¹ Nɔnviwo ,nɔn ova so ŋsu ɖe do le onugblegble wakɔ lɔ ,mio ci le gbɔngbɔnmen lɔ ,mifuin kuɖo gbɔngbɔn fafatɔ . cɔ wɔ ɖeki nɔn wo ŋgbe va te wɔ can kpɔ . ² Mikpe ɖo mian nɔnnuiwo ŋci yi nɛnnɛn ,mi le wawa ɖo ose kristo tɔ ji . ³ Ɖo nɔn mɛn bube ye nyi ŋɖe lɔ ,gacimɛn yi nɛn nyi ŋɖe ,ele yɛdeki dɔnkɔ . ⁴ Mɛnɖeka mɛnɖeka nɛngbeje odɔ yetɔwomen kpɔ ,nɔn ya kpɔ ŋci yi la sɔ jɔji ,ganke ci yi nan jije yɛɖeki ɖo mɛnɖe ŋci o. ⁵ Ɖo mɛnɖeka mɛndeka la dro agban yɛtɔ . ⁶ Mɛnci yi ole onyɔngbe lɔ fiɔkɔ lɔ ɖo la man onu adodui ɖesiade kudo onu fiɔtɔlɔ . ⁷ Mi ŋgbe ble mian ɖekiwo ,o nɛn konɔn Mawu o .Ŋciwo keŋkeŋ agbetɔ la do lɔ , yɛcan la gbin . ⁸ Ɖo mɛnci donu nɔn ŋtilan lɔ ,ela va ɖe ahizi sɔto ŋtilanmen ,vɔ mɛnci donu sɔto gbɔngbɔnmen lɔ ,ela va ɖe agbemavɔ le gbɔngbɔnlɔmɛn . ⁹ Onyi wawa ŋgbe cikɔ nɔn mio ,ɖo gaxoxo lɔ la va va , yi mi la ɖu ale yɛtɔnɔn mi kpɔtɔ le onyui wakɔ . ¹⁰ Le oxɔn ,nɔn mi ɖo mɔnnukpɔkpɔ lɔ ,mianwanɔn onyui nɔn amɛnsiamɛn taŋ mɛnciwo yi le xɔsemɛnwo . ¹¹ Mikpɔ weman gangan ,ci nyɛnŋtɔ ŋhlɛn kuɖo nyɛnŋtɔ o lɔ . ¹² Mɛnciwo ji la je acɔ sɔto ŋtilan mɛn suɛ dandanmɛn nɔn mi be miansovo ,nɔn agbe ŋgbe va ciyomɛn nɔn wo dota nɔn acisoga kristo tɔ . ¹³ Ɖo mɛnciwo ŋtɔ wo osowo nɛn kpenɔnŋci hɛnnɔn xɔse o ,vɔ oji be mian sovo nɔn wo ŋgbe jɔji le gbazomɛn nɔn mio . ¹⁴ Ŋgbe va vanu gbeɖe be mankafu ŋyin ɖekio ,nɔn ŋɖe va nyin acisoga ahuetɔ jesu-kristo tɔ lo o. Sɔto yɛji yi xixe lɔ kudo taa yɛn yi yɛn ɖo xixe lɔ ta . ¹⁵ Ɖo ovososo alo ovomaso yi le veviɖeo ,vɔ ŋci le veviɖe lɔ,yi nyi ɖoɖo yoyo lɔ . ¹⁶ Nɔn mɛnciwo keŋkeŋ la nɔn agbe sɔto ose cɛ ji lɔ ,nɔn fafa ku dɔmɛnnyi nɛn nɔn woji kuɖo israëli mawu ji . ¹⁷ Nɔn gbeɖe ,mɛnɖe ŋgbe ɖo dɔ nuhɔn ,ɖo jesido yesu tɔ le gbzaŋci nu . ¹⁸ nɔn dɔmɛn nyui mida jesu -kristo tɔ nɛn nɔn ku gbɔngbɔn mian tɔ .Ami .