¹ Sasavayi ɔ, Mawu xo nuxu zeneniɖe to yi ŋɛdotɔwo ji nɔ miwo tɔgbiwo to alokpa sugbɔ ji. ² Vɔ le ŋkeke vɔxu cɛwo mɛ ɔ, é xo nuxu nɔ mì toto Eviɛ ji ; Eviɛ ci é sɔ ɖo etɔ nɔ enuwo pleŋ. Eyɛ ji yi é to yisɔ ɖo xexe gbɛ lɔ. ³ Evi lɔ mɛ yi Mawu klɛnklɛn dakɔ ezo le, yi Mawu nɔnɔmɛ pɛpɛpɛ le shi. Elé enushianu dó ete toto yi nuxu ŋsɛntɔ mɛ. Ci yi éklɔ enuvɔnwo sole agbetɔwo nu ɖegbɔ ɔ, éyi nɔ anyinɔnɔ do ɖushimɛ nɔ Mawu ŋsɛntɔ gangantɔ lɔ, le jeŋkui mɛ. ⁴ Mawu vi lɔ wu gan jipo dɔlawo. Eyi na taɖo yi Mawu sɔ nyikɔ ci yi wu gan jipo dolawotɔ sɔ jo nii. ⁵ Ɖo ɔ, jipo dola hɛnɖe yi Mawu nu nɔ mɔ : "E nyi Evi nyɛ ; ŋ ji eo egbɛ ?" alo "Na nyi Eda ni, yi a nyi Evi nɔ ŋ ɔ ?" ⁶ Vɔ gacimɛ hɛn Eviɛ va xexe lɔ mɛ ɔ, enu mɔ : "Jipo dolawo pleŋ ɖoa doŋdo nii". ⁷ Mawu nu so jipo dolawo nu mɔ : "É sɔ́ yi dolawo wanɔ edɔ shigbe jihɔn hanwo nɛ ; yi sɔ nɔ yi dɔwaviwo wanɔ edɔ shigbe ezoɖe hanwo nɛ. ⁸ Vɔ soso Eviɛ lɔ nú ɔ, é nú mɔ́ : "Mawu yí è nyi ; ao fiɔɖuɖu li ɖɛ tɛgbɛɛ. Enujɔjɔɛwawa yi nyi alɔnuci ci yi è sɔ kplɔnɔ ao jukɔn. ⁹ È lɔn Enujɔjɔɛwawa, yí d'è lɔn enudɔndɔnwawa nyɔ gbɔ o. É yí na yí Mawu, ao Mawu, ɖe eo do akpo yí shi jijɔ mi do eta nɔ eo, sɔwu ao kpenawo". ¹⁰ É gbe nu hɛnne mɔ́ : Eo Axwetɔ yí ɖonnyigban lɔ anyinɔnɔ soso gɔnmɛjeje ɖii yí jipo nyi ao lɔnudɔwawa. ¹¹ Enu hunnɔwo pleŋ d'a gbe va li o. Vɔ eo yɛ ɔ, à kpɔtɔ yí a li tɛgbɛɛ. Wo a vá xlɔ́ shigbe lehan yi awu xlɔnɔ dó nɛ. ¹² À vá ŋwlá wo shigbe vuvɔ wu ɖe nɛ. Vɔ eo yɛ ɔ, a kpɔtɔ a le ahan tɛgbɛɛ yi ao gbe d'a ɖó sɛnxu o". ¹³ Mawu de nú nɔ́ yi dolawo domɛtɔ ɖe mɔ : " Và nɔ anyinɔnɔ do anyi ɖushimɛ, nɔ́ ma sɔ́ ao ketɔwo wa afɔɖojinuwo nɔ́ eo." ¹⁴ D'é nyi gbɔngbɔn yi jipo dolawo nyí, yí wawa edɔ nɔ Mawu, yí é dɔnɔ wo ɖaɖa nɔ́ wo a vayi kpedo amɛ ciwo yí á hwlɛn gan nú bá ?