¹ Yesu Kliso tɔgbuiɛwo hlɛnhlɛnmɛ ge . Yesu nyi Davidi jijimɛvi yí Davidi nyi ablahamu jijimɛvi. ² Ablahamu ji Izaki. Izaki ji Ʒakɔbu yi Ʒakɔbu ji Yuda kodo nɔviɛo. ³ Yuda ji Pɛlɛci kodo Zala le Tama dɔmɛ. Pɛlɛci va ji Ɛsilomu yi Ɛsilomu va ji Alamu. ⁴ Alamu ji Aminadabu. Aminadabu ji Nahishɔnu yi. Nahishɔnu ji Saluma. ⁵ Saluma ji Bowazi le Hlahabu dɔmɛ. Bowazi ji Obɛdi le Hluiti dɔmɛ yi Obɛdi ji Ʒɛse. ⁶ Ʒɛse ji Davidi efiɔlɔ. Davidi ji Salumɔ. Salumɔ 'nɔlɔ ɖe yuli sasa, ⁷ Salumɔ ji Hlobowamu. Hlobowamu ji Abiya yi Abiya ji Asa. ⁸ Asa ji Ʒozafati.Ʒozafati ji Yolamu yi Yolamu ji Ozyiasi. ⁹ Ozyiasi ji Ʒowatamu. Ʒowatamuji Akazi yi Akazi ji Ezekiyasi. ¹⁰ Ezekiyasi ji Manase. Manase ji Amɔnu yi Amɔnu ji Ʒoziasi. ¹¹ Ʒoziasi ji Yekoniya kodo nɔviɛwo hwecinu yi Babilɔnu 'fiɔ le Israyɛliviwo le a ahwagbe mɛ sɔhɛnyi axwe. ¹² Ci yi wo lé wo sɔhɛnyi ahwa ahwagbemɛ le Babilɔnu 'jumɛ, I godu ɔ, Yekoniya ji Zolobabɛli. ¹³ Zolobabɛli ji Abiyudu. Abiyudu ji Eliyakimu yi Eliyakimu ji Azɔ. ¹⁴ Azɔ ji Sadɔki. Sadɔki ji Akimu yi Akimu ji Eliwudi. ¹⁵ Eliwudi ji Eleyaza. Eleyaza ji Matan yi Matan ji Ʒakɔbu. ¹⁶ Ʒakɔbu ji Ʒozefu yi Ʒozefu va ɖe Malia. Malia yí nyí Yesu ci yi wo yɔnɔ bé Kliso lɔ enɔlɔ. ¹⁷ Nɔ́ wo sɔ jijimɛvi lɔwo so Ablahamu ji yi va Davidi ji ɔ, wo a kpɔ winɛ yi nɔ wo sɔ wo so Davidi ji yi va hwecinu yi Babilɔnu 'fiɔ lé Israyɛlivio le ahwagbemɛ sɔhɛnyi ahwe ji ɔ, wo a gbe kpɔ winɛ. Nɛnɛke yi nɔ wo sɔ wo so hwe hɔnu ji kaka yi va Kliso ji ɔ, a gbe kpɔ winɛ. ¹⁸ Nɔnɔmɛ ciwo mɛ yi wo ji Yesu Kliso do ge: Malia Yesu 'nɔlɔ ɔ, Ʒozɛƒu ʒavi yi e nyi. Vɔ gbɔxwe yi wo a va de wowonɔnɔwo ɔ, gbɔngbɔn kɔkuɛ na yi Malia fɔ efu. ¹⁹ Ʒozɛfu, Malia ɖajɛ lɔ nyi amɛjɔjɔɛ ɖeka, 'Dé ji be ye ado ŋkpɛn ye ʒavi lɔ le amɛwo ŋmɛ go. Eyi e sɔ gbeta be ye a gbií le bebemɛ. ²⁰ Tamɛ lɔ ebubu ɔ yi Mawu dɔla ɖeka dansin yi ɖeki nií le edrɔ mɛ yí nú nií bé:" Ʒozeƒu, Davidi jijimɛvi, ŋgbé vɔn yí a gbe Malia dede go. Ɖ eƒu ci yi le exo nií ɔ, gbɔngbɔn kɔkuɛ yi na yi e ƒɔin. ²¹ Á vá ji evi ŋsuvi ɖeka yi nàna nyikɔ yi be Yesu. Ɖo ɔ ɖevi lɔ yi a vá xɔnɔ yi dukɔ le dukɔ 'nuvɔnwo mɛ." ²² Nɛnɛhan yi enyɔ ciwo pleŋ yi Mawu nu ɖaɖɛ sɔto yí ŋɛdotɔ lɔ ji va jɔ do nɛ be: " ²³ Cugbejɛ le alɔji lɔ a va fɔ́ eƒu yi a ji evi ŋsuvi ɖeka yi wo a na nyikɔ be Emanuyɛli." Ci gɔnmɛ yi nyi be Mawu li kodo mí. ²⁴ Ci yi Ʒozɛƒu nyɔn so alɔnmɛ e wa do enyɔ ci yi Mawu dɔla lɔ nuniíji yi ɖe Malia. ²⁵ Vɔ kpɔ Ʒozɛƒu de yi malia gbɔ kaka e va ji evi ŋsuvi ɖeka yi Ʒozɛƒu na nyikɔ devilɔ be Yesu go.