¹ Wema cɛ sosoɔ enyɛ Pɔlu amɛdɔdɔ gbɔ́ nɔ́ mí. D'é nyí agbetɔwo yí sɔ́ ɖo amɛdɔdɔ go Yí d'é nyí agbetɔ ɖé jí wo tó yí sɔ́ ŋ ɖo amɛdɔdɔ go. Vɔ ɔ, Yesu Kliso kodo Zda ci yí fɔín so ekuwodi sɔ́ ŋ ɖo amɛdɔdɔ. ² Enyɛ kodo nɔvi Klisotɔ ciwo yí le ŋ gbɔ le elɛ yí bɔ yí ŋwlɛ wema cɛ ɖaɖa Mawu 'ha ciwo yí le galati 'kan mɛ. ³ Mawu mìwo 'da kodo Axwetɔ Yesu Kliso lé wa xomɛvunu nɔ́ mí yí a na fafa mí. ⁴ Yesu Kliso sɔ yiɖeki sá avɔ do míwo do míwo 'nuwɔnwo 'ta keŋ yí a xɔ mì le xexe cɛ yí baa shi. É wɛɛ nɛnɛ shigbe lehanci yi è dro mìwo 'da Mawu dó nɛnɛ ⁵ Yitɔ yí nyí kanfukanfu sɔyi mavɔmavɔ. Amɛn/avamɛ. ⁶ Galatitɔwo, é kpaca ŋ be mì ɖe eblɛ yí gbe Mawu ci yí to afenu Kliso lɔ tɔ ji yí yɔ́ mí. Mí gbii yí kplɔ « eŋɛnnyui bú.» ⁷ Ci yí d'é nyi hɛnnɛ kpetii do. Amɛɖewo yí cacaka mí yí jijiɛ be yewo a trɔ eta do egu nɔ Kliso 'ŋɛnyui lɔ. ⁸ Vɔ nɔ amɛɖe, míwo alo Mawudɔla ɖé sò jiŋkushimɛ va dodoɔ Eŋɛnyui bú ɖé nɔ́ mí: tó akpo nɔ ci yí mì va dó nɔ mí ɔ, mawu lé xo efin dii. ⁹ Mì núi nɔ mí vayi, vɔ ŋgbe trɔnunuiɛ ke nɔ mí viɛ be: nɔ́ amɛɖe vá dó Eŋɛnyui bú ɖé nɔ mí tó evò nɔ ci yí mí xɔ ɔ, Mawu le xó efin dii. ¹⁰ Ecɛviɛ ɖe, ji ŋ jijiɛ be agbetɔwo lé nyá be nyɔnɔnui yí ŋ nunuɔ nɔ ma nyɔ́ le wo gbɔ́ a alo nɔ́ ma nyɔ́ le mawu gbɔ? Agbetɔwo yí ŋ jijiɛ a je ŋ nɔ a? Nɔ́ é nyi be agbetɔwo yí ŋ jijiɛ a je ŋ nɔ sa ɔ, kpɔ́ ŋ d'a nyí kliso 'dɔwavi go. ¹¹ Nɔvinyɛwo, ɖoɖoɔ ekpe i ji nɔ mí be Eŋɛnyui ci yí ŋ va donɔ mí vayi ɔ, d'é nyí agbetɔwo nyɔ kpoŋ ɖe yí é nyi o. ¹² Ɖó enyɛŋtɔ cán ɔ, d'é nyí agbetɔ ɖé gbɔ yí ŋ xɔɛ le alo agbetɔ ɖé yí kplán wo ŋ go. Yesu Kliso ŋtɔ yí ɖe wo dansin nɔ́ ŋ. ¹³ Mí se lehanci yí ŋ nɔnɔ agbe do sasa hwecinu yí ŋ kpɔtɔ le yuɖatɔwo sɛnsɛn mɛ vayi. Hwehɔnnu lɔ ɔ, sugbɔ yí tenɔ kpɔ be na gui. ¹⁴ Le Yuɖatɔwo 'gbɛbɔbɔ lɔ mɛ ɔ, ŋ le ŋkɔ nɔ anyi hamɛtɔ sugbɔ le lehanci yí wo a wa do mìwo sɛnsɛn 'nyɔwo jí dó mɛ. Ɖó ɔ, kpakpa sɔnɔ ŋdo mìwo tɔgbiwo 'kɔnuwo wawa ji. ¹⁵ Vɔ ci yí é dro Mawu ci yí cán do akpo nɔ yiɖeki so enɔnyɛ dɔmɛ ɖii ɔ, é yɔ́ ŋ kodo yí xomɛvu. ¹⁶ É droi yí é ɖe Eviɛ dansin le ŋ mɛ keŋ nɔ́ ma nú yi 'nyɔ shigbe Eŋɛnyui ɖeka nɛnɛ le amɛmanyi Yuɖatɔwo domɛ. Gahɔnmɛ ɔ, ŋ de vayi biɔnɔ amɛɖe se be lehanci yí na wɛɛ do mɛ go. ¹⁷ Ŋ de yi Ʒeluzalʒmu le amɛ ciwo yí nyí Yesu Kliso 'mɛdɔdɔwo doŋkɔ nɔ ŋ gbɔ hɛnnɛ kpetii go. Vɔ ɔ, ŋ yi alabi 'kan mɛ. Le i godu ɔ, ŋ trɔgbɔ va Damasi jugan mɛ. ¹⁸ Exwe amɛtɔn godu ɔ, ŋ vayi Ʒeluzalɛmu yí vayi do ego kodo Kefasi yí sɔ́ jeshii ɖɛ. Ŋ nɔ gbɔ yí wa ŋkeke wiatɔn. ¹⁹ Vɔ ɔ, ŋ de kpɔ́ amɛdɔdɔwo domɛtɔ bú ɖé sɔzeto Ʒaki ci yí nyí nɔvi le Kliso lɔ mɛ nu go. ²⁰ Ci yí ŋ le enu ŋwlɛgɔ ɖaɖa mí ɔ, ŋ ŋwliŋwliɛgɔ nɔ mí le Mawu nyikɔ mɛ yɔ. Ŋ de kankan ŋsu nɔ́ mí go. ²¹ Ci yí ŋ so le Ʒeluzalɛmu ɖegbɔ ɔ, ŋ yi sili kodo silisi 'kanwo mɛ. ²² Vɔ amɛ ciwo yí le Kliso lɔ mɛ le Mawu 'há ciwo yí le Jude 'kan mɛ wowo ɔ, wowo de kpɔ́ ŋ ŋmɛŋmɛ ahan kpɔ́ go. ²³ Se wo se yí wo nú so ŋ nu sasa kpŋ be: «Ŋsu hɔn ci yí cinɔ yumɛ nɔ mì sasa vá le xɔse 'nyɔ ci yí é ji be ye a gu sasa nuɔ nɔ amɛwo dó Eŋɛnyui jí.» ²⁴ Eyi wo kankanfu Mawu so ŋ nu.