lɛ́e, un lě wlǎn wěma ɖóxlá́n mi, ɖó mi ko ɖu le omɛ nyinylǎ lɔ́ jí. ¹⁴ Ovǐ cé lɛ́ɛ, un lě wlǎn wěmá ɖóxlán mi, dó mi nyɔ̌ otɔ́ lɔ́. Ovǐtɔ́ lɛ́ɛ, un lě wlǎn wěma ɖoxlán mi, ɖó mi ny̌ mɛ ke le sɔ́n bǐ bɛ́ mɛ lɔ́. Omɛwǐnwínnya lɛ́ɛ, un lě wlǎn wěmá ɖóxlán mi, ɖó mi ɖo hɔ̌nhlɔ́n; Mǎwǔxó lɔ́ lé ayi mɛ na mi, bɔ mi ɖu le omɛ nyinylǎ lɔ́ jí. ¹⁵ Mi nɔ kpɔ́n yi wǎn ná ogbɛ lɔ̌ gɛ́; mi nɔkpɔ́n ká lɛ́ yí wǎn ná onǔ ké nyí ogbɛ lɔ̌ tɔn lɛ́e tí gé. Ényí mɛɖě yí wǎn ná ogbɛ lɔ̌ hǔn é má dó wǎn yíyí na otɔ́ lɔ́ gɛ́. ¹⁶ Ɖó onǔ ke nyí ogbɛ lɔ̌ tɔn tí má sɔn otɔ́ lɔ́ de gɛ̌; gbɛtɔ́ wé ojlǒ nyinylǎ lɛ́e nukú dó agban mɛ nǎ mɛ, kpó ogoyiyí ke adɔkun jijɛ nɔ zɔ́n mɛ lɔ̌ kpó tí ma sɔ́n otɔ́ lɔ́ dé gɛ; gbɛ mɛ fi wé onǔ wiwá lɛ́ɛ wɛ. ¹⁷ Ogbɛ ékɔ, wǐwá yí wɛ é le, bɔ mɛ ke nɔ blǒ ojlǒ ogbɛ ékɔ tɔ́n lɛ́ɛ lɔsú na wá yi; omɛ ke nɔ blǒ ojlǒ Mawǔ tɔ́n ka nǎ nɔ́ ogbɛ káká sɔ́yi. ¹⁸ Ovǐ ce lɛ́ɛ,hwenu gǒdo godo tɔn mɛ wɛ mǐ le; mi ka ko se ɖɔ́ kɛntɔ klísi tɔn lɔ̌ ɖó ná wá; amɔ̌ odin, klísi wě kɛntɔ́ susu ko wá. Exɔn wɛ zɔ́n bɔ mǐ nywɛ̌ ɖɔ̀ hwenu gǒdo gǒdo tɔn lɔ̌ mɛ́ wɛ mǐ le. ¹⁹ Omɛ éxɔn lɛ́ɛ lɛ́ sɔn mǐ mɛ, ɖó yě,má nyí omɛ mǐtɔn tí ɖ'anyǐ gɛ́; ɖó ná yě kó nyí omɛ mǐtɔn wɛ, yě ná kó nɔ mǐ mɛ; yě ká lɛ́ sɔn mǐ mɛ, ná e nǎ mɔ nukúnnú jɛ é mɛ céɖécéɖé ɖɔ yě bó ma nyí ome mítɔn tí ɖ'anyǐ gɛ. ²⁰ Mye lɛ́ɛ, klísi kɔn Oyɛ ɖeɖóvo dó mijǐ; éxɔn wɛ́́ zɔn bɔ mi mɛ kpó nyɔ́ xónúgbó lɔ́. ²¹ Hǔn é má nyí mi dán xónúgbó lɔ́ wǐ we zɔ́n bɔ un le wlǎn onǔ ékɔ ɖóxlan mi we gɛ̌. Mi nyɔ̌ onǔ ké nyí xonúgbó wǐ,bo ka lɛ̌ nywě ɖɔ̀ lɛ̌lo tǐ́ mɔ́ nɔ́ tɔ́n sɔ́n xónúgbó lɔ́ mɛ́ gɛ́. ²² Mɛ̌ ká lé nyí lɛ̌lónɔ́ lɔ́ ? Mɛ ke ɖɔ Jezǔ bǒ má nyí klísi gɛ̌ lɔ́ wɛ; omɛ éxɔn wɛ́ nyí klísi wě kɛntɔ́. É gbɛ́ otɔ́ lɔ́ kpó ovǐ lɔ́ kpó. ²³ Le xónúgbó mɛ, mɛ ke gbɛ́́ ovǐ lɔ́ɔ, é gbɛ́ otɔ́ lɔ́. Mɛ ke ka yí gbe dɔ Jezǔ bo nyí Mǎwǔ vǐ i, omɛ éxɔn le kɔnɖókpɔ́ mɛ́ xá Mǎwǔ Tɔ́ lɔ́ lɔsú gbá. ²⁴ Mi hɛn oxó ke mi se sɔ́n hwe ke nu mi ɖi nǔ ná klísi lɔ̌ dó ayi mitɔn mɛ. É nyí oxó ké mise sɔ́n hwe ke nu mi ɖi nǔ nǎ klísi lɔ̌ lé ayi mitɔn mɛ,mye lɔsú ná le ovǐ lɔ kpó otɔ́ lɔ́ kpó mɛ. ²⁵ Onǔ ké wé akpágbe klísi ka dǒ ná mí lɔ́ we nyí ogbɛ mavɔ mavɔ. ²⁶ Un lě wlǎn onǔ éxɔn lɛ́ɛ ɖóxlán mi, bo dó lé ɖɔ̀ xò dò mɛ ke nɔ ba flǔ mi lɛ̌ɛ wú. ²⁷ Mye lɛ́ɛ, oyɛ ɖeɖóvo ke klísi kɔn dó mi jǐ lɔ́ lé mi jǐ; hǔn, ě má sɔ byɔ́ dɔ̀ mɛɖě ní kpɔ́n onǔ ú mi gɛ. Amɔ̌, ke oyɛ ɖeɖóvo éxɔn nɔ́ kpɔ́n onǔ lɛ́e kpó mo, bɔ onǔ ke é nɔ́ kpɔn mi lɛ́ɛ ká nyǐ xónúgbí, bo ma ke nyí lɛ̌ló gɛ ɛ, mi mɛ kpó ní se tónú na okplɔ́n ke é nɔ́ ná mi lɛ́e, le okpɔ́ ke mi le xá Jezǔ lɔ́ mɛ. ²⁸ Odin, ovǐ cé lɛ́e, mi nɔ kpɔ́ xa Klísi, ná hwe ke nu é́ ɖe éɖé xlɛ̌, mǐ ná ɖó gǎnjéwú kíkpé le hwe ke nu é ná lɛ́ kɔ wǎ lɔ́, wunnyǎ ni nɔkpɔ́n wá wa mǐ le nukɔn étɔ́n gɛ́. ²⁹ Ke mi nywɛ̌ dɔ̀ onǔ jijlɔ́ wɛ Klísi nɔ wa, mi bo nywɛ̌ ɖɔ mɛɖě kpékpé ké nɔ̀ wa onǔ jijlɔ́ ɔ, Klísi tɔn wɛ omɛ éxɔn nyí.