MENSAH-ajg-x-dogbogbe_tit_text

ATA 3

¹ Ɖo eŋui i nɔ xɔsetɔ ciwo yí è kplɔkplɔ be wo ɖo egbe a do nɔ bubu egawo kodo acɛkpakpawo nú. ² Woɖo a senɔ etonu nɔ wo yi agbe le egbe sɔsɔ nɔ edɔ nyui ɖekpokpoi wawo.

Wo ŋgbe nunuɔ enyɔvɔn so mɛɖemɛɖe nu yi agbe nɔ eke mɛ kodo amɛɖe go. Vɔ ɔ, wo le nyi amɛ fafa wo kodo evuɖatɔwo yi aɖenɔ dansin nɔ amɛshamɛ be yewo fá esu.

³ Ɖó sasa ɔ, mìwo ŋtɔwo cán mì nyui enugɔnmɛmasetɔwo. Egu yi mì fɔnnɔ dó Mawu ji yi bunɔ le Mawu 'mɔ lɔ jí. Xexemɛ 'nudroamɛwo kodo xexemɛ vivisesewo kplɔ mì yigɔ. Mì baɖa le mìwo 'nuwawao mɛ yi amɛwo 'nuwo cinɔ ŋmɛ nɔ mì. Mìwo 'nuwawawo dɔ́ yi amɛwo gbe eha nɔ mì yi mì xanɔ mìwanɔnɔwo. ⁴ Vɔ ci yi Mawu, mìwo xɔ namɛtɔ dansin lehanci yi e wanɔ afenuwo do kodolehanci yi elɔnnɔ agbetɔwodó ⁵ yi hɔnɔ nɔ mì ɔ, d'é nyí enujɔjɔwɛwo yí mì wanɔ taɖo go, vɔ ɔ, ŋshishi yi e kpɔ nɔ mí taɖo. E'xɔ nɔ mì sɔto Mawu shi, ci yi ḿ le mɛ yí nan yi mí trɔ mìwoɖekiwo yi ji sɔto gbɔngbɔn kɔɛkɔɛ ŋsɛn mɛ be nɔ mí a tɔ agbe yoyu nɔnɔ. ⁶ Ɖó ɔ, Mawu ná gbɔngbɔn kɔɛkɔɛ lɔ mì sugbɔ sɔto Yesu Kliso, mìwo xɔnamɛtɔ ji. ⁷ Nɛnɛ ɔ, sɔto afenu yitɔ mɛ ɔ, e sɔ mí wa amɛjɔjɔɛwo le yi ŋmɛ yí nan yí mì a sɛ́n eŋ xɔ agbemavɔ ci yi mì le emɔ kpɔɔ nɔ veviɖe lɔ. ⁸ Nyɔnɔnui yi nyi enyɔ cɛ ciwo yi ŋ nu vavi viɛ. E yi nan taɖo yi ŋ jijíɛ be eo le tɛ́ egbe do wo ji sugbɔ be nɔ́ amɛ ciwo yi sɔ wowo xoxe dado Mawu jí a kpe ŋƙuvi do edɔnyuiwawa nu. Enu ciwo yí nyɔn yí ɖó ele nɔ amɛshámɛ nɛ. ⁹ Vɔ ɔ, ŋgbe lɔn yi a va dɔndɔn enyɔ gbaliwo kpɔ kodo amɛwo go. ¹⁰ Nɔ amɛ de le xɔxetɔ lɔ wo mɛ yi na yi hamɛ lɔ ma ɔ, yɔɛ a gbe nii eɖe. Nɔ d'é mi o ɔ yɔɛ zevetɔ lɔ yi agbé gbè nii. GBɔxwe nɔ egbe kpɔtɔ yi le jí ɔ, ɖìi do a kpo. ¹¹ Ɖo ɔ, e nya be amɛ nɛnɛtɔ bu so Mawu 'mɔ́ ji yi ci yi e ɖɔeŋu do enuvɔn vi wawa tɛgbɛɛ ɔ, yiŋtɔ dodoɔ ehwɛ yiɖeki. ¹² Na dɔ́ amɛka le Atemasi kodo Tishiki domɛ ɖaɖa ewo gbɔ. Nɔ wowo domɛtɔ ɖe va ɖo ewo gbɔ ɔ, tekpɔ yi a va do ego ŋ do Nikopolisi jugan mɛ. Ɖo ehɔntɔxu yi ŋ sɔgbeta be na nɔ nɔ́ vuvɔ hwenu lɔ a vayi nɛ. ¹³ Tèkpɔ yi a kpedo Zenasi esenyatɔ kodo Apolosu nu nɔ́ wo a yi wowo 'mɔzɔnzɔn lɔ ji nɔ enuɖe ŋgbe hwedo wo go. ¹⁴ É le be mìwo 'mɛ ciwoyi kando Yesu Kliso lɔ ji can a kpe ŋkuvi do edɔnyuiwawa nu yi ananɔ enu amɛ ciwo yi enu ʒián veviɖe nɔ wo ŋgbe va li ɖɛ gbali manyɔ nɔ́ enuɖe go. ¹⁵ Amɛ ciwo pleŋ yi le ŋgbɔ do egbe ɖaɖa ewo. Dò egbe nɔ mìwo 'xlɔ xɔxetɔwo nɔ ŋ. Mawu le wa afenu nɔ mi pleŋ!