¹ Ci yi wo va sɔ gbeta mɔ miwo a ɖo etɔjihungangan yi a itali ju mɛ ɔ wo sɔ Pɔlu koɖo gakpamɛtɔ ɖekawo daashi nɔ sɔjakavehowuga ci yi wo yɔnɔ mɔ zoliwusu e le ŋkɔ kɔ sɔjawo hwkɔn ci yi wo yɔ nɔ mɔ hlɔmutɔ fiɔgangan sɔjawo. ² Mi ɖo etɔ jihungangan ɖeka yi to axuji je ŋkɔ etɔ jihungangan lɔ so adramiti yɔ nu yi yikɔ etɔ ji hungangan drexu ci wo lyi le azi kan mɛ ɖaa mɛ masedu mawutɔ ɖeta ci yi so tesaloniki jugan mɛ yi wo yɔɛni mɔ alishitaki can le etɔjihungangan lɔ mɛ koɖo mi. ³ E yi ŋke mi vayi ɖo sidɔn jugan mɛ zuliwusu wawa xomɛnu nɔ Pɔlu e na egbe yi mɔ yi ɖe yɔ eyi xlɔwo kpɔ yi a xɔ enu ciwo yi wu dii. ⁴ Ci yi mi so le enɔtɔxu ɔ mi to shiplo tɔdomɛju lɔ tiin yi yi doɔ aya xo dodo ɔ go etɔ jihoungangan lɔ. ⁵ Mi to axu lɔ ji le silisi koɖo panfili kanwo xa ji yi yi mi lu jugan ci yi le lusi kanmɛ mɛ eyi etɔjihungangan lɔ dre do enɔtɔxu. ⁶ Sɔ jakavehowiga lɔ va kpɔ etɔjihungangan bu le enɔtɔxu yi e so alɛsandri jugan mɛ yi vayikɔ itali ju mɛ e na yi mi ɖoi. ⁷ Etɔjihungangan lɔ kuku gbɔngbɔn enu nɔ mi sɔsanɔ ŋkeke ɖewo gbɔxwe yimi va je axaji nɔ kinidi jugan lɔ ci yi jehɔn de lɔn yi mi a yi ŋɔ do ji mi trɔ to samɔnɛ yi va do klɛti tɔdomɛju lɔ fɔde ɖaa. ⁸ Mi tete klikli kli kaka va ɖo fiɖeka ci yi wo yɔnɔ mɔ etɔjihungangan drexunyui yi e le axa nɔ lasayiya jugan. ⁹ Vɔ ɔ mi gu gamɛ sugɔle emɔ lɔ zɔnzɔn mɛ nɔ wo a gbe zɔn axu lɔ ji sɔso enɔ lɔ a yiɔ afɔku le mɛ do ɔ enublabla xwe ci yi woo ɖunɔ hwenu vayi eyi na taɖo yi Pɔlu ɖo ɖo ɔ afɔ afɔta nɔ etɔjihungafankutɔ. ¹⁰ Anyi xlɔwo kpɔ mɔ afɔku le emɔzɔn zɔn cɛ mɛ yi enu sugbɔ jijiɛ a do ahɛn le mɛ etɔjihungangan lɔ koɖo agban ci wo yi le mɛ a doakɛn gbe sɔwu ahan ɔ miwoŋtɔwo a vɔ do mɛ dru. ¹¹ Vɔ ɔ sɔjarehowiga lɔ kando etɔ jihungangan lɔ kutɔ amɛ ci yi nyi etɔjihungangan tɔ lɔ nyɔwo ji sɔwu Pɔlu nyɔwo. ¹² Ci yi etɔjihungangan lɔ drex hunnɔ ɖe nyɔ mɔ wo anɔ vuvɔ hwenu ɔ amɛ sugbɔtɔ ci yi le mɛ sɔ gbeta mɔ yowo ɖo a so le enɔ yi a yi yowo a kpɔ mɔ yowo ɖe fenisi etɔjihungangan drexu ci yi le klɛti tɔdomɛju cɛ mɛ a nɔ enɔtɔxu kaka nɔ vuvɔ hwenu lɔ a vayi etɔjihungangan drexu hunnɔ kpanŋkɔ eweyixɔxu ɖaa nɔ afɔde koɖo tagbe. ¹³ Jehɔn ci yi xonɔ sɔso fɔɖe xoxo ɔ blɛwu yi wo bubu ɔ mɔ yowo a kpe toto lɔ ji yi a wa ci yi ɖe etɔjihungangan shinu ga lɔ siiɔ wo je axu lɔ ji yi tootoɔ klɛti tɔdomɛju lɔ tu. ¹⁴ Eyi sabaa vɔ aya sɛnŋsɛnŋ ɖeka ci yi wo yɔnɔ mɔ elakilɔn xoxo ɔ sɔso etɔ domɛju lɔ mɛ koɖo adan. ¹⁵ Ci yi aya lɔ dɔn etɔjihungagan lɔ yi ɖe gbe sɛn eŋ a kpanŋkɔ yi ɔ mi tashi yi e lɔ mi sɔyi. ¹⁶ Mi to axa nɔ etɔdomɛju ɖeka ci yi wo yɔnɔ mɔ koda yi e xe aya ci soso ɔ tagbe nɔ mi sasa hwɛɖeka nɛnɛ ɔ enu kpe mi gbɔxwe yi mi va sɛn e ŋyi dɔn etɔjihunvi ci yi wo sɔ kunɔ amɛ je ago le enujɔjɔhwenuwo. ¹⁷ Le e yi godu ɔ etɔjihungangan kutɔ lɔwo kɔɛ do etɔjihungangan lɔ mɛ nɔ ŋgbe bu wo sɔ eka sɛnŋ sɔ shi etɔjuhungangan lɔ do ete ŋgbe mu je etɔ lɔ mɛ yi wo xa yi ɖo libi gɔnmɛ kɔ ɔ wo klo avɔ c xɔnɔ jehɔn le ŋkɔ nɔ etɔjihungangan lɔ sii yi jehɔn lɔ kplɔ wo ɖedo. ¹⁸ Ci yi aya lɔ cuku lanmɛ nɔ mi ɔ ci yi keɔ mɛ lɔ wo tɔ agban ɖekawo lɔlɔ kɔdo axu lɔ mɛ nɔ ehun lɔ a foɖa vi ɖeka. ¹⁹ Ŋkeke amɛtɔntɔ lɔ gbe ɔ wowoŋtɔwo lɔ enu kpɛnkpɛn ci wo yi le etɔjihun lɔ mɛ kɔŋgbe. ²⁰ Ewe koɖo wleciviwo ɖe to sɔnanɔ ŋkeke ɖewo o yi aya lɔ trɔ kpɔtɔ sɛnsɛnŋ mi ɖe kandoji mɔ mi a gbe gan o. ²¹ Mi nɔ onumaɖu nɔ azan sugbɔ eyi Pɔlu va shite le omowo domɛ yi nu mɔ anyi xlɔwo nɔ mi nya sa ɔ mi a se enyɔ ci yi ŋ nu yi a ci klɛti tɔɔdomɛju mɛ yi mi a ze nɔ afɔku cɛ koɖo enudo ahɛnnɔ amɛ cɛ. ²² Ecɛɛ ɔ ŋ biɔbiɔ so mi gbɔ mɔ mi wo ɖe gbe edɔn do amɛkpokpoi da vɔ do mɛ le mi mɛ o etɔjihungangan lɔ ɖekɛ yi a trɔn. ²³ Egbɛ zanmɛ kinnyɛ ci yi nyi Mawu ci yi ŋ sɛnnɔ dɔ la ɖeka va ŋ gbɔ yi nu nɔ ŋ mɔ. ²⁴ Pɔlu ŋgbe vɔn e le mɔ wo a kplɔ wu yi seza ŋkɔ Mawu kpɔ do wu nu yi tashi ewɔ koɖo amɛ ciwo yi e etɔjihun lɔ mɛ do agbe. ²⁵ E yi na taɖo ɔ anyi xlɔwo mi gbe dɔn do ŋ kando Mawu ji mɔ lehan yi wo nui nɔ ŋ do e yi ya jɔ. ²⁶ Vɔɔ mi ɖo a vayi je etɔdomɛju ɖe go ji. ²⁷ Ci yi mi le ezan winɛtɔ lɔ mɛ ɔ jehɔn lɔ gbe kpɔtɔ dɔ mi yi mɛdiɛ lanexu lɔ ji shigbe ezangalive han nɛnɛ ɔ etɔjihungangankutɔ lɔ wo bubu ɔ mɔ mi gbosɔ nyigban gbali. ²⁸ Eyi wo do eka ɖeka ci nu yi wo bla ega kpɛnkpɛn ɖeka do ɖaɖa yi kpɔ mɔ axu lɔ cito shigbe mɛta egban hoadrɛ (37) han nɛnɛ mɛ ci yi etɔjihungangan lɔ gbe teyi ŋkɔ hwɛɖeka ɔwo gbe do enu lɔ ɖaɖa yi kpɔ mɛta wivɔnnyi han. ²⁹ Ci yi wo vɔn vɔn mɔ etɔjihungangan lɔ a va klɛn ekpegbajawo ɔ wo sɔ eka sɛnŋsɛnŋ amɛnɛ shi etɔjihungangan lɔ de godu lage do ete wo wɛɛ nɛnɛ a sɔ nɔnɔ ete kpɔ ŋkeke lɔ veviɖe. ³⁰ Vɔ ɔ etɔjihungangan kutɔ lɔ wo jijia shi le ehun lɔ mɛ eyi wo ɖyiɖyi etɔjihunvi lɔ do eshimɛ yi sɔ nunu ɔ mɔ yowo a sɔ etɔjihunganganshinu ga shi etɔjihungangan lɔ doŋkɔ ɖaa do ete goŋ. ³¹ Eyi Pɔlu nu nɔ sɔjakakehowiga lɔ koɖo sɔjawo mɔ nɔ ŋsu cɛwo ɖele etɔjihungangan lɔ sasa ɖe mi df'a gan o. ³² Eyi sɔja lɔwo so ekawo nɔ etɔjihunvi lɔ yi tashi yi e huin. ³³ Nyidin kucukucu ɔ Pɔlu ɖe kuku nɔ wo pleŋ mɔ wo ɖe ɖu enu mɔ ŋkeke winɛ ke yi mi le xaxa mɛ yi le shive enumaɖu. ³⁴ Eyi na taɖo yi ŋ yɔyɔ mi mɔ miwo ɖe ɖu enu keŋ yi a gan etaɖu da huin nɔ amɛ kuɖeka kpeti le mi mɛ o. ³⁵ Ci yi Pɔlu nu enyɔ cɛwo ɖegbɔ

e sɔ kpɔnnɔ yi do akpe nɔ Mawu le ŋmɛ nɔ wo kpu yi mii mɛ yi tɔ ɖuɖu.

³⁶ Ganɔ mɛ yi wo pleŋ va gbedɔn yi tɔ enu ɖuɖu hɛnnɛ. ³⁷ Mi ple ŋci yi le etɔjihungangan lɔ mɛ nyi agbetɔ sanŋdive taadrɛ ciatɔn (27). ³⁸ Ci yi amɛshamɛ ɖu enu yi ɖɔ xodu ɖegbɔ ɔ wo lɔ eliku ci yi le etɔjihungangan lɔ mɛ kɔŋgbe do axu mɛ nɔ etɔjihungangan lɔ foɖa viɖeka. ³⁹ Ci yi eŋ ke ɔ etɔjihungangan kutɔ lɔwo ɖe jeshi nyigban ci yi wo kpɔkpɔɖaɖa o wo kpo yi axu do enu nyigban mɛ do afiɖeka yi ekɔ le enɔtɔxu lɔ eyi wo sɔ gbeta mɔ yowo a cucu etɔjihungangan lɔ kpɔ mɔ yowo a sɛn eŋ dre do enɔ mɛ. ⁴⁰ Eyi wo ɖe etɔjihunganganshinu ga lɔ dɔŋkpe do axu mɛ yi gbe cu ekawo le emɔjɔjɔnuwo nu eyi godu ɔ wo do avɔ ci yi xɔnɔ jehɔn do ŋkɔ nɔ etɔjihungangan lɔ yi . ⁴¹ Ye jehɔn dɔin kpe axutu lɔ. Vɔ ɔ wo va yi cu ekɔ gangan ɖeka yi ŋkɔ ɖyi do ekɔmɛ nɔ etɔjihungangan lɔ yi ci ete goŋ axushi ci wo yi blibli ɔ adan adan va kakaka do godu nɔ etɔjihungangan yi godu lɔ gban. ⁴² Sɔja lɔwo ji mɔ yowo a wu gakpamɛtɔ lɔwo nɔ eɖe ŋgbe xu eshi yi a shio. ⁴³ Vɔ ɔhlɔmɔtɔwo sɔjakavehowiga ci yi jijiɛ mɔ ye a hwlɛn Pɔlu gan gbe nɔ wo mɔ wo ŋgbe wa nɛnɛ o yi nu nɔ amɛ ciwo yi etɔ xuxu ɖɛ mɔ wo ɖe teje eshi lɔ mɛ do ŋkɔ yi a xu etɔ yi a yi ago ji le nyigban. ⁴⁴ Le e yi godu ɔ amɛ kpɛtɛwo ɖe kplɔ wo do yi a kutɔ kpakoviwo alo etɔjihungangan lɔ tiŋtiŋ nɛnɛ yi wo wɛɛ yi amɛshamɛ sɛn eŋ yi agoji le nyigban nɛ.