¹ Nɔn ɖeɖe kpɔkpɔ ci yi jesu nan mi ŋci.Milike le xɔsemɛn ,yi mi gbe va sɔ mian ɖeki ɖo kannumɔkewo . ² Ike eye Pɔlu ŋ nu nɔnmi be nɔn mi savo lɔ kristo nɛn ja wa nude nɔn mio. ³ Zeɖeka ke ,ŋ gbe le ɖeɖefiɔ agbetɔwo keŋkeŋ ci yi oso vonan lɔ,ele dandan mɛn ni be ela wa ɖo ose lɔ ji . ⁴ Mi keke le kristo ŋci ,mio ci yi le agbe le xɔse lɔ gɔnmɛnwo .Mi nan gbe nɔn agbe ɖo ylayla ŋci o. ⁵ Ɖo sɔto gbɔngbɔnmɛn kudo xɔsemɛn ,yi mi nɔte kpɔ kanɖoji jɔjuɛgnigni tɔ . ⁶ Le kristo mɛn lɔ ,ovososo kuɖo ovo mansomanso nɛn nyi ŋɖe kpokpui . Vɔ xɔse ɖekɛ cile odɔwakɔ sɔto lɔnlɔnmɛn yi le veviɖe . ⁷ Mi le du lɔkɔ nyiɖe .Mi nɔnte ogbe sese nɔn nyanwo lɔ ? ⁸ nɛnɛ ha onu ci wakɔ mi le lɔ ,nɛ so mɛnci yi yɔ mi gbɔ o. ⁹ Yovowɔ viɖe lɔ enan nɔn yi aman lɔ fɔnnɔn.

¹⁰ Ŋkanɖo mian ji le mawu mɛn be mi nan bu susu vo . Mɛnci yi le mi flukɔ ,ŋɖe kpokpui ci nyi ,la xɔ ohɛ yɛ tɔ. ¹¹ Nɔnvio ,nɔn ŋgbe le nuxoxokɔ so ovososo ŋci lɔ ,ŋɖe yi wanu ŋgbe le yɔnmɛncinukɔ ? ¹² Ŋji be mɛnci le mi dɔn ɖo gblegble mɛn kɔ ,waɖe wo keŋkeŋ le mian mɛn . ¹³ Ɖo,nɔnvio ,mawu yɔmi nɔn ɖeɖekpɔkpɔ .Kpoŋbe migbe sɔ ɖeɖekpɔkpɔ xɔn sɔwa mɔnnukpɔkpɔ ci mian sɔnɔn agbe le ŋtilanmɛn .vɔ mi kpeɖo mian ɖeki wo ŋci sɔto lɔnlɔnɛn . ¹⁴ Ɖo ose lɔ keŋkeŋ nyi ɖeka sɔto onyɔn gbe cɛ mɛn :«ola lɔn nɔnviotɔ sibe wɔŋtɔ ha .» ¹⁵ Vɔ nɔn mi le onuxukɔ mianɖekiwo ,yi le mianɖekiwo drɛnkɔ lɔ ,mi cɔ mianɖeki nɔn mi ŋgbe gble mianɖekiwo . ¹⁶ Ŋnube ,mi zɔn sɔto gbɔngbɔn kɔkɛ men yi mi ɖe ja va wa ŋtilan jro . ¹⁷ Ɖo ojro ŋtilan tɔ site kpanŋkɔ gbɔngbɔnlɔ yi gbɔngbɔn lɔ wo jro site kpanŋkɔ ŋtilan lɔ.Ɖo ovo toto le womɛn .Ɖoŋci lɔ yi be mi ŋgbe wa ŋci mi ŋɖeji la wa o . ¹⁸ Vɔ nɔn gbɔngbɔn lɔ kpɔ mi lɔ ,mi ŋɖe gbe le ose lɔ gɔnmɛn o. ¹⁹ Fifɛlɔ ,ŋtilanmɛn dɔ wo le faa .wowe nyi onu makɔ makɔ wawa le ŋsu alo nyɔnnu kpaxwe ²⁰ ,kudo onu mankɔkɔ wawa sɔto alɔkpa desiɖe mɛn ,vodu nuwawa ,azenunuwawa ,amɛnxaxa,ovuwawa ,onuhwanhwan ,olannuwawa ,onuhlenhlɛn ,sɛnsɛnvuiwo , ²¹ ojro ,ahanunu ,onuɖugan kudo onuciwo sɔku nenɛhawonu keŋkeŋ.ŋle mi siakɔ ,sibe leci ŋsia mi ,sa ha ,mɛnciwo le nɛnehawo nu wakɔwolɔ ,onɛn ja yi fiɔɖupe mawu lɔ o . ²² Vɔ oku sɛnsɛn gbɔngbɔnkɔkɛ tɔ lɔ yi nyi ,lɔnlɔn ,jijɛ ,gbɔngbɔn xɔxɔ ,domɛnyui ,onu adoduiwawa ,xɔse, ²³ onuviviwawa ,amɛndeki ji ɖuɖu .ose ɖekpokpui nɛn site kpanŋkɔ nɛnnɛnhanuwonu . ²⁴ Mɛnciwo nyi kristo tɔ wo lɔ ,okan ŋtilanwotɔ kudo ojro yetɔwo keŋkeŋ do acisogaji . ²⁵ Nɔn mi le agbe le gbɔngbɔnmɛn lɔ ,miazɔn sɔto gbɔngbɔnmɛn . ²⁶ Mi ŋgbe va trɔzun onu gbalo ,sɔto onyɔnjiji le mianɖekiwo ŋci ,alo sɔto miandekiwo xaxamɛn .