¹ Wema jiji mɛ Yésu Klisto tɔ, Davidivi, koɖo Ablahamuvi. ² Ablahamu yi nyi Izaki dalɔ Ʒakɔbu dalɔ, Ʒakɔbu ci yi nyi eda nɔ Yuda koɖo nɔviɛwo. ³ Yuɖa yi nyi eda nɔ Farɛzi koɖo Zaara yi owoo nɔ nyi Tama. Farɛzi yi nyi eda nɔ Ezrɔn. Ezrɔn nyi eda nɔ Aramu ⁴ Aramu yi nyi eda nɔ Aminadamu. Aminadamu yi nyi eda nɔ Nasɔn. Nasɔn yi nyi eda nɔ Salumɔ. ⁵ Salumɔ koɖo Hlaxabu wo yi nyi ajitɔ nɔ Boazi. Boazi yi nyi eda nɔ Obɛdi. Obɛdi nɔlɔ yi nyi Hluti. Obɛdi yi nyi eda nɔ Ʒésé. ⁶ Ʒésé yi nyi eda nɔ efiɔ Davidi ; Davidi Salumɔ dalɔ Uri ashiɛvi. ⁷ Salumɔ yi nyi eda nɔ Hloboamu. Hloboamu Abia dalɔ ; Abia ci nyi Aza dalɔ. ⁸ Aza Ʒozafati dalɔ ; Ʒozafati yi nyi eda nɔ Ʒoramu. Ʒoramu yi nyi tɔgbwi nɔ Oziasi. ⁹ Oziasi yi nyi eda nɔ Ʒoatan. Ʒoatan yi nyi eda nɔ Ashazi. Ashazi yi nyi eda nɔ Ezekiyazi. ¹⁰ Ezekiyazi yi nyi eda nɔ Manase. Manase ci yi nyi eda nɔ Amɔ ; yi Amɔ nyi eda nɔ Ʒosiasi. ¹¹ Ʒosiasi yi nyi eda nɔ Ʒekoniasi koɖo nɔviɛwo hwenu ciyi ahwa kplɔwo sɔyi Babilɔnu jumɛ. ¹² Ci yi wo le wo hɛnsɔyi ahwagbemɛ le Babilɔnu jumɛ, yi godu ɔ, Ʒekonisi ji Salatiyɛli, yi Salatiyɛli ji Zolobabɛli ; ¹³ Zolobabɛli ci nyi Abiudi da lɔ. Abiudi, Eliakimu da lɔ. Eliakimu nyi Azɔɔ da lɔ. ¹⁴ Azɔɔ yi nyi Sadɔki da lɔ; Sadɔki, Akimu da lɔ. Yi Akimu nyi Eliudu da lɔ. ¹⁵ Eliudu yi nyi Eliaza dalɔ. Eliaza yi nyi Matan da lɔ. Matan yi nyi Ʒakɔbu dalɔ. ¹⁶ Ʒakɔbu yi nyi Ʒozɛfu da lɔ ciyi ɖe Mali ciyi ji Yesu. Yesu yi nyi amɛci tɔmɔ Klisto. ¹⁷ Jijimɛ Ablahamu tɔ avasɔyi Davidi ji ɔ, e nyi wiinɛ. Solé Davidi ji avasɔyi ahwagbenu le Babilɔnu nyi wiinɛ ; Solé ahwagbenu le Babilɔnu asɔvayi Klisto jiji ji nyi wiinɛ. ¹⁸ Le Yesu jiji vadoke : Mali nyi aʒavi nɔ Ʒozɛfu, vɔ gbɔxwe wo ava jeɖekɛ ɔ, evavamɛ yi efɔn efu todo Gbɔngbɔn Kɔkoɛ ŋusɛnmɛ. ¹⁹ Asuɔ Ʒozefu nyi agbetɔ jɔjwɛ ; vɔ kpɔ ɖe ji mɔ ye ado ŋukpɛn yi le ahwa domɛ o. Esɔ gbeta mɔ ye aso eka dodo lɔ koɖi le bebemɛ ²⁰ Ci yi ele enyɔ lɔwo buɔ kpɔ ɔ, dola ɖeka va va gbɔ le edrɔmɛ yi nu ni mɔ, Ʒozefu Davidivi, ŋgbe vɔn o. Xɔ Mali shigbe ashiwonɛ. Ɖo evi ciyi le xomɛni so Gbɔngbɔn Kɔkoɛ ŋusɛnmɛ. ²¹ A ji evi ɖeka yi, woa yoɛ mɔ Yesu, ɖo yii ahlɛn xexe lɔ gan le nuvɔnshi. ²² E cɛwo keŋkeŋ ava nɔ enyɔ ci Axwetɔ lɔ nuto enyɔnuɖɛtɔwoji avamɛ : ²³ Kpɔ ɖa, nyɔnu le alɔji ɖeka afɔn efu yi a ji evi yi woa yɔɛ mɔ Emanuɛl ciyi gɔmɛ yi nyi mɔ Mawu li koɖo mi. ²⁴ Ʒozɛfu fɔn so alɔnyii tɔmɛ yi wa enu ciyi dɔla lɔ nunimɔ Axwetɔ lɔ mɔ yɛ le wa, yi exwɛ shigbe ashiɛ nɛ. ²⁵ Kpɔ ɖe mlanyi koɖi kaka va sɛn hwenu ejivi ŋsu yi na nyikɔ yi mɔ Yesu.