¹ Ci yi wo ji Jesu le Bɛtɛlɛhɛmu jugan mɛ, le ʒude 'kan mɛ ɔ Elodi gangantɔ yi nyi efiɔ gahɔnmɛ. Eyi ŋununyatɔ ɖeka ciwo yi kplan enu sugbɔ so wleciviwo nu so exezexu agbeyi va Jeluzalɛmu jugan mɛ. ² yí biɔ se be: "fini yi yuɖatɔwo 'ƒiɔ ci yi wo ji yɛ le ɔ? Ɖ le ewezehu agbeɔ, mi kpɔ yi wlecivi. Eyi mi a siin." ³ Ci yi efiɔ Etodi xe enyɔ hɔnɔ ecaka le yi ɖekimɛ. Nɛnɛke yi Jeluzamu duganmɛtɔ wo pleŋ can caka le wowodekiwo mɛ do nɛ. ⁴ Eyi Elodi dɔ yi wo bɔ avɔsatɔwo 'gao kodo ɖukɔnlɔ 'sedɔwatɔwo yi ebio wo sebe fini yi wo ɖo a ji Kliso lɔ le mɛ. ⁵ wo ɖoŋci ni be "Wo ɖo a Kliso lɔ le Bɛtɛlɛhɛmu le ʒude 'kan mɛ Ɖ enyɔ ci yi Mahu nu soto yi 'ŋɛdotɔ ɖeka ji yi wo ŋwlɛ daɖɛ nɛ be: ⁶ "Eo Bɛtɛlɛhɛmu ci le yuɖa 'kan mɛ, ŋ kandoji be d'é nyi eo yi nyi jugan ci yi hwe sɔwu jugan ciwo yi le ʒuɖa 'kan mɛ mɛgo, ɖo eo mɛ yi eƒiɔ ci yi va kplɔ nyaŋ jukɔn Israɛli a to le" ⁷ Gahɔnmɛ yi Elodi yi wo yɔ ŋununyatɔ lɔwo va nii le bebe mɛ yí e biɔ wo se be hwecinu cucúcú wlecivi lɔ tó mɛ. ⁸ Le yi godu ɔ, e dɔ wo ɖaɖa Bɛtɛlɛhɛmu be : "mi yi biɔ eta se nɔ ɖevi lɔ nyuiɖe. Nɔ mi kpɔɛ ɔ, mi a na nɔ ma nyá́ nɔ enyɛ can ma yi sin" ^{9 10} Ci yi ŋununyatɔ lɔwo se enyɔ ciwo yi eƒiɔ Elodí nu ɔ, wo so je emɔ Eyi wo gbe trɔkpɔ wlecíví ci yi wo kpɔ sasa hwecinu yi wo le ewezehu yi eji jɔ wo sugbɔ. wlecivi lɔ zɔnzɔn le ŋkɔ nɔ wo kaka vayi ciete do tamɛ nɔ ƒini ci yi ɖevi lɔ le. ¹¹ Eyi wo ɖo axwe lɔ mɛ yi kpɔ ɖevi lɔ kodo enɔlɔ, Malia Wo doŋdo nii a sɔ́ siin. Le i godu ɔ, hun wowo goduwo yi ɖe shika kodo liƒi kodo amihwɛnte ehovevitɔ milu tii yi sɔ nii. ¹² Le i goduɔ Mawu vaá ń nɔ́ wo le edrɔ mɛ be wo ŋgbe trɔto. Elodi gbɔ go. Eyi wo vá tó emɔn bú yi yi axwe. ¹³ Ci yi ŋununyatɔ lɔwo trɔyi axwe ɖegbɔ ɔ, Mawu dɔla ɖeka vá́ ɖe yiɖeki dansi nɔ́ ʒozeƒu le drɔ mɛ yi nú nii be: " Fɔ́n yi a kplɔ ɖevi lo kodo enɔlɔ yi a shiyi be do Eʒiputu. Nɔ̀ ehɔn kak a sɔnanɔ hwecinu yi na nú nɔ́ eo be le trɔgbɔ. Ɖo ɔ, Elodi jijeɛ a va ji ɖevo lɔ yia wui." ¹⁴ Eyi ʒozeƒu ƒɔn yi kplɔ ɖevi lɔ kodo enɔlɔ ezandomu yi shiyi be do Eʒiputu. ¹⁵ É nɔ hɔ kaka sɔnanɔ hwecinu yi Elodi ku. Nɛnɛhan yi enyɔ ci yi Mawu nú daɖɛ sɔto eŋɛdotɔ lɔ ji be: "ŋ yɔ evinyɛ be yi lé só le Eʒiputu" vá jɔ do nɛ. ¹⁶ Ci yi Elodi va nya be ŋununyatɔ lɔwo ble eye do mɛ ɔ, é do dɔmɛzi sugbɔ yi ɖe egbe be wo lé wu eyi ŋsuviwo pleŋ, so evi fɛnfinwo ji kaka vá sɔ́ kɔdo ɖevi ciwo yi ɖo exwe amɛve ji le Bɛtɛlɛhɛmu kodo kɔxwi ciwo yi trɔdi mɛ. Enyɔ ci yi ŋununyatɔ lɔwo nú nii vayi ji yí é zɔndo yi kan exwe amɛve lɔ. ¹⁷ Nɛnɛ han yi enyɔ ci yi Mawu 'ŋɛdotɛ Jelemi nu daɖɛ vayi va jɔ do nɛ. Enyɔ lɔ yi nyi be: ¹⁸ "Egbe ɖeka nyinyiɛ le Hlama, e le axwa sɛnsɛnɖe yi le ecɔ 'ví faan. Hlashɛli yi le eviɛwo 'cɔ fan. wo blibliɛ gankagan yi é gbe be ye da se go ɖo ɔ, eviɛwo ku" ¹⁹ ci yi Elodi ku ɖe gbɔ ɔ, Mawu dɔla ɖeka ɖe yi ɖeki 'dansin nɔ Ʒoseƒu le edrɔ mɛ le Eʒiputu. ²⁰ Yi nu nii be: "Fɔn yi a kplɔɖevi lɔ kodo enu lɔ yi a trɔ va Israyɛli 'ju mɛ. Ɖo ɔ, amɛ ciwo yi jijiɛ be ɖevi lɔ d'a nɔ agbe go sasa ku. ²¹ "Eyi Ʒoseƒu fɔn yi kplɔ lɔ kodo ɖevi lɔ 'nɔlɔ yi trɔ gbɔ va Tsrayɛli 'ju mɛ. ²² Vɔ ci yi e se be Akelayausi yi va ɖu efiɔ do edalɔ texu le Ʒude 'kan mɛ ɔ, axwe gbɔgbɔva ɖyi vɔnvɔn nii. Eyi Mawu ɖo afɔ afɔta nii le edrɔ mɛ yi e yi Galile 'kan mɛ. ²³ Yi va yí ci Nazalɛti 'jugan mɛ. Nɛnɛ han ɔ, enyɔ ci yi Mawu nu sɔ to eŋɛdotɔ ɖekawo ji be: "Wo a va yɔɛ be Nazalɛtito" va jɔ do nɛ.