¹ Enyɛ Pɔlu, Mawu 'dɔwavi kodo Yesu Kliso mɛdɔdɔ yi ŋwlɛ wema cɛ. Mawu dɔ́ ŋ ɖaɖa nɔ́ ma vayi kpedo amɛ ciwo yi é can mí nɔ́ wo a kandji yi a jeshi nyɔnɔnui adodui lɔ ci yi dana sin lehanshi yi Mawu jinɔ bé wo le nɔ do. ² Nɛnɛ han ɔ, wo a sɛn eŋ kpɔkpɔ emɔ nɔ agbemavɔ ci 'gbe Mawu ci yi de kannɔ ŋsu ɖo gbɔxwe yí nexe a vá jo. ³ Cí yi hwecinu yi e kpɔ́ bé i nyɔ lɔ sun ɔ, Mawu, miwo xɔnamɛtɔ lɔ ɖɖe egbe ci yi eɖo nɔ mí lɔ dansin sɔto eŋɛ ci yi é do nɔ́ ŋ yi dɔ ŋ be enyɛ le yi do nɔ amɛwo lɔ mɛ. ⁴ Ŋwlɛŋwlɛ wema cɛ ɖadɖa ewo, tito, evi nyɛ jiji kpɛkpɛkpɛ han le Mawu ci ji yi mì bɔ kando mɛ. Mawu Eda kodo Yesu Kliso, mìwo xonamɛtɔ, lé wa afenu nɔ eo yi a na fafa awo. ⁵ Ŋ gbe eo ɖɛ dó Klɛti benɔ́ enu ciwo yi kpɔtɔ yi mì de wa do ɖoɖo nú ɔ, ná wa wo. Ehamɛmɛganwo dó eha ci yi le jugan ɖeka mɛ nù shigbe lehanci yi ŋ dɔ eo do nɛnɛ. ⁶ Amɛde d'a kpɔ ehwɛ ɖe a do ŋsu ci yi a nyi ehamɛmɛgango, ŋsu lɔ do aɖe nyɔnu kudeka; eviɛwo a ka,do Yesu Kliso ji yi wo d'a nɔnɔ agbeyakayaka yi amɛwo a nunuɔ go yi kpɔ wod'a nyi evigbetowo go. ⁷ Ci yi é nyi ehakplɔtɔ yi nyi Mawu 'nuwojikpɔtɔ lɔ, amɛde d'a kpɔ́ ehwɛ de a doi go. Ɖ'é ɖo anyi agla jetɔ, dɔmɛziwatɔ, ahanumutɔ alo danuwatɔ go. D'é dó a nyi amɛ ci yí jinɔ ŋkpɛn 'howo go. ⁸ Vɔ ɔ, é ɖó yi a xɔnɔ mɛdru nyuiɖe yi a lɔnnɔ enunyui wawa. É dó awanɔ enujɔjɔɛ, a nyi amɛmɛmi yi a gbe ɖunɔ yiɖeki ji. ⁹ É ɖo a lé enyɔ adodui ciwo yi sɔ kodo ciwo yi kplin doashi gogoiɖe.Hwehɔnnu ɔ, a va sɛn eŋ sɔ enyɔ adodui hɔwo kplán amɛ kpɛtɛwo yi a do ŋsɛn lanmɛ nɔ wo. Gahɔmɛ hɛnnɛ ɔ, a va dre enu gɔnmɛ nɔ amɛ ciwo yi dodoɔ aci axa nɔ yi 'nyɔwo nɔ́ wo a mɔŋjemɛ be yewo ' nyɔ de jɔ go. ¹⁰ Ɖó le nyɔnɔnui mɛ ɔ, amɛ sugbɔtɔ lií, taŋtaŋ le Yuɖetɔ ciwo yi vátrɔ́ Kloisotɔwo mɛ yi de bubuɔ amɛdekpokpoi go. Wo le enyɔ maɖo tawo nuɔ yi sɔ ƒluƒluɔ amɛ kpɛtɛo. ¹¹ Wo ɖó a xɔ enyɔ hɔnwo le enu nɔ wo. Ɖó wo kplankplan enu ci yi de nyɔ́ bé wo a kplan amɛwo go yí sɔ́ caka caka xomu blebuwo yí sɔ́ le ŋkpɛn 'howo jiɔ. ¹² Mawu 'ŋɛdoto ɖeka ci yi so klɛti, wowoŋtɔwo 'tɔdomɛju mɛ nu sasa bé : "klɛtitɔ ŋsukantɔ tɛgbɛɛtɔwo, elan baɖawo, ɖyidɔnɔwo, sukanuɖutɔwo yí wo nyi ." ¹³ Kunu lɔ ci yi Mawu 'ŋɛdotɔ lɔ ɖe ahan trɔ nyi nyɔnɔnui. É yi na taɖo ɔ, é do a gbenɔ enyɔwo nɔ́ wo veviɖe nɔ́ wowo xɔxe a jɔ. ¹⁴ Nɔ wo ŋgbe go do Yuɖatɔwo 'xocucu ciwo yi nyi ŋsu kodo agbetɔ ciwo yi gbe nyɔnɔnui lɔ gbeɖeɖe nu go. ¹⁵ Amɛ ciwo yi ejimɛ kɔ nɔ le. Mwu ŋmɛ ɔ, enuwo pleŋ mɛ kɔ nɔ nɔ wo . Vɔ amɛ ciwo yi ejimɛ xo eɖyi nɔ le Mawu ŋ mɛ yi wo gbé gbe Mawu ji makando ɔ, ŋɖeŋɖe mɛ de kɔnɔ nɔ wo go. Ɖo ɔ, wo 'nunyanya kodo wo 'yiha xo ɖyi. ¹⁶ Wo hunnɔ mɛ yewo jeshi Mawu. Vɔ wo 'nuwawawo dannasin be wo de jeshi ɖɛ go.Amɛciwo yi wo a gbe eha nɔ yi wo nyi. Etosɛntɔwo yi wo nyi, yi kpɔ wo de sun edɔ nyui ɖekɛ ji yi wanɔ.