¹ Wemacɛ soso ɔ enyɛ, Pɔlu, amɛdɔdɔ gbɔ nɔ mí. Ɖ'e nyi agbetɔwo yi sɔ ŋɖo amɛdɔdɔ go yi ɖ'e nyi agbetɔ ɖe ji yi wo to yi sɔ ŋ ɖo amɛdɔdɔ o. Vɔ ɔ, yesu kliso oɖo Mawu Eda ci yi fɔin sɔsɔ ekuwodi yi sɔ ŋ ɖo amɛdɔdɔ. ² Enyɛ koɖo nɔvi klisotɔ ciwo yi le ŋ gbɔ le elɛ yi bɔ yi ŋwlɛ wema cɛ ɖaɖa Mawu ha ciwo yi le Galati kan mɛ. ³ Mawu, miwo da koɖo axwetɔ Yesu kliso ɖe wa xomɛvunu nɔ mi yi a na fafa mi. ⁴ Yesu kliso sɔ yíɖeki sa avɔ do miwo nuvɔnwo ta keŋ yi a xɔ mi le xexe baɖa cɛ shi. E wɛɛ nɛnɛ shigbe le han yi e dro miwo ɖa Mawu do nɛnɛ. ⁵ E yi tɔ yi nyi kanfukanfu sɔyi mavɔ mavɔ. Xoaɖyi!. ⁶ Galatitɔwo, e kpaca ŋ mɔ mi ɖe eblɛ yi Mawu ci yi to do xomɛvu kliso lɔ tɔ ji yi yɔ mí. Mi gbii yi kplɔ «Eŋɛnyui bu» ⁷ Ci yi d'e nyi eŋɛnyui hɛnnɛ kpetii do Amɛɖe wo yi ca caaka mi yi jijiɛ mɔ yowo a yto eta da egu nɔ kliso ŋɛnyuilɔ. ⁸ Vɔ nɔ amɛɖe, miwo alo ɖɔla ɖe so jeŋ kuimɛ va dodo ɔ eŋɛnyui bu ɖe nɔ mi ɔ, Mawu ɖe sɛn nii. ⁹ Mi nui nɔ mi vayi, Vɔ ŋ gbe trɔ nuinui ɛ nɔ mi ke eviɛ mɔ: nɔ amɛɖe va do eŋɛnyui bu ɖe nɔ mi to akpo nɔ ci yi mi xɔ ɔ, Mawu ɖe sɛn nii. ¹⁰ Eviɛ ɖe ji ŋ jijiɛ mɔ agbetɔwo ɖe nya mɔ nyɔnɔnui yi ŋ nunuɔ nɔ ma nyɔ le wo gbɔ a alo nɔ ma nyɔ le Mawu gbɔ? Agbetɔwo yi ŋ jiji ɛ a je eŋ nɔ a?. Nɔ e yni mɔ agbetɔwo yi ŋ gbe jiji ɛ a je eŋ nɔ sasa ɔ, kpɔ ŋ ɖ'a nyi kliso dɔwavi o. ¹¹ Nɔvinyɛwo ŋ ɖoɖo ɔ ekpe yí ji nɔ mi mɔ Eŋɛnyui ci yi ŋ va do nɔ mi vayi ɔ, ɖ,e nyi agbetɔwo nyɔ kpoŋ ɖe yi e nyi o. ¹² Ɖo enyɛŋtɔ can ɔ, ɖ'e nyi gbɔ yi ŋ xɔɛ le alo agbetɔ ɖe yi kpla wo ŋ o. Yesu kliso ŋtɔ yi ɖe wo doasɛ nɔ ŋ. ¹³ Mi se lehan yi ŋ nɔnɔ agbe do sasa le gacimɛ yi ŋ kpɔtɔ le yuɖatɔ. Wo sɛnsɛn mɛ vayi. Hwenɔ nu lɔ ɔ, ŋ donɔ aya nɔ Mawu ha lɔ sugbɔ yi tenɔ kpɔ mɔ na gui. ¹⁴ Le yuɖatɔwo gbɛbɔbɔ lɔ mɛ ɔ, ŋ le ŋkɔ nɔ anyi hamɛtɔ sugbɔ le hehan yí wo a wa do miwo sɛnsɛn nyɔwo ji do mɛ. Ɖo ɔ, kpakpa sɔsɔ ŋ do miwo tɔgbiwo kɔnuwo wawa ji. ¹⁵ Vɔ ci yi e dro Mawu ci yi can ŋ do akpo nɔ yiɖeki sɔsɔ enɔnyɛ dɔmɛ ɖii ɔ, e yɔ ŋ koɖo e yi xomɛvu. ¹⁶ E droi yi ɖe eviɛ doasɛ le ŋ mɛ keŋ nɔ ma nu yi nyɔ shigbe Eŋɛnyui ɖeka nɛnɛ le amɛmanyi yuɖatɔwo domɛ. Gahunnɔ mɛ ɔ, ŋ e vayi biɔnɔ amɛɖe se mɔ lehan hi na wɛɛ do mɛ o. ¹⁷ ŋ ɖe yi Ʒeluzalɛmu le amɛ ciwo yi nyi Yesu kliso mɛdɔdɔwo doŋkɔ nɔ ŋ gbɔ kpetii hɛnnɛ o. Vo, ɔ ŋ yi Alabi kan mɛ. Le eyi godu ɔ, ŋ trɔgbɔva damasi j́ugan mɛ. ¹⁸ Exwe amɛtɔn godu ɔ, ŋ vayi Ʒeluzalɛmu yi do ego koɖo kefasi yi sɔ jeshii dɛ . Ŋnɔ gbɔ yi ma ŋkeke wiatɔn. ¹⁹ Vɔ ɔ, ŋ ɖe kpɔ amɛdɔdɔ domɛtɔ bu ɖe sɔzeto Ʒaki ci yi nyi nɔvi le kliso lɔ mɛ nu o. ²⁰ Ci yi ŋ ŋwlɛ ŋwle enu ɖaɖa mi ɔ, ŋwliŋwliɛ nɔ mi le Mawu nyikɔ mɛ yɔ. ŋ ɖe le evi xoɔ nɔ migo. ^{21 22 23 24} Ci yi ŋ so le Ʒeluzalɛmu ɖe gbɔ ɔ, ŋ yi sili koɖo silisi kanwo mɛ. Vɔ amɛ ciwo yi le kliso lɔ mɛ le Mawu ha ciwo yi le Ʒude kan mɛ wowo ɔ, wowo ɖe kpɔ ŋ ŋmɛŋmɛ ahan kpɔ o. Se wo se yi wo nu sɔsɔ ŋ nu sasa kpoŋ mɔ: «ŋsu hunnɔ ci yi cinɔ yumɛ nɔ mi sasa va le xɔse nyɔ ci yi e jimɔ ye a gu sasa nu ɔ nɔ amowo do eŋɛnyui ji.» Eyi wo kankanfu Mawu sɔsɔ ŋnu.