¹ Ŋkeke ɖewo godu ɔ, Yesu gbe dansin yiɖeki nɔ́ yi nukplanviwo le axu ci yí le Tibeliadi lɔ 'tú lehanci yí é dansin yiɖeki nɔ wo do ge: ² Simɔ Piyɛ kodo Toma ci yí wo yɔnɔ bé Togbp sɔbɔdo natanay€li ci yí so kana le Galile 'kan mɛ nu kodo Zebede eviɛ ŋsu lɔwo kodo Yesu nukplanvi amɛve buwo bɔ le afiɖeka. ³ Simɔ Piyɛ nu nɔ wo be : «Na yí da eɖɔ.» Wo nu nii be: «Míwo can mì a yi kodo eo» Eyi wo so yi ɖedo yí vayi ɖo etɔjihungangan mɛ. Vɔ ezan hɔn mɛ ɔ, wo de kpɔ enuɖe yí le go. ⁴ Ci yí eŋu lɔ keke ɔ, Yesu va le ete le axu lɔ 'tu. vɔ ɔ, nukplanvi lɔwo de nya be é yí yɔ go. ⁵ Eyi Yesu biɔ wo se be : «Evinyɛwo mí kpɔ kpaviɖe yí lé a?» Wo ɖoŋci nii be « oo, mì kpɔ eɖe le go.» ⁶ É nu nɔ wo be: «Mí da eɖɔ lɔ ɖaɖa ɖushimɛ age nɔ etɔjihungangan lɔ keŋ a kpɔ eɖe a lé.» Eyi wo da eɖɔ lɔ ɖaɖa ɖishimɛ agé nɔ etɔjihun lɔ yí a dɔin tii vɔ yí dɔndɔn glo. Ɖo kpavi lɔwo ɖɔ eɖɔ lɔ mɛ gbíŋ. ⁷ Gahɔnmɛ yí nukplanvi ci yí Yesu lɔnnɔ lɔ nú nɔ Piyɛ be: «Axwetɔ lɔ yɔ́!» Ci yí Simɔ Piyɛ se be axwetɔ yɔ́ ɔ, è sɔ yi 'wuvlaya do yí zoje eshí lɔ mɛ. Ɖo é ɖii ɖaɖɛ sa keŋ a kpɔ́ emɔ a da eɖɔ. ⁸ Nukplanvi kpɛtɛwo zɔn etɔjihungangan lɔ a vayi dre yí dɔndɔn eɖɔ lɔ yí é ɖɔ kodo kpavi. Ɖo wo de jiji le agaji sugbɔ go. Mɛta ekave hwi han bonu yí wo le. ⁹ Ci yí nukplanvi lɔwo ɖyi je nyigban ɔ, wo kpɔ́ akan 'zo ɖeka yí sɔ kpaviwo dado jí. Wo gbe kpɔ kpɔnnɔ can le ehɔntɔxu. ¹⁰ Yesu nú nɔ wo be : «Mí sɔ kpavi ciwo mí le lɔ ɖewo vɛ́.» ¹¹ Simɔ Piyɛ ɖo etɔjihun lɔ mɛ yí dɔn eɖɔ lɔ va agoji yí kpavi kloku sanydiɖeka etaatɔn citɔn ɖɔɛ. Ci yí kpavi lɔwo eɖɔ lɔ sugbɔ nɛnɛ cán ɔ, d'é drɛn go. ¹² Yesu nu nɔ wo be: «mí vá ɖu enu.» Kpɔ́ nukplanvi lɔwo domɛtɔ ɖe de gbe edɔn yí biɔɛ se be: 0171Mí yí è nyi ɔ?» mɛ go. Ɖo wo nya be Axwetɔ yɔ́. ¹³ Yesu tegogo wo yí sɔ kpɔnnɔ yí sɔ na wo . É gbe na kpavi wo hɛnnɛ. ¹⁴ Zetɔntɔ lɔ ge yí Yesu dandansin yiɖeki nɔ́ yí nukplanviwo so gacimɛ yí é fɔn so ekuwodi ge. ¹⁵ Ci yí wo ɖu enu lɔ ɖegbɔ ɔ, Yesu biɔ Simɔ Piyɛ se be: «Simɔ, Ʒan eviɛ, è lɔn ŋ sɔwu lehanci yí amɛ cɛwo lɔn ŋ do a?» É ɖoŋci nii be: «Ɛɛ Axwetɔ, è nya be ŋ lɔn eo.» Yesu nu nii be le ebu nɔ nyaŋ lɛngbɔviwo» ¹⁶ Yesu gbe biɔɛ se zevztɔ lɔ be: «Simɔ, Ʒan eviɛ, è lɔn ŋ a?» É ɖoŋci nii be: «Ɛɛ Axwetɔ, è nya be ŋ lɔn eo.» Yesu nu nii be: «Le ebu nɔ nyaŋ lɛngbɔviwo.» ¹⁷ Yesu gbe biɔ Simɔ se zetɔntɔ lɔ be: «Simɔ, Ʒan eviɛ, è lɔn ŋ a?» Piyɛ ci ŋshishi mɛ do enyɔ lɔ ci yí Yesu gbe biɔɛ se zetɔntɔ lɔ ŋci. Eyi é ɖoŋci nii be: «Axwetɔ, è nya enuwo pleŋ è nya be ŋ lɔn eo!» Yesu nu nii be «Le ebu nɔ nyaŋ lɛngbɔwo. ¹⁸ Le nyɔnɔnui mɛ ɔ, ŋ nunuɔ nɔ eo be gacimɛ yí è le ɖajɛvi mɛ ɔ, è tanɔ ao kpablanu eoŋtɔ yí yinɔ fini ci yí è dro. Vɔ gacimɛ yí à vá ku nyɔxo ɔ, alɔwo yí à vá kɔkɔɔ do eji yí amɛbu a tataa akpablanu nɔ eo yí á kplɔ eo yí yiɛ fini ci yí d'a ji be ye ayi go.» ¹⁹ Sɔ́ to enyɔ hɔnwo mɛ ɔ, yesu dredreɛ eku ci ŋmɛ, yí Piyɛ a vá kú yí sɔ to mɛ ɔ, á dansin mawu klɛnklɛn gangan lɔ. Le i godu ɔ, Yesu nu nii be: «kplɔ ŋ do!» ²⁰ Piyɛ trɔkpɔ godu yí kpɔ́ nukplanvi ci yí Yesu lɔnnɔ le godu nɔ wo. Nukplanvi hɔn lɔ yí gó ɖaɖa Yesu gbɔ vayi gacimɛ yí wo le enu ɖuɔ fiɛshi yí biɔ́ɛ se be: « Axwetɔ, mi yí jijiɛ a va sa eo ɔ?» ²¹ Eyi Piyɛ kpɔɛ yi biɔ Yesu se be: «Amɛ cɛ yɛ ɖe, lé yí á va nyi dó nɔ́ eyɛ ɔ? ²² Yesu ɖoŋci nii be: «Nɔ́ ŋ ji be eyɛ le nɔ agbe kaka a sɔna gacimɛ yí na trɔgbɔ ɖee, hin yí kan eo le mɛ ɔ? Eo yɛ ɔ, eɔ le kplɔ ŋ do.» ²³ Enyɔ lɔ gbando xɔsetɔ lɔwo pleŋ mɛ be nukplanvi hɔn yɛ d'a vá kú go. Gankegan ɔ, kpɔ́ Yesu de nunɔ Piyɛ vayi be yí d'a vá kú go. Vɔ ɔ nu é nu nii be. nɔ ye ji be Yí é nɔ agbe kaka sɔna gacimɛ yí ye a trɔgbɔ ɖee, hin yí kiin le mɛ mahee. ²⁴ Nukplanvi hɔn lɔ ké yí vá nunuɔ enyɔ hɔn lɔwo yí ŋwlɛ wo ɖɛ yí mì nyà be kunu ci é ɖe lɔ nyí nyɔnɔnui ²⁵ Yesu gbe wa enu sugbɔ buwo yí nɔ́ é nyi be wo be wo a ŋwlɛ wo eɖe kplɔ eɖe do ɔ, ŋ kpɔ be xexe lɔ pleŋ d'a sɛ́n eŋ akpɔ fini ci yí a do wema lɔwo dó go.