¹ Titu wo yɛ ɔ, kplanɔ amɛwo enu ciwo yi sɔ koɖo ciwo yi wo kpla wo. ² Nu nɔ ŋsu shinshinwo nɔ wo a lenɔ wowoɖekiwo nyuiɖe. Wo ɖo yi a nyi amɛ ciwo nu yi wo a donɔ bubu yi wo ɖo yi a bunɔ tamɛ kpɔ gbɔxwe yi a xonɔ nuxu. Wo ɖo a sɛn eŋ le xɔse, lɔnlɔn koɖo jigbɔnɖɛ blɛwu mɛ. ³ Nɛnɛke ɔ, kpla enu nyɔnu shinshinwo nɔ wo a nɔnɔ agbe shigbe amɛcancanwo nɛ. wo ŋgbe sɔ wowoɖekiwo jo nɔ amɛnyɔnunu koɖo ahanumu o. Wo le nanɔ ekpla nyuiwo amɛwo. ⁴ wo le kplanɔ enu nyɔnuvi ciwo yi ɖe asu mɔ wo le lɔn wowo suwo koɖo wowo viwo. ⁵ Wo le lenɔ wowoɖekiwo nyuiɖe yi a gbe nyi nyɔnu mɛmiwo. Wo le lenɔ ebe nɔ axwemɛ dɔwawawo yi a nyi nyɔnu nyiuwo nɔ wowo suwo yi a gbe senɔ etonu nɔ wo. Nɛnɛ ɔ, amɛɖe d'a kpɔ enyɔvɔn ɖe a nu sɔso Mawu nyɔ lɔ nu o. ⁶ Nɛnɛke ɔ, do ŋsɛn lanmɛ nɔ ɖajɛviwo nɔ wo a lenɔ wowoɖekiwo nyuiɖe ⁷ le enushanu mɛ Ewo, Titu ŋtɔ ɖo a wan enu nyuiwo nɔ ɖajɛvi kpɛtɛwo a kpɔdonu. Enu ci yi a kpanɔ amɛwo le nyi nyɔnɔnui yi a gbe na yi wo a donɔ bubu ewo nu. ⁸ Awu nuxuwo le nyinɔ nuxu jɔjɔɛwo yi a gbe nyinɔ nuxu ciwo yi amɛɖe d'a sɛn eŋ do aci axa nɔ o. Gahunnɔmɛ ɔ, amɛ ciwo yi kpe eta koɖo mi d'a va kpɔ enyɔ vɔn ɖe yi a nu soso mi nu o nɔ eŋu a ŋkpɛn wo. ⁹ Amɛ ciwo yi nyi hwashiwo le se etonu nɔ wowo xwetɔwo le enushiannu mɛ. Wo le wanɔ enu ci yi jɔnɔ eji nɔ wowo xwetɔwo yi wo ŋgbe dɔnnɔ enyɔ kpɔ koɖo wo o. ¹⁰ Alo a finɔ enuɖe le wo shi o. Wo le ɖe doasɛ tɛgbɛɛ mɔ yewo nyi amɛxodowo. Nɛnɛ ɔ, wo a na yi Mawu , miwo Hwlɛngantɔ lɔ nyɔ ci yi mi pklakpla camɛwo a xɔ kɔkɔ le enushanu mɛ. ¹¹ Ɖo ɔ, Mawu doasɛ lehanyi e wa xomɛvunuwo do. ¹² Xomɛvu hunnɔn lɔ mɛ yi agbetɔwo pleŋ a sɛn eŋ kpɔ hwlɛngan le nɛ. Xomɛvu hunnɔ gbe kpla enu mi mɔ miwɔ le gbe enu soso wanavɔnwo koɖo xexemɛ drowo gbɔ. Nɛnɛ ɔ, mi a sɛn eŋ leno miwoɖekiwo yi aa wanɔ enujɔjɔɛ yi a gbe nɔnɔ agbe shigbe lehan yi Mawu drɔɛ do nɛ. ¹³ Enu hunnɔwo yi mi ɖo a wanɔ nɛ yi a sɔ le emɔ kpɔɔ nɔ nyɔna ŋkeke ci ji yi Yesu Kliso, amɛ ci yi nyi miiwo Mawu gangan koɖo miwo hwlɛngantɔ, a va trɔgbɔ yi a ze le yi klɛnklɛn gangan lɔ mɛ. ¹⁴ E sɔ yiɖeki na yi wo wui do miwo ta keŋ yi ɖe mi tii le evɔn mɛ yi sɔ mi sɔ wa jukɔn ci yi bianɔ ŋkuvi do edɔ nyuiwo wawa nu ¹⁵ Enyɔ hɔnnɔ ciwo yi ŋ ŋwlɛ ɖaɖa ewo, wowo yi e ɖo a kplakpa amɛwo. Sɔ awu cɛkpakpa do ŋsɛn lanmɛ nɔ awu nyɔsetɔwo yi a gbe sɔ gbe enyɔ nɔ wo. Ŋgbe lɔn nɔ amɛɖekpokpoi a gbali wo o.