¹ Exwe winɛ godu ɔ, ŋ trɔgbɔva Ʒeluzalɛmu kodo banabasi. Ŋ kplɔ Titu can hɛn bɔdo enyɛɖeki nú hɛnnɛ. ² Ŋ yi ehɔn, ɖó mawu ɖe dansin nɔ ŋ be enyɛ le yi. Eyí ŋ kplɔ xɔsetɔ lɔwo ŋkɔnɔtɔwo yi ekpa le ehɔn yí ɖe enyɛnyui ci yí ŋ do axwa yi dodoɔ nɔ amɛmanyi Yuɖatɔwo mɛ nɔ wo. Ɖo ɔ, ŋ de jí ŋ wa vayi kodo ciwo yí gbe wawa ɖɛviɛ do edɔgbali go. ³ Titi ci yí yí ŋ kplɔ hɛnva Ʒeluzalɛmu lɔ nyi Glɛkitɔ. Vɔ kpɔ wo do ʒíin ji be wo a so evo nii go. ⁴ Vɔ ɔ, ɖekawo li yí kanka ŋsú be Yewo nyí nɔvi xɔsetɔwo. Wo be yí ɖo mìwo bɔbɔ mɛ yí jijiɛ gɔmɛ kpɔnɔ mìwo wawawo le vovo ci yí mì ɖo le Yesu Kliso lɔ mɛ. ⁵ Vɔ ɔ, mì de na ŋmɛ amɛ hɔn lɔwo eɖeeɖe go. Mì de xɔ egbe do wowo nyɔ jí go nɔ nyɔnɔnui ci yí le Eŋɛnyui lɔ mɛ a nɔ alɔji keɖii nɔ mìwo. ⁶ Amɛ ciwo yí wo kpɔnɔ dó amɛ kpɛnkpɛnwo ji le mí mɛ ɔ, ŋ desɔnɔ eɖe le enu ci yí wo nyí jí go ɖó Mawu de donɔ vovototo do amɛ mɛ go. Amɛkpɛnkpɛn hɔn lɔwo de sɔ enuɖe sɔ ʒin ŋ ji be enyɛ, ŋ ɖo a wa go. ⁷ To akpo nɔ nɔnwo ɔ, wo kpɔ be mawu dɔ ŋ be enyɛ le yí do Eŋɛnyui lɔ nɔ́ amɛmanyi Yuɖatɔwo shigbe lehanci yí yi dɔ Piyɛ ɖaɖa yuɖatɔwo gbɔ do nɛnɛ. ⁸ Amɛ ciwo yí nyí evosoiwo gbɔ ɔ, Mawu lɔ ke yí gbe enyɛ sɔ wa amɛ amɛdɔdɔ ɖaɖa amɛmanyi yuɖatɔwo gbɔ. ⁹ Ci yí wo le kuvi dó afenu ci yí Mawu wa nɔ ŋ nu ɔ, Ʒaki, Kefasi kodo Ʒan ciwo yí wo kpɔnɔ do eha lɔ 'xɔdomɛciwo jí ná ashi enyɛ kodo Banabasi yí sɔ dansi, be yewo xɔ egbe do edɔ ci yí mìwo wawa jí. Eyí mìwo lɔ pleŋ bɔ nui kpé be mìwo a yi wa edɔ le amɛmanyi Yuɖatɔwo gbɔ́ yí wowo a yi wa le Yuɖatɔwo, evosoiwo gbɔ́. ¹⁰ Enu kuɖeka ci yí wo biɔ so mì gbɔ yí nyi be mì wo le ɖonɔ eŋui wamɛnɔwo. Eyi ŋ gbe wa do ji nɔ wo kodo vevidonu. ¹¹ Vɔ le enyɔ hɔnwo godu ci yí Kefasi va vá Antwɔshi ɔ, ŋ gbe enyɔ nii le amɛwo ŋmɛ. Ɖó ɔ, é wa afɛn. ¹² Nyao ɔ Piyɛ va Antiwɔshi ɔ, yi kodo nɔvi amɛmanyi yuɖatɔ ciwo yí xɔ Kliso ji se bɔ ɖunɔ enu dó eju. Le i godu ɔ, Ʒaki vá dɔ́ amɛɖekawo ɖaɖa Antiwɔshi. Ci yí amɛ lɔwo vá ɖegbɔ ɔ, Piyɛ va te le wo nú yí mí enu ɖuɖu kodo wo. Ɖó ɔ, é vɔnvɔn nɔ Yuɖatɔ ciwo yí ɖɔnɔ eŋ do evososo nɔ amɛshamɛ 'nyɔ ji. ¹³ Eyi nɔ vi Kliso ciwo yí nyí Yuɖatɔ kpɛtɛwo pleŋ gbe tɔ ayemɛnu wawa shigbe Piyɛ nɛnɛ kaka Banabasi can kplɔ wo dó. ¹⁴ Vɔ ci yí ŋ kpɔ be wo de waɖaŋ zɔnzɔn do nyɔnɔnui ci yí Eŋɛnyui lɔ kplankplan mì ji go ɔ, ŋ nu nɔ́ Kefasi, Yuɖatɔ yí é nyi vɔ d'é wa enu shigbe Yuɖatɔ nɛnɛ go. É wa enu shigbe amɛmanyi Yuɖatɔ nɛnɛ. Ci yí é le nɛnɛ han ɔ, nyi yí na taɖo yí é nunuɔ nɔ amɛmanyi Yuɖatɔwo bé wo lé tɔ́ enu wawa shigbe Yuɖatɔwo yí mì nyí nɛnɛ ɔ?» amɛjɔjɔɛ nɔ́ ci yí qmɛ lɔ wanɔ do ese ji ŋci go. ¹⁵ Mìwo ɖe, Yuɖaowo yí mì nyi so jɔjɔmɛ. Mì de le enuvɔnwatɔ amɛmanyi Yuɖatɔwo mɛ go. ¹⁶ Ci yí é le nɛnɛ han ɔ, cán ɔ, mì nyá bé d'é nyí esejiwawado mɛ yí Mawu sɔ́ amɛ wanɔ amɛjɔjɔɛ le go. Vɔ ɔ, Yesu Kliso jixɔxɔse ɖekɛ mɛ yí é tonɔ yí sɔ́ ná taɖo yí mìwo cán mì xɔ Yesu Kliso ji se nɔ́ Mawu a s&ɔ to Kliso lɔ jixɔxɔse mɛ. D'é nyí yuɖatɔwo se ji wawa do mɛ yɔ go. Ɖó ɔ, mawu d'a sɔ́ amɛɖe wa amɛjɔjɔɛ nɔ́ ci yí qmɛ lɔ wanɔ do ese ji ŋci go. ¹⁷ Vɔ nɔ́ é nyí kpɔ́ bé ci mìwo Yuɖatɔwo jijiɛ bé wo a sɔ́ mì wa amɛjɔjɔɛwo ɔ, wo gbe va kpɔ́ mìwo cán yí mì nyí enuvɔnwatɔwo ɔ, é yí á nyí kliso lɔ nyí enuvɔn 'dɔwatɔ a? Gbee! Á jɔ kpɔ go. ¹⁸ Nɔ́ é nyí bé enu ci yí ŋ gban ɔ, ŋ gbe va trɔ́ yí cuicuiɛgɔ do ete ɔ, ŋ dansin to nɛnɛ wawa mɛ bé ŋ dada le ese jí. ¹⁹ Nyao ɔ, le ese 'nyɔ mɛ ɔ, ŋ ku yí é nyi ese lɔ yí wu ŋ, nɔ́ nɛnɛ ɔ, ma nɔ agbe bɔ Mawu. Wo hán ŋ do acisoga ji hɛnnɛ kodo Kliso lɔ. ²⁰ Nɛnɛ ɔ, d'é gbe nyi enyɛ yí le agbe go. Vɔ ɔ, Kliso yí le agbe le ŋ mɛ. Ɖó agbe ci yí ŋ va nɔnɔ le gbaza mɛ le eviɛ mɛ yɛ́ ɔ, ŋ nuniiɛ le Mawu Zviɛ lɔ, ci yí lɔn ŋ yí sɔ́ xɔse mɛ. ²¹ Ŋ d'a lɔn yí a gbali xomɛvunu ci yí Mawu wa go. Ɖó nɔ́ é nyí kpɔ́ bé esejiwawado mɛ yí wo a xɔ amɛjɔjɔɛnyinyi le ɔ, á nyi ké Kliso kú gbali.