¹ Enyɛ Ʒaki, ŋ nyi Mawu kodo Axwetɔ Yesu Kliso ‘dɔwavi. Ŋ do egbe ɖaɖa Mawu jukɔn lɔ, ci yí nyí Israyɛli ‘Kɔta wive lɔwo ciwo yí gbankpedo xexegbɛ lɔ pleŋ mɛ. ² Nɔvinyɛwo, mí lɔn a xɔ wo shigbe jijɔkpɔnu ganganwo nɛnɛ. ³ Ɖó mì nyá bé ń tetekpɔ va nɔ míwo xɔse ɔ, á ji vevidonu le mí mɛ. ⁴ Keŋ ɔ, é le be míwo vevidonu hɔn a wa yi 'dɔ́ vɛ nɔ́ mí a nyí amɛ ciwo yí sɔ egbe yí gbe mɛ vɛ le enushanu mɛ. nɔ́ mí a nyí amɛ ciwoŋ agin ɖe de le go yí enuɖe de hwedo go. ⁵ Nɔ́ ŋununyanya hwedo amɛɖe le míwo domɛ ɔ, lé biɔ́ Mawu ci yí nanɔ enu amɛshamɛ fafa kodo xomɛ. eyi á na ŋununyanya amɛ lɔ. ⁶ Vɔ ɔ, amɛ lɔ lé biɔ́ enu lɔ Mawu kodo xɔse mana xoikpo ciin kpetii. Ɖo amɛ ci yí xui kpɔ le shigbe axushimlimli ciwo yí jihɔn hwanwhan yí kɔkɔ yi eji nɛnɛ. ⁷ Nɛnɛ 'mɛ ŋgbe bu be ye a kpɔ́ enuɖe a xɔ le Mawu gbɔ go. ⁸ Ɖo ɔ ame yí é nyi yí susu zɛn yaa nii yí d'é vá cunɔ afɔ do afiɖeka tóŋ le yi 'nuwawawo pleŋ mɛ go. ⁹ Nɔvi xɔsetɔ ci yí nyí wamɛnɔ ɖo a ɖe eji ɖo Mawu kɔ́ɛ dó eji. ¹⁰ Eyi nɔvi xɔsetɔ ci yí nyí dɔkunɔ ɖo a lɖe eji hɛnnɛ, ɖó Mawu bɔbɔɛ do anyi. Nyao ɔ, dɔkunɔ a vayi shigbe lehanci yí sesewo vayinɔ le egbemɛ do nɛnɛ. ¹¹ Ewe ze kodo yi nyidɔn veve gangan ɖeka yí fiɔ́n egbewo. wowo sesewo juin yí wowo 'cɔɖoɖo bú. N€n€ yí dɔkunɔ a vayi viŋ do le yí 'lɔnudɔwawawo mɛ do nɛ. ¹² Enu yí nyɔ́ nɔ amɛ ci yí do eji lé tetekpɔ mɛ. Ɖó nɔ́ amɛ lɔ tó tetekpɔ mɛ ɖegbɔ ɔ, ame lɔ a vá xɔ agbe 'fiɔkuku lɔ ci 'gbe yí Mawu ɖó daɖɛ nɔ amɛ ciwo yí lɔin. ¹³ Nɔ́ tetekpɔ vá vá nɔ́ amɛɖe ɔ, ŋgbé nu bé Mawu yí tete eye kɔ go. Ɖó enuvɔn d'a sɛ̀n eŋ te Mawu kpɔ́ go. Nɛnɛké yí Mawu ŋtɔ de tenɔ amɛ kpɔ go nɛ. ¹⁴ Vɔ ɔ, enudroamu amɛ ɖekaɖeka tɔ yí dɔnnɔ amɛ lɔ xú tetekpɔ mɛ; é yí dɔinni do mɛ yí blini do mɛ. ¹⁵ Nɔ́ enudroamu dɔndɔn lɔ shin vɛ le eji mɛ nɔ ɖegbɔ ɔ é jinɔ enuvɔn. Éyi nɔ́ enuvɔn vá xɔ etɔ vɛ ɖegbɔ ɔ, é jinɔ eku nɔ́ amɛ. ¹⁶ Nɔvinyɛ, mí ŋgbe sɔ mìwoɖekiwo bú o. ¹⁷ Jiŋkushimɛ yí enunana adoduiwo pleŋ kodo enunamɛ maɖoŋdonutɔ ciwo yí sɔ gbe vɛ sonɔ. Mawu ci yí nyí eda nɔ klɛnklɛnwo, ci yí de trɔnɔ alo yí de vá bunɔ vinn o gbɔ yí wo sonɔ. ¹⁸ É ná yí wo ji mì sɔ́ to yí nuku ci yí nyí nyɔnɔnii lɔ mɛ; Ɖó ɔ, nɛnɛ yí sɔ gbeta lɔ dó nɛ. E wɛɛ ahan nɔ́ dó eɖe ɔ, mì a nyí ŋkɔŋkɔtɔwo nɔ́ yi 'nuɖoɖowo pleŋ. ¹⁹ Nɔvinyɛ veviwo, mí nya enyɔ cɛ nyuiɖe : amɛ ɖeka ɖeka lé ɖenɔ eblɛ le etaɖoɖo yí a se enyɔ mɛ. Vɔ ɔ, nuxuxoxo ŋgbe sɔnɔ nɔ́ mí go yí domɛzi wawa can ŋgbe sɔnɔ nɔ́ mí go. ²⁰ Ɖo dɔmɛzidotɔ dz sɛn eŋ wanɔ Mawu jɔjɔɛnyinyi do. ²¹ Ci yí é le ahan ɔ, mí tashi enu ciwo pleŋ yí

sonɔ eɖyi amɛ yí a amɛ yí a gbe tashe xomɛveve 'nuwawawo. Mí sɔ ecufafa xɔ Mawu 'nyɔ ci yí wo dó dó mí mɛ. Dó yi 'nyɔ lɔ ŋsɛn yí hwlen mí gan.

²² Mí sɔ Mawu 'nyɔ do edɔwawa mɛ. Mí ŋgbe nɔ ete do enyɔ lɔ sese ɖekɛ go. nɔ́ d'é nyí ahan o ɔ á nyi mí blebleɛ Míwo ɖekiwo. ²³ Ɖo amɛ ci yí le enyɔ lɔ seɛ yí de sɔ le edɔ wa go le shigbe amɛ ci yí le ŋmɛkpɔnu mɛ glo ɔ kpɔ yí a kpɔ́ nɔnɔmɛ ci yí le shi cucucu nɛnɛ. ²⁴ Nɔ́ é glo yiɖeki kpɔ́ ɖegbɔ ɔ, é sonɔ, yí trololo ɔ, á gbe ŋlɔbe lehanci yí trololo ɔ, á gbe ŋlɔbe lehanci yí é le do. ²⁵ Vɔ amɛ ci yí glonɔ Mawu 'sé ci yí sɔ egbe blebu yí cunɔ eka nɔ amɛ mɛ kpɔ, nyuie yí gbe nɔnɔ ese lɔ mɛ ɔ, nɛnɛ 'mɛ yɛ de sii nii kpoŋ keŋ a sɔ́ ŋlɔbe go, sɔ́ donɔ edɔwawa mɛ. Enu yí nyɔnɔ nɔ́ amɛ nɛnɛtɔ le edɔ ciwo pleŋ yí é wanɔ mɛ. ²⁶ Nɔ́ amɛɖe bubuɔ be ye nyi Mawusɛntɔ gankegan yí de kpɔnɔ yi 'ɖé ɔ, ji o yí blenɔ yiɖeki domɛ ɔ, yi sɛnsɛn nyi enugbali. ²⁷ Sɛnsɛn mɛ mi ci ŋ yí eɖyi ɖe de le o le Mawu Eda ŋmɛ yí nyí kpɔ́ bé wo a lé ebu nɔ nyɔcɔvi kodo kposhiwo le 'funkpekpewo mɛ yí a kpɔnɔ amɛɖeki jí le xexemɛ 'ɖyixoxoŋ.