¹ Nɔnvinyɛwo, nɔ́ wo kpɔ amɛɖe yí é wa afɛn yí wa enuɖe ɔ, ɖekpokpoiɖe ci yí afɛn lɔ a le do ɔ, Míwo ciwo yí Mawu Gbɔngbɔn kplɔkplɔgɔ ɔ, mí a sɔ́ ecufafa ɖɔdɖɔɖɔ a kpe do nú nɔ́ a trɔva emɔ nyitɔ lɔ ji. Kpɔ́ eoɖeki ji nyuiɖe nɔ eɔ can ɔ, wo ŋgbe va te eo kpɔ hɛnnɛ gio. ² Mí a hɛnnɔ agbanwo kodo míwonɔnɔwo. Nɔ́ mí wɛɛwɛɛ nɛnɛ ɔ, a nyi mí wawaa do Kliso lɔ 'se ji blebu. ³ Amɛ ci yí kpɔkpɔ be ye nyi amɛjɔmɛ gankegan yí d'é nyi enuɖe go blebleɛ yiɖeki. ⁴ Amɛɖeka amɛɖeka le gbeje yiŋtɔ 'dɔwawawo kpɔ́ yí a kpɔ be wo nyɔ mɛ. Eyi gbɔxwe yí a sɛn eŋ kpɔ́ enu ci nu yi a geze le so yiɖeki nú. D'é nyi be amɛɖe nú yí a sɔ yiɖeki sɔsɔɔ kodo yí a gegezeɛ go. ⁵ Ɖó ɔ, amɛɖeka amɛɖeka a hɛn yiŋtɔ 'gban. ⁶ Amɛ ci yí wo kplankplan Mawu 'nyɔ lɔ lé ná nɔ́ amɛ ci yí kplankplan enu akpɔ a xɔ le yí dɔkunuwo mɛ. ⁷ Mí ŋgbe blebleɛ míwoɖekiwo go; Wo de gbanɔli Mawu go. Enu ci yí wo kan ɔ, é yí ké wo vayi ɖenɔ. ⁸ Amɛ ci yí kan enu nɔ yiŋtɔ gbaza a vayi ɖe gbazamɛ 'kusɛnsɛn Ci yí nyi eku. vɔ amɛ ci yí kan enu nɔ Gbɔngbɔn lɔ a gbe ɖe Gbɔngbɔnmɛ 'kusɛnsɛn ci yi nyi agbemavɔ. ⁹ É yí na taɖo ɔ, mí ŋgbe na nɔ enu a ci ekɔ nɔ mì le enyuiwawa mɛ go; ɖó nɔ gamɛ ci yí wo ɖo ɖɛ va sun ɔ ɔ, mì a va ɖe nukuwo nɔ mì de va gblɔ alɔ le znyuiwawa nu. ¹⁰ Ci yí é le nɛnɛ ɔ, mí na nɔ mì a wawa enyui nɔ amɛshamɛ hweɖekpokpoinu ci yí emɔnukpɔkpɔ lɔ a zé nɔ́ mì. Veviɖe ɔ, mì a wanɔ enyui nɔ mìwo nɔvi xɔsetɔwo. ¹¹ Mí kpɔ lehanci yí wemakui cɛ wowo klo do ɖà ! Enyɛŋtɔ yí sɔ nyaŋ lɔwo sɔ ŋwlɛnŋmlɛɛŋ enyɔ cɛwo ɖaɖa mí. ¹² Amɛ ciwo yí jijiɛ be yewo a nyɔ le agbetɔwo gbɔ́ yí tɛtɛɛ do mí ji be mìwo ɖó a so evo. wo nunuɔ nɛnɛ nɔ amɛ wo ŋgbe va ci yumɛ nɔ wo do Kliso 'cisoga ŋci o. ¹³ Ɖo amɛ hɔnwoŋtɔ ciwo yí dɔ́ wo so evo nɔ wo de wawa do ese ji go. Gankegan ɔ, wo jijiɛ be míwo a so evo nɔ́ yewo asɔ geze. ¹⁴ Vɔ enyɛ yɛ ɔ, mìwo 'xwetɔ Yesu Kliso 'ku dó acisoga ji ɖekɛ yí enyɛ ŋ sɔ gezenɔ. Ɖó acisogakukudo hɔn mɛ yí xexegbɛ lɔ kú le enyɛ gbɔ can ŋ ku le xexegbɛ lɔ gbɔ́ dó nɛnɛ. ¹⁵ Ɖo d'é nyi evososo alo tɔtɔnɔnyinyi yí le veviɖe go. Enu ci yí le vevieɖ yí nyi be amɛ yiyu nyinyi. ¹⁶ Amɛ ciwo pleŋ a wanɔ do ɖoɖo hɔn ji ɔ, mawu le na fafa wo yí akpɔ́ ŋshishi nɔ́ wo. Nɛnɛke ɔ, Mawu le gbe na fafa yi jukɔn Israyɛli yí a kpɔ ŋshishi nɔ wo. ¹⁷ So egbɛ ji ɔ amɛɖe gbe gbe do cukaɖa ɖé nɔ ŋ go. Ɖo enyɛ ɔ, abikpa xoxoi ciwo yí le gotu nɔ ŋ nyi Yesu Jeshiduwo le ŋ nu vɔ. ¹⁸ Nɔvinyɛwo, míwo 'xwetɔ Yesu Kliso xomɛvu lé nɔ kodo míwo 'gbɔngbɔn! Xoaɖyi!