¹ Enyɛ Pɔlu Mawu dɔwavi koɖo Yesu Kliso mɛdɔdɔ yi ŋwlɛ wema cɛ. Mawu dɔŋ ɖaɖa nɔ ma vayi kpedo ame ciwo yi e can nu, nɔ wa kandoji yi a jeshi nyɔnɔnui adodui lɔ ci yi donɔasɛ lehan yi Mawu jinɔ mɔ wo le nɔ do. ² Nɛnɛ ɔ, wa sɛnŋ kpɔkpɔ emɔ nɔ agbemavɔ ci ŋgbe yi Mawu ci ɖe xonɔvi do gbɔxwe yi xexe a va jɔ. ³ Ci yi hwecinu yi e kpɔ mɔ yi nyɔ lɔ sun ɔ, Mawu miwo Hwlɛgantɔ lɔ ɖe egbe ci yi e ɖo nɔ mi lɔ doasɛ toto eŋɛ ci yi e do nɔŋ mɔ nyɛ le yi do nɔ amɔwo lɔ mɛ. ⁴ Ŋ ŋwlɛŋwlɛ wema cɛ ɖaɖa eo, Titu, evinyɛ jiji kpɛkpɛkpɛ le Mawu ci ji yi mi bɔ kando mɛ. Mawu Eda koɖo Yesu Kliso, miwo Hwlɛngantɔ, le wa xomɛvunu nɔ eo, yi a na fafa eo. ⁵ Ŋgbeo do Klɛti mɔ nɔ enu ciwo yi kpɔtɔ yi mi ɖe wa do ɖoɖo nu o ɔ, na wa wo. Ɖo ehamɛmɛganwo do eha ci yi le jugan ɖeka ɖeka mɛ nu shigbe lehan yi ŋɖo eo do nɛ. ⁶ Ehwɛ ɖe ɖa so 'mɛ ci a nyi ehamɛmɛgan nu o; e ɖo a nyi asu nɔ nyɔnu kuɖeka; eviɛwo a kando Yesu Kliso ji, yi wo ɖa nɔnɔ agbeyakayaka yi amowo a nunuɔ, yi kpɔ wo ɖa nyi evigbeeto o. ⁷ Ci e nyi eha kplɔtɔ, yi nyi Mawu nuwo ji kpɔtɔ lɔ ɔ, 'mɛɖe ɖa kpɔ ehwɛ ɖe a doi o. Ɖe ɖo a nyi agalɛtɔ, xomɛshintɔnɔ, ahanumutɔnɔ alo alannuwatɔ o. Ɖe ɖo a nyi amɛ ci yi ɖo lɔnlɔn sugbɔ nɔ eho o. ⁸ Vɔ e ɖo a xɔnɔ mɛdru nyuiɖe, yi a lɔnnɔ enunyui wawa. E ɖo a lenɔ yiɖeki gbɔxwe a xonɔ nuxu. E ɖo a wanɔ enujɔjɔɛ, yi a nyi amɛ ci mɛ, yi a gbe ɖunɔ yiɖeki ji. ⁹ E ɖo a le enyɔ adodui ciwo yi sɔ koɖo ciwo yi wo kplɛɛ doashi gogoiɖe. Gahuunɔmɛ ɔ, a va sɛnŋ sɔ enyɔ hunnɔwo kplan enu 'mɛkpɛtɛwo, yi a do ŋsɛn lanmɛ nɔ wà. Gahunnɔmɛ hɛnnɛ ɔ, a va sɛnŋ dre enu gɔnmɛ nɔ 'mɛciwo yi dodoɔ aci axa nɔ yi nyɔwo nɔ wa mɔŋjemɛ mɔ yowo nyɔ ɖe jɔ o. ¹¹ Ɖo le nyɔnɔnui mɛ ɔ, amɛ sugbɔtɔ lii, taŋtaŋ le Yuɖatɔ ciwo yi va trɔ Klisotɔwo mɛ, yi wo ɖe bubuɔ ŋɖekpokpoi o. Wo le enyɔ ma ɖotawo nuɔ, yi sɔ flufluɔ amɛ kpɛtɛwo. ¹⁰ Wo ɖo a xɔ enyɔ hunnɔwo le enu nɔ wo. Ɖo wo kplankplan enu ci yi ɖe nyɔ mɔ wa kplan amowo o; yi sɔ cacaka xomu blebuwo, yi sɔ le ŋkpɛn 'howo jiɔ. ¹² Mawu ŋɛdotɔ ɖeka ci yi so Klɛti nu sa mɔ: «Klɛtitɔ evixotɔ tɛgbɛɛtɔwo, elan baɖabaɖawo, ɖyiɖɔnɔwo, sukaɖutɔwo yi wo nyi.» ¹³ Enyɔcɛwo nyi nyɔnɔnui. Yi taɖo ɔ, gbenɔwo nyuiɖe, nɔ, wa sɛnŋ ɖo xɔse mɛmɛ. ¹⁴ Wowo ŋgbe godo Yuɖatɔwo xolɔlɔ ciwo yi nyi evixoxo koɖo agbetɔ ciwo yi gbe nyɔnɔnui lɔ gbeɖeɖe nu o. ¹⁵ Amɛ ciwo yi jimɛ kɔ nɔ le Mawu ŋmɛ ɔ, enuwo pleŋ mɛ kɔnɔ nɔ wo. Vɔ amɛ ciwo yi jimɛ xoɖyi nɔ le Mawu ŋmɛ, yi wo gbe gbe Mawu ji makando ɔ, enuwo pleŋ mɛ ɖe kɔnɔ nɔ wo o. Ɖo ɔ, wowo nunyanya koɖo wowo yixa ku aɖyi. ¹⁶ Wo hunnɔ mɛ mɔ yowo jeshi Mawu. Vɔ wowo nuwawawo donɔasɛ mɔ wo ɖe jeshi ɖɛ o. Amɛ ciwo yi wa gbe eha nɔ yi wo nyi. Etos€ntɔwo yi wo nyi, yi kpɔ wo ɖe sun edɔ nyui ɖekpokpoi ji yi wanɔ o.