¹ Mawu dɔla lɔ gbe dansin agbe 'tɔsasa lɔ nɔ ŋ. Etɔsasa lɔ kpɔkpɔ enu ceŋceŋceŋ shigbe cugbankɔ nenɛ yí totoɔ so efiɔʒinkpin ci yí mawu kodo lɛngbɔvilɔ tɔ mɛ. ² Etɔ lɔ sasa va jugan lɔ 'godoxu dodomɛ. Agbe 'ci lɔ le akpa ɖekaɖeka ji nɔ etɔsasa lɔ yí sɛnnɔ eku Zewive le exwe ɖeka mɛ Aci lɔ makpawo li ɖɛ yí wo a vá sɔ́ danɔ edɔ nɔ akɔtawo. ³ Ekpɛsɛnsɛn nuɖe ɖa gbe va le hɔn go. Mawu kodo Lɛngbɔvi 'fiɔʒinkpin a vá le jugan lɔn mɛ yí Mawu 'dɔwaviwo á vá sɛnsin. ⁴ wo va kpɔ yí ŋ mɛ yí wo a ŋwlɛ yi nyukɔ go wowo gonuwo. ⁵ Ezan d'a gbe do go yi wo d'a hbe hian kadigban alo ewe klɛnklɛn go. Ɖ́ ɔ Yehowa Mawu yí a vá nyi klɛnklɛn nɔ wo eyi wo a vá ɖu efiɔ sɔyi tɛgbɛɛ. ⁶ Le i godu ɔ, Mawu dɔla lɔ nu nɔ ŋ be: «Enyɔ cɛwo nyi enyɔ ciwo yí le dandanmɛ yí gbe nyí nyɔnɔnui. Eyi yehowa, Mawu ci yí sɔnɔ enyɔ ci yí 'ŋdotɔwo a nú donɔ susumɛ nɔ wo dɔ́ yí Mawu dɔla ɖaɖa nɔ a& va dansin enu ciwo yí a va jɔ le majjijiɖe mɛ nɔ yi 'dɔwaviwo». ⁷ Eyi Yesu nu be: « I gé, ŋ gbɔgbɔ le majijiɖe mɛ! Enu yí nyɔ nɔ́ amɛ ciwo yí a lé enyɔnuɖɛ cɛwo ciwo yí le wema cɛ mɛ ɖɛ do susu mɛ!» ⁸ Enyɛ Ʒan yí se enyɔ cɛwo kodo eto yí gbe kpɔ wo kodo ŋkuvi. Hwecinu yí ŋ se wo yi gbe kpɔ wo ɔ, ŋ je eklo ji do akɔmɛ nɔ Mawu dɔla ci yí dansin wo nɔ́ ŋ yí doŋdo nii yi sɔ sinn. ⁹ Vɔ ɔ, é nu nɔ ŋ be «Ŋgbè wa nɛnɛ go! Edɔwavi, ao kpena yi ŋ nyi shigbe eo kodo nɔvio, eŋɛdotɔwo kodo amɛ ci yí le wema cɛ mɛ 'nyɔwo ɖɛ gogoiɖɛ nɛnɛ. Mawu yí è ɖo a doŋdo nɔ yí a sɛn!» ¹⁰ Li i godu ɔ, é gbe nu nɔ ŋ be: «Ŋgbè sɔ enyɔnuɖɛ cɛ ciwo yí le wema cɛ mɛ sɔ wlà go. Ɖó gacimɛ yí enu cɛwo plɛŋ ɖo a jɔ gogo. ¹¹ Amɛ ci yí nyí amɛ majɔmajɔɛ le kpɔtɔ a nyi amɛmajɔmajɔɛ. Amɛ ci yí xo eɖyi lé kpɔtɔ a le eɖyi xoɔ do ji. Amɛ jɔjɔɛ lé gbe ɖe yiɖeki do akpo nɔ Mawu dó ji.» ¹² Yesu gbe nu ke be «Sè ɖa! ŋ gbɔgbɔ le majijiɖe! Na hɛn efɛncu vá yí a vá ɖo tɔxu nɔ amɛɖeka amɛɖeka do edɔ ci yí é wa nu. ¹³ Enyɛ yí ni Alifa kodo Omega, ŋ kɔtɔ kodo vɔvɔ lɔ» ¹⁴ Enu yí nyɔ́ nɔ́ amɛ ciwo yí nya wowo 'wu ji gblɛlɛwo nɛnɛ ɔ, wo a na a cɛ wo yí wo a ɖu agbe 'cikusɛnsɛn lɔ yí a gbe to agbo lɔwo nú yí a ɖó jugan lɔ mɛ. ¹⁵ Vɔ ɔ, wo a nya avuwo, azetɔnɔwo, sakabewo amɛwutɔwo, vojusɛntɔwo kodo amɛ ciwo yi lɔnnɔ ŋsukankan yí gbe kan nii toi le jugan lɔ mɛ. ¹⁶ «Enyɛ Yesu ɔ, ɖo nyaŋ Mawu dɔla ɖaɖa nɔ á va ɖe kunu hɔnwo pleŋ nɔ́ mí so Mawu 'ha lɔwo nu Enyɛ yí nyi Davidi 'kɔta jijimɛvi Fɔnfɔnmɛ wlecivi dazodazo lɔ.» ¹⁷ Eyi gbɔngbɔn lɔ kodo nyɔnu ci yí wo cán a ɖe lɔ ná be «Vá!» Amɛ ci yí se enyɔ cɛ lé nú hɛnnɛ be «vá!» Amɛ ci yí shikɔ ciciɛ lé vá. Amɛ ci yí jiji agbe 'shi le vá xɔ yí a nu gbaŋjo ¹⁸ Enyɛ Ʒan ɔ, ŋ ɖoɖo ekpe i ji nɔ́ amɛ ɖekpokpoi ci yí a se enyɔnuɖɛ cɛ ciwo yi le wema cɛ cɛ be: nɔ amɛɖe va sɔ eɖe dado ji ɔ, Mawu a sɔ enujɔjɔbaɖa ciwo nuxu yí wo xo do wema cɛ mɛ dado yi 'gbe ji. ¹⁹ Nɔ amɛɖe ɖe eɖe le enyɔnuɖɛ lɔwo mɛ ɔ, Mawu a ɖe akpamama ci yí a nyiyitɔ le agbe ci 'kusɛnsɛn lɔ mɛ kodo jugan kɔkɔɛ lɔ ciwo nuxu yí wo xo le wema cɛ me soi. ²⁰ Amɛ ci nunu be enyɔ cɛwo pleŋ nyi nyɔnɔnui nu be: «Ɛɛ ŋ gbɔgbɔ le majijiɖe mɛ» Xoaɖyi! Vá ²¹ Axwetɔ Yesu lé wa xomɛvunu nɔ́ mí plɛŋ.