¹ Ɖoŋwinɔ wo mɔ woɖe bɔbɔ nɔ esenyatɔwo koɖo jumɛgawo, woɖe ɖo shishi, ale gbesɔsɔ a wa edɔ nywi wo keŋkeŋ, ² wo ŋ gbe fu aho ŋgbe nuxu win do amɛ nu o, anyi amɛ homɛ vu tɔ, homɛ fafa tɔ anyi kpɔɖe ŋ anyɔ ɖaɖa agbetɔ wo pleŋ gbɔ. ³ Ɖo ɔ, mí wo can, mi nyi ŋnu manya tɔ wo va yi eto gbetɔ wo, amɛ bubu wo, agbe nɔnɔ le edro ɖe kpo kpwi kodo vivi gangan mɛ. agbe nɔnɔ le xomɛveve kodo enudroamu mɛ a je nɔ xaxa y'a xaxa nɔ nɔ. ⁴ Vɔ ga ci yi mɛ yi Mawu miwo hlwɛngantɔ dɔmɛnywi kodo lɔnlɔn ci e do mɔ amɛagbe tɔwo vaa do asɛ yiɖe ki ɔ, ⁵ e va hlwɛnmi do agbe. Ɖe nyi nu nywi wawa mio tɔ ɖewo taɖo o, vɔ ŋshishi yi e ku nɔ mi agbe trɔ mi yi ji sɔto eshi ci yi odotanɔ mi mɛ eyi gbɔngbɔn kɔkwe gbe sɔ mi wa nu yoyu. ⁶ Mawu sɔ gbɔngbɔn kɔkwɛ kɔ do mi ji to miwo hlwɛgantɔ Yesu kliso ji. ⁷ Eyi sɔtodo yi xomɛvu mɛ ɔ, e sɔ mi wa amɛjɔjwɛwo le ŋmɛ nɔ yiɖeki ; ŋci yi a na yi mi a sɛn ŋ a yi agbemavɔ ci yi mi le emɔ kpɔ ɔ nɔ vevi ɖe lɔ. ⁸ Nyɔnɔ nywi nyɔ yi nyi nyɔ,cɛ wo.Nji mɔ watɛ aɖe doji nywiɖe nɔ nyi mɔ mɛci yi wo a va xɔ Mawu ji se ava mɔ, je mɛ mɔ yo o akpe ŋkuvi do edɔnywi wa wa nu. Nyɔ ciwo yi nyɔ yi ɖo ele nɔ amɛshiamɛ nɛ. ^{9 10} Vɔ ɔ, ŋgbe lɔn yi ava dodo ɖika so enyɔ gbaliwo kodo amɛwo o. Nɔ amo wo va dodo ɔ ɖika so tɔgbitɔgbi wo hlɛnhlɛnmɛ nu ɖe, ŋgbe xo do mɛ o. Nɛnɛke ɔ, nɔ wo va dodo ɔ ɖika kaka yi va le evu wa so ese ciwo yi Mawu do to mɔyizi ji ɖe, ŋgbe do enu yï mɛ o. Ɖo nyɔ hunnɔ nyi edɔ gbali wawa yi ele ɖekpokpwi ɖe ɖe le mɛ. Nɔ xɔsetɔ ɖe le wo yi a na yi. Eha lɔ a ma ɔ, na yɔɛ agbe nii eɖe. Nɔ ɖe se ɔ, na gbe yɔɛ evetɔ yi agbe gbe nii, gbɔxwe nɔ ɖe se ɔ, na ɖe so nu. ¹¹ Ɖo ɔ, enya mɔ nɛnɛmɛ bubu ɔ, so Mawu mɔ lɔji yi kpɔtɔ le nuvɔn mɔji tɛ gbɛɛɔ, yiŋtɔ dodo ɔ ehwe nɔ yiɖekii. ¹² Na ɖo amɛɖeka le Atemasi koɖo Tishiki domɛ ɖaɖa eo gbɔ. Nɔ wowotɔ ɖe va ɖo eo gbɔ ɖe, na ɖɔŋ a va do go ŋ do nikopolisi jugan mɛ. Ɖo enɔ yi can vayi mɔ, nɔ vuvɔ kɔɖɛ a nɔ nɛ. ¹³ Tekpɔ akpedo zenasi eseynatɔ kodo Aposolo nu le owo mɔ zɔnzɔn lɔ ji nɔ enu ɖe ŋgbe hwedo woo. ¹⁴ Ele mɔ miwo yi kando Yesu kliso lɔ ji can wo akpe ŋkuvi do edɔ nywi wawa nu yi a nanɔ enu mɛciwo yi enu wudo veviɖe wo. Nɔ owo ŋgbe va le agbe ekuɖe ma sɛn o. ¹⁵ Mɛciwo yi le ŋgbɔ le lɛ wo do egbe ɖaɖa wu do gbe nɔ mɛciwo yi lɔn mi le xɔse lɔ mɛ wo nɔni. Mawu dɔmɛnyi le nɔ kodo mi pleŋ.