¹ Ci yi gbɔngbɔngbe ŋkeke lɔ vayi ɔ, kwɛshiɖagbe nyidin ɔ, Mali Magidalatɔ koɖo Mali halɔtɔ lɔ yikɔ yɔdulɔ kpɔ gbe. ² Eyi zeɖeka vɔ, nyigban hunhun sugbɔ yi tɔhonɔ ciklpɔtɔ ɖeka ɖyi so jeŋkuimɛ yi va bli ekpe lɔ so enu no yɔdu lɔ yi nɔ anyinɔnɔ do ji. ³ Cikplɔtɔ lɔ nɔnɔ klɛn shigbe ojiɖdezo nɛnɛ yi e yi wu yi shigbe ɖeci nɛnɛ. ⁴ Eyi vɔnvɔn do sɔja yi cɔcɔɔ yɔdu lɔ yi wotɔ hunhunhun yi va ci gbɛɖɛɛ shigbe mɛkukuwo han nɛnɛ. ⁵ Eyi ciklɔtɔ lɔ nu nɔ nyɔnu lɔwo mɔ: « Mi ŋgbe vɔn go. Ŋ nya mɔ Yesu, amɛ ci wo kan do acisosaji yi mi jijiɛ. ci wo kan do acisosaji yi mi jijiɛ. ⁶ Ɖe me yɔdu lɔ mɛ go. E ƒɔn sɔso ekuwodi shigbe lehan yi nui daɖi do nɛnɛ. mi wayi kpɔ ƒici wo sɔ mlɔ sasa ɖa. ⁷ Mi vayi nu nɔ e yi nukplaviwo blaŋ mo yi ƒɔn sɔso ekunwodi. H le ete kpɔ mi le Galile kan mɛ. Enɔtɔxu yi mi a vayi kplwɛ le nɛ.» ⁸ Eyi wo so le yɔdu lɔ gbɔ bleŋ. Wo caka le susu mɛ ganŋkega eji gbe jɔjɔ wo, yi wo shi eju yi a vayi do eŋɛ lɔ nɔ Yesu nukplaviwo. ⁹ Zeɖeka vɔ, Yesu go ego wo yi do egbe nɔ wo . eyi nyɔnu lɔ wo te va gbɔ yi le aƒɔwo nii yi doŋdo nii yi siin. ¹⁰ Eyi Yesu nu nɔ wo mɔ: « Mi ŋgbe vɔn go. Mi nu nɔ nɔvinyɛwo mɔ wo ɖe yi Galile kan mɛ. Enɔtɔxu yi wo a kpɔ ŋ le nɛ. ¹¹ Ci yi nyɔnu lɔwo le e,ɔ ji yi yikɔ ɔ, sɔja ciwo yi cɔcɔ YEsu yɔdu lɔwo domɛtɔ ɖekawo gbɔva jugan mɛ yi va nu lehan yi enyɔ lɔ wwwwwo jɔ do nɔ avɔsatɔwo gawo. ¹² Eyi avɔsatɔwo gawo va do ego koɖo mɛganwo yi wo sɔ gbeta mɔ yowo a na eho gangan ɖeka sɔjawo. ¹³ Yi a nu nɔ wo mɔ: « Mi nu mɔ hwenu yi yowo dɔndɔn alɔn ɔ, ŋsu lɔ nukplaviwo va yi va ƒin e yi cɔ lɔ le ezanmɛ. ¹⁴ Ganɔ mɔ ɔ, nɔ ekanjikpɔtɔ va se ɔ, mi a wɛɛ kaka a xɔ egbe do miwo nyɔ ji nɔ ŋgbe wa enuɖe koɖo mi» ¹⁵ Sɔja lɔwo xɔ eho lɔ yi wa do enyɔ ciwo yi wo nu nɔ woji. Eyi enyɔ hunnɔ kaka do Yuɖatwo mɛ yi gbe li egbɛ egbɛ yɛ. ¹⁶ Yesu nukplavi wiɖeka lɔwo yi Galile kan mɛ le ekpo ci yi Yesu nu nɔ wo sosa ji. ¹⁷ Ci yi wo kplwɛ ɔ, wo doŋdo nii. Vɔ ɔ, amɛɖewo le wo mɛ yi wowo ɖe amɛɖewo le wo mɛ yi wowo ɖe kandoji mɔ Ysu yɔ go. ¹⁸ Eyi Yesu tesɔ wo yi nu nɔ wo mɔ: « Mawu sɔ ŋsɛnwo pleŋ jo nɔ ŋ le jeŋlcui mɛ koɖo anyigban ji. ¹⁹ Mi yi jukɔnwo kpu mɛ yi a na nɔ amowo a trɔ anyi nukplaviwo. Mi le Mawushi nɔ wo le Eda koɖo evi koɖo gbɔngbɔn kɔkyɛ nyikɔ mɛ. ²⁰ Yi a kpa enu wo nɔ wo a wa do egbe ciwo yi ŋɖe nɔ mi ji. Enyɛ yɛ ɔ, ŋ li koɖo mɛ hweɖe kpokpuinu kaka a sɔyi xexe lɔ vɔvɔnu.»