¹ Ŋkeke ɖewo godu ɔ, Yesu gbe doasɛ yiɖeki nɔ yi nukplaviwo le etan ci yi le Tibeliyadi lɔ tu. Lehan yi e doasɛ yiɖeki nɔ wo do ke: ² Simɔ Piyɛ koɖo Toma ci yi wo yɔnɔ mɔ Togbo sɔkpenɔ Natanayɛli ci yi so kana le Galile kan mɛ koɖo zebeɖe eviɛ ŋsu lɔwo koɖo Yesu nukplavi amɛve buwo bɔ le afiɖeka. Simɔ ³ Piyɛ nu nɔ wo mɔ: «Na yi da eɖo.» Wo nu nii mɔ:« Miwo can mi a yi koɖo ewo.» Eyi wo so jeŋkɔ yi vayi ɖo etɔjihungangan mɛ. Vɔ ezan hunnɔ mɛ ɔ, wo de kpɔ enuɖe yi le go. ⁴ Ci yi eŋu tɔ keke ɔ, Yesu va le ete le etan lɔ tu. Vɔ ɔ, nukplavi lɔwo de nya mɔ e yi yɔ go. ⁵ Eyi Yesu biɔ wo se mɔ: « Evinyɛwo, mi kpɔ kpavi ɖe yi e a ? » Wo ɖoŋci nii mɔ: « Oo, mi kpɔ eɖe yi le go.» ⁶ E nu nɔ wo mɔ: « Mi da eɖɔ lɔ ɖaɖa ɖushimɛ age nɔ etɔjihungangan lɔ keŋ a kpɔ eɖe a le.» Eyi wo da eɖɔ lɔ nyao ɖaɖa ɖushimɛ age nɔ etɔjihun lɔ yi a dɔin tii vɔ yi dɔndɔn glo. Do ɔ, kpaviwo ɖo eɖɔ lɔ mɛ gbiŋ. ⁷ Hwenɔnu yi nukplavi ci yi Yesu donɔ lɔnlɔn nɔ lɔ, nu nɔ Piyɛ mɔ: « Axwetɔ lɔ yɔ! » ci yi Simɔ Piyɛ se mɔ Axwetɔ yɔ ɔ, e sɔ yi wuvlaya do yi zoje eshi lɔ mɛ. Ɖo ɔ, e ɖii daɖɛ sasa a kpɔ emɔ a da eɖɔ. ⁸ Nukplavi kpɛtɛwo zɔn etɔjihungangan lɔ a vayi cite yi dɔndɔn eɖɔ lɔ yi e ɖɔ koɖo kpavi. Ɖo ɔ, wo de jinjin le agoji sugbɔ go. Mɛta ekave howi hanwo bonu yi wo le. ⁹ Ci yi nukplavi lɔwo dyi je nyigban ɔ, wo kpɔ akan zo ɖeka yi wo sɔ kpaviwo dado ji. Wo gbe kpɔ kpɔnnɔ can le enɔtɔxu. ¹⁰ Yesu nu nɔ wo mɔ: « Mi sɔ kpavi ciwo yi mi le lɔ ɖewo va. » ¹¹ Simɔ Piyɛ ɖo etɔjihun lɔ mɛ yi dɔn eɖɔ lɔ va ago ji yi kpavi kloku sanŋdiɖeka etaatɔn citɔn ɖɔɛ. Ci yi kpavi lɔwo ɖɔ eɖɔ lɔ sugbɔ nɛnɛ can ɔ, kpɔ d'e drɛn go. ¹⁵ Ci yi wo ɖu enu lɔ ɖegbɔ ɔ, Yesu biɔ Simɔ Piyɛ se mɔ: « Simɔ, Ʒan eviɛ, e lɔn ŋ sɔwu lehan yi amɛ cɛwo lɔn ŋ do a?» E ɖoŋci nii mɔ :« Ɛɛ Axwetɔ, e nya mɔ ŋ lɔn ewo. » Yesu nu nii mɔ: « Le ebu nɔ any lɛngbɔviwo.» ¹⁶ Yesu gbe biɔɛ se ke Zevetɔ mɔ:« Simɔ, Ʒonasi viɛ, e lɔn ŋ a? » E ɖoŋnu nii mɔ:« Ɛɛ, Axwetɔ, e nya mɔ ŋ lɔn wu.» Yesu nu nii mɔ: e ebu nɔ nayi lɛngbɔwo.» ¹⁷ Yesu gbe biɔ Simɔ se zetɔntɔ mɔ: « Simɔ, Ʒonasi viɛ, e lɔn ŋ a ?» Piyɛ ci ŋshishi mɛ do enyɔ lɔ ci yi Yesu gbe biɔɛ se zetɔntɔ lɔ taɖo. Eyi e ɖoŋnu nii mɔ: « Axwetɔ, e nya enuwo pleŋ, e nya mɔ ŋ lɔn wu!» Yesu nu nii mɔ: « Le ebu nɔ anyi lɛngbɔwo. ¹⁸ Le nyɔnɔnui mɛ ɔ, ŋ nunuɔ nɔ wu mɔ hwenu yi e le ɖajɛvi mɛ ɔ, e blanɔ awu kpablanu wɔŋtɔ yi yinɔ fici yi dro wu. Vɔ hwenu yi a va ku nyɔxo ɔ, alɔwo yi a va kɔkɔ do eji yi amɛbu a blabla kpablanu nɔ wu ji a kpɔ wu yiyiɔ afi ci yi d'a ji mɔ ye a yi go.» ¹⁹ Sɔ todo enyɔ hunnɔwo mɛ ɔ, Yesu dredreɔ eku ci ŋmɛ yi Piyɛ a va ku yi todo mɛ ɔ, a doasɛ Mawu klɛnklɛn gangan lɔ. Le yi godu ɔ, Yesu nu nii mɔ:« kplɔ ŋ do! » ²⁰ Piyɛ trɔkpɔ godu yi kpɔ nukplavi ci yi Yesu lɔnnɔ le godu nɔ wo. Nukplavi hunnɔ lɔ yi zan ɖaɖa Yesu gbɔ vayi gacimɛ yi wo le enu ɖuɖuɔ fiɛshi yi biɔɛ se mɔ:« Axwetɔ, mɛ yi jijiɔ a va sa wu ɔ ?» ²¹ Eyi Piyɛ kpɔɛ yi biɔ Yesu se mɔ:« Axwetɔ, amɛ cɛ yɛ ɖe, le a va nyi do nɔ nɔ eyɛ ɔ? » ²² Yesu doŋnu nii mɔ: « Nɔ ŋ ji mɔ eyɛ le nɔ agbe kaka a sɔnanɔ hwenu yi na trɔgbɔ ɖee, ŋ de yi kan wu le mɛ? Ewɔ yɛ ɔ, wɔ ɖe plɔŋ do.» ²³ Enyɔ hunnɔ lɔ gbando xɔsetɔ lɔwo pleŋ mɛ mo mɔ nukplavi hunnɔ yɛ d'a ku go. Gankegan ɔ, kpɔ Yesu de nu nɔ Piyɛ vayi mɔ yi d'a va ku go. Vɔ ɔ, nu e nu nii mɔ nɔ ye ji mɔ yi le nɔ gbe kaka a sɔnanɔ hwenu yi ye a trɔgbɔ ɖee, ŋɖe yi kan yɛ le mɛ. ²⁴ Nukplavi hunnɔ lɔ ke yi va nunuɔ enyɔ hunnɔ lɔwo yi ŋwlɛ wo ɖɛ yi mi nya mɔ kunu ci e de lɔ nyi nyɔnɔnui. ²⁵ Yesu gbe wa enu sugbɔ buwo yi nɔ e nyi kpɔ mɔ wo mɔ wo a ŋwlɛ wo eɖe kplɔ eɖe do ɔ, ŋ kpɔ mɔ xexe lɔ pleŋ d'a sɛn eŋ a kpɔ afi ci yi ɖo wema lɔwo do go.