¹ Nyaŋ xlɔ Tewofilu, ŋ nu edɔ ciwo pleŋ yí Yesu tɔ wawa kodo enu ciwo pleŋ yí é tɔ amɛwo kplankplan dó nyaŋ wema ŋkɔtɔ mɛ. ² Ŋ nu wo só gɔnmɛjejemɛ kaka vá sɔkɔdo hwecinu yí Yesu lɔ yi jeŋkushi mɛ. Vɔ gbɔxwe yi á vayi jeŋkushi mɛ, le gbɔngbɔn kɔkɔɛ ŋsɛn mɛ ɔ, é ɖé egbé nɔ amɛ ciwo yí é can nɔ wo a nyi amɛdɔdɔ. ³ Ci yesu lɔ kpe efun yí ku ɖegbɔ ɔ, amɛdɔdɔ lɔwo ké yí é dansi yiɖeki nɔ tó alɔkpa sugbɔ mɛ bé ye le agbe. É dansi yiɖeki nɔ wo sɔnanɔ ŋkeke eka yí sɔ xoxoɔ nuxu so Mawu 'fiɔɖuxu lɔ nu ⁴ Gbeɖeka ci yí é le enu ɖuɔ kodo wo ɔ, é ɖé egbe nɔ wo be : « Mi ŋgbe so le ʒeluzalɛmu jugan mɛ go. Mí nɔ ehɔn yi a nɔ ete kpɔ enu ci yí Ada sɔ ɖó egbe nɔ mí. Enu ci nu yí ŋ xo nuxu so nɔ mí vayi. ⁵ Ɖó ɔ, Ʒan sɔ eshi do eta nɔ amɛwo. Vɔ miwo eviɛ, le majiji ɖe mɛ ɔ, Gbɔngbɔn kɔkɔɛ yí wo a sɔ doi nɔ mí.» ⁶ Amɛ ciwo yí bɔdo Yesu gbɔ biɔɛ se be : « Axwetɔ, Eviɛ cɛ yi à na yi Israyɛli 'fiɔɖuxu lɔ a je yiɖeki shinu a?» ⁷ É ɖoŋci nɔ́ wo be : «D'é ʒián be mía jeshi ŋkeke kodo hwenu ciwo yí Ada ŋtɔ ɖo daɖɛ kodo acɛ go. ⁸ Vɔ nɔ Gbɔngbɔn kɔkɔɛ lɔ vá dyiva mí mɛ ɔ, mí a xɔ ŋsɛn. Nɛnɛ ɔ, mí a nyi kunu ɖetɔwo nɔ́ ŋ le Ʒeluzalɛmu jugan, Ʒude 'kan lɔ pleŋ kodo Samali jugan mɛ kaka sɔyi nyigban lɔ vɔvɔnu.» ⁹ Le enyɔ hɔnwo godu ɔ, yesu kpe jeŋkushi lé ŋmɛ nɔ wo. Jeŋkushi 'zɔ ɖeka xíi yí wo de gbe sɛn eŋ a kpɔɛ go ¹⁰ Ci yí wo gbe kpɔtɔ glogloɔ jeŋkushi mɛ kpɔ ɖaɖa hwecinu yí é yigɔ ɔ, wo vá kpɔ́ ŋsu amɛve ɖekawo le awu ɣi mɛ le axa nɔ wowoɖekiwo. ¹¹ ŋsu lɔwo biɔ́ wo se be : «Galiletɔwo, nyi yí na taɖo yí mí ci texwe cɛ yí le jeŋkushimɛ kpɔɔ ɖaɖa ɔ ? Lehanci Yesu hunɖe lɔ yi jekushi mɛ do yí mí kpɔkpɔ ahan ɔ, nɛnɛ lɔ ke yí á gbe va trɔgbɔ do nɛ.» ¹² Eyi yesu mɛdɔdɔ lɔwo trɔ so ekpo ci yi wo yɔnɔ bé olivuci kpo lɔji yi gbɔva ʒeluzalɛmu jugan lɔ mɛ. Gbɔngbɔngbe mɔzɔnzɔn ɖeka hán yi wo a zɔn so zeluzalɛmu va ekpo lɔ ji ¹³ Ci yi wo gbɔva jugan lɔ mɛ ɔ, wo lá exɔlixɔji ci ji yi wo nɔnɔ lɔ jí yi ɖó exɔ mɛ. Wo a kpɔ piyɛ, ʒan, ʒki, Aŋdre, Filipu, Toma; Batelemi, Matiye, ʒaki, Aluƒe eviɛ, simɔ Ejunyikɔhwlɛngantɔ kodo yuɖa ʒaki eviɛ. ¹⁴ Nyɔnu ɖekawo, Mali yesu nɔlɔ kodo yesu nɔviɛ ŋsuwo vá bɔnɔ dó yesu nɔviɛ ŋsuwo vá bɔnɔ do yesu mɛdɔdɔdɔ lɔwo nu yi wo a wanɔ kuiƒan dó eju kodo susu ɖeka. ¹⁵ Le hwehɔnwo nu nɔ, xɔsetɔ hlɛnhlɛnmɛ shigbe ekatɔn han le bɔbɔ mɛ. Eyi Piyɛ shiete le wo mɛ yi nu be : ¹⁶ « Nɔvinyɛwo, enu ci yi jɔ do yuɖa ji hɔn ɖo a jɔ shigbe lehan ci yi Gbɔngbɔn kɔkɔɛ lɔ nu daɖɛ to Davidi ji le Mawu nyɔ wemawo mɛ do ɛnɛ. É xo nuxu só yuɖa ci yi nɔ́ kɔ nɔ amewo yi wa vá lé yesu nu daɖɛ. ¹⁷ Yuɖa nyi miwo domɛtɔ ɖeka ci yixɔ sɛnsɛn dɔ lɔ kpa ɖé shigbe miwo ɛnɛ. ¹⁸ (É sɔ́ eho ci yi wo cu nii nɔ enudɔndɔn ci yi é wa xwle nyigban ɖeka. Nyigban hɔn ji yi é va sɔ́ eta cú egu do yi ku nɛ. Yi xodu, yi dɔviwo kankan dó nyigban. ¹⁹ Ʒeluzalɛmutɔwo pleŋse enyɔ hɔn É yi taɖo yi wo ná nyikɔ nyigban hɔn lɔ dó wowo xwé gbe mɛ be Hakalidama cigɔn,ɛ yi nyi be " Agbeto hun nyigban".) ²⁰ Wo trɔ́ ŋwlɛ yi nyɔ do acanhajijiwo wema mɛ daɖɛ be : " Yi xwe lé ci etu, amɛɖe ŋgbe nɔ axwe lɔ mɛ o." Wo gbe ŋwlɛ daɖɛ be: " Amɛ bu ɖó a x yi dɔ a wa". ^{21 22} É ʒian bé ŋsu ɖeka a bɔ mi nú nɔ mi a nú le hanci axwetɔ yesu ƒɔn so ekuwodi do nɔ amɛwo. Amɛ ciwo yi kplɔnɔ mi dó só hwecinu yi ʒan le Mawushi nɔ axwetɔ yesu yi é kplɔ mi tɔ esa dyɖyi to eju lɔ pleŋ mɛ kaka va sɔnanɔ hwecinu yi é yi jeŋkushi domɛtɔ eɖka yi dó a nyi nɛnɛ mɛ. » ²³ Eyi wo sɔ́ amɛ amɛve ɖo ŋmɛ nɔ wo. Amɛ ɖeka nyikɔ yi nyi ʒozɛƒu wo gbé yɔɛni hɛnnɛ be Basabasi. Amɛwo ná nyikɔ yi hɛnn ɛbe ʒutusi. Amɛ evetɔ lɔ tɔ be Matiyasi. ²⁴ Le i goduɔ, wo wa kuiƒan yi nu be : « Mawu, eo ci nya enu ci yi le eji mɛ nɔ agbetɔwo pleŋ. Dánsi amɛ ci è can le amɛ amɛve cɛwo domɛ. ²⁵ Do edumɛ nɔ yuɖa ci yi tashi amɛdɔwo dɔ lɔ yi yi texwe ci yi je kodii nɔ mi. » ²⁶ Éyi wo trɔɛ kpɔ yi é vayi je Matiyasi ji wo sɔɛ bɔdo amɛdɔdɔ wiɖeka nu.