¹ Mawu ŋɛdotɔ evixotɔwo nɔ Israyɛli jukɔn lɔ mɛ vayisasa. Nɛnɛke ɔ, amɛ ciwo yi xonɔ evi mɔ yewo nyi enukplamɛtɔwo can a va le miwo domɛ. Wo a wa ayi a sɔ hɛn enukplakpla vɔin ciwo yi an kplɔ amɛ yi trɔntrɔnmɛ do xɔse nukplakplawo me. Wo a yi ji kaka yi a gbe Axwetɔ ci yi cu efɛn yi sɔ xwle wo. Nɛnɛ ɔ, wa dɔn trɔntrɔn va wo ɖekiwo ji trolo. ² Amɛ sugbɔ a va kplɔ wo do le wowo gbe yakayaka nɔnɔwo mɛ. Eyi sɔ to wowo ji ɔ, amɛwo a va tɔ enyɔwo nunu, yi a sɔ xoxoɔ eɖyi nyɔnɔnui mɔ lɔ. ³ Ci yi eho vivinɔ nɔ wo taɖo ɔ, wa sɔ enyɔ kpakpawo a sɔ xlɔnɔ mi ɖu. Ɖo wowo nyɔ yɛ ŋci ɔ, wo hun enu so kojoɖoɖo nu gbɛsasa. Wowo trɔntrɔnmɛ yiyi yɛ le ete ɖɛ vɔ. ⁴ Ɖo ɔ, Mawu ɖe xla dɔla ciwo yi wa nuvɔn do o. Vɔ ɔ, e sɔ wo doashi yi cucuwo ɖaɖa finici yi wo blawo do awlɔgawomɛ, le ʒinflumɛ le yi wo nɔnɔ ete kpɔ kojoɖoɖo le. ⁵ Ɖe xla xexe xoxwi lɔ do o. Vo hwenu yi e hɛn eshijamake lɔ va enuvɔn xexe cɛ ji ɔ, e le agbe do ete nɔ Nɔwe, ŋsu amɛnyitɔ lɔ, amɛ ci yi nyi jɔjɔɛnyinyi dratɔ. E gbe hwlɛn yi mɛ amadrɛ buwo gan bɔdo nu. ⁶ Mawu sogban gbijigbiji Kojo nɔ Kojo gomɔ juganwo yi na yi wo trɔ Afi. E wɛɛ nɛnɛ yi sɔ Nana kpɔ wɛ enuvɔwatɔwo sɔ so enu ci yi wo nɔnɔ ete kpɔ nu. ⁷ Vɔ ɔ, e hwlɛn lɔti, amɛjɔjɔɛ lɔ gan. Do amɛjɔjɔɛ lɔ gan. Do enunyɔŋnyɔŋ ci wo mɛ yi esejimawado hunnɔ lɔwo nɔnɔ agbe le na yi lɔti ci ŋshishi mɛ sugbɔ. ⁸ Do ɔ, amɛjɔjɔɛ hunnɔ ci yi nɔnɔ wowo amɛvɔinwo domɛ senɔ veve le eyi ji mɛmi mɛ ɖo enubaɖa ci yi e fɔn yi kpɔkpɔ gbeɖeka duu ŋci. ⁹ E yi gɔnmɛ nyi mɔ mavɔmavɔ nya lehan yi ahwlɛ amɛ ci wo yi ca koɖyii blebu gan yi le tetekpɔ mɛ do. Nɛnɛke yi e gbe cancan enumajɔmajɔwatɔwo ɖɛ yi a va don eto nɔ wo le kojoɖogbe nɛ. ¹⁰ Veviɖe ɔ, a va dɔn eto nɔ amɛ ciwo yi eɖyixixoxo nyi enu yi dvonɔ yi wo le eju jin kplɔ enu ciwo yi dvonɔ wowo lankpu do keŋ yi gbalinɔ Mawu fiɔɖuɖu lɔ. ci yi wo nyi amɛ ciwo yi kpɔnɔ wowoɖekiwo mɛ, wo nyi amɛ ciwo yi danɔ egbe nɔ amɛ can ɔ, enuɖalo klɛnklɛnnɔwo zuzu ɖe sonɔ jika nɔ wo o. ¹¹ Ganŋkegan ɔ, kpɔ cikplɔtɔ ciwo yi ɖo hlɔnhlɔn Kodo ŋsɛn sɔwu enukplanɛtɔ lɔwo ɖe va do nɔ ehwɛ anɛzuzutɔ nɔ wo le Mavɔmavɔtɔ ŋmɛ o. ¹² Vɔ o, amɛ lɔwo wanɔ enu shigbe lankuwo, maɖotagbɔ ciwo yi li ɖɛ yi wo a le a wunɔ kpoŋ nɛnɛ alo ciwo yi li kaka a va ku ggali nɛne; wo zunɔ enu ci yi wo ɖe jeshi han. wo a va ku shigbe lankuwo nɛnɛ. ¹³ Wo a xɔ enumajɔmajɔɛ fɛncu do enumajɔmajɔɛ ci yi wo wa ŋci. Gbazamɛ nudvoamɛ dɔndɔnwo wawa yi jɔnɔ eji nɔ wo yi wo wɛɛni le kedemɛ can. Nɔ wo ɖuɖuɔ exwe Kodo mi ɔ, evixoxo nɔ mi vivinɔ nɔ wo wo yi enu lɔ toxu ci yi wo va a nyi ŋkpɛn nyɔ kodo enunyɔŋnyɔŋ. ¹⁴ Amɛbushi jiji yi bianɔ ŋkuvi nɔ wo yi enuvɔin wawa ɖe cinɔ ekɔ nɔ wo o. wo flunɔ ŋmɛ nɔ amɛ ciwo yi ɖe lodo le x ɔse mɛ o. Ehosugbɔjiji ɖekɛ yi le lanmɛ nɔ wo. Evi ciwo yi wo sɛn ekpɛn nɔ yi wo nyi. ¹⁵ Ci yi wo so le enɔ jɔjɔɛtɔ lɔ ji ɔ, wo bu enɔ yi kplɔ.Balamu lɔn yi xɔ enumajɔmajɔwawa fɛncu. ¹⁶ Vɔ le enuvɔn ci yi e wa mɛ ɔ, wogbe enyɔ nii. Nyao ɔ, esɔketeashitɔ agbanhɛntɔ ci yi ɖe xonɔ nuxu can va tɔ nuxu xoxo nii shighe agbetɔ han nɛnɛ kaka yi xe emɔ do exwlunɔ nuwawa ci yi Mawu ŋɛdotɔ lɔ wawa. ¹⁷ Amɛ lɔwo le shigbe etɔjɔxu ci wo yi xu alo jeŋkui zɔ ciwo yi jehɔn gangan dɔn yikɔ han nɛnɛ. Mawɛ dra texwe do daɖɛ nɔ wo do zinflu ciɖiciɖi mɛ. ¹⁸ Wowo nuxuwo nyinɔ enyɔ kannɔamɛ nyɔwo yi nyinɔ enyɔ gbaliwo. wo sɔ heteli, gbazamɛ nudroamɛ dɔndɔntɔwo flunɔ ŋmɛ nɔ amɛ ciwo yi e nyi yi nɛ yi wowo so le ame ciwo yi nɔnɔ agbe le trɔntrɔnmɛ mɛ nɛ. ¹⁹ Wo ɖonɔ egbe nɔ wo mɔ wo a kpɔ vovo, vo yi wowoŋtɔwo nyi hwashi nɔ nɔnɔmɛ gblegblewo. Do ɔ, amɛɖekaɖeka nyi hwashhhhhi nɔ enu ci yi kpa acɛ do ji ²⁰ Nyao ɔ, wo ze nɔ edyixoxo xexe lɔ mɛtɔwo sɔ todo Yesu kliso ci yi nyi miwo xwetɔ koɖo miwo hwlɛngantɔ jejeshi mɛ. Vɔ nɔ wo gbe trɔ yi je eɖyixoxo lɔ wo mɛ yi wogbe tɔ acɛ kpakpa do wo ji ɔ, nɔnɔmɛ yoyutɔ ci mɛ wo a va le nyana nɔ wo sɔwu lehan yi wo le do sasa vayi. ²¹ Nɔ wo ɖe jeshi jɔjɔɛnyinyi mɔ ɖɛ sasa ɔ, a nyɔ nɔ wo sɔwu ci yi wo jeshii ɖɛ keŋ yi trɔ gbeɖe ese kɔkɔɛ ci yi wo do nɔ wo ɖɛ. ²² Enu ci yi wawa amɛ lɔwo doasɛ mɔ elo ci yi wo do nyi nyɔnɔnui; klo do elo mɔ:«Avu jo keŋ yi gbe trɔ yi lɔ enu ciwo yi e jo ɖuɖuɔ yi eha ci yi wo le eshi nɔ trololo yi e mɛ gbe trɔ vayi blibɔ baba»