¹ Enyɛ, Pɔlu ɔ, ŋ nyi Yesu Kliso ' mɛdɔdɔ sɔ́ to mawu 'dró mɛ. É cán ŋ nɔ́ mayi do agbe ci 'gbe yí é ɖo nɔ́ mí le Yesu Kliso mɛ 'ŋɛ nɔ amɛwo. ² Ŋ ŋwlɛŋwlɛ wema cɛ ɖaɖa eo, Timɔte, evinyɛ vevi. Mawu Eda kodo Yesu Kliso mìwo 'xwetɔ lé wa xomɛxunu nɔ́ eo, lé kpɔ́ ŋshishi nɔ eo yí a ná fafa eo. ³ Ŋ le akpe taŋ doɔ nɔ mawu, ci sɛn yí ŋ le kodo ayexa mɛmi shigbe lehanci yí tɔgbinyɛwo siin do sasa nɛnɛ. Ŋ ɖnɔ eŋui eo hxweɖekpokpoinu le anyi gbedoɖawo mɛ, ezan kodo kede. ⁴ Ŋ jijiɛ veviɖe bé na kpɔ́ eo keŋ yí a ɖɔ́ kodo jijiɔ. Ɖó ŋ ɖoɖoɔ eŋui ao 'vifanfanwo kpɔ́. ⁵ Ŋ kpɔtɔ ɖoɖoɔ eŋui xɔse ayemɛnu manumɛtɔ ci yí é ɖo. Doŋlɔ ɔ, mamao Lɔyishi yí ɖó xɔse nɛnɛtɔ Yí enɔo Enisi can vá ɖoi. Ŋ kandoji 'teŋ bé eo can ɔ xɔse hɔn le eo mɛ hɛnnɛ. ⁶ É yí ná taɖo ɔ, xomɛvununana, enu ci yí Mawu ná eo hwecinu yí ŋ sɔ alɔ dado eta, nɔ eo ɔ, ŋsɛn eo bé eo lé ná nɔ́ agbe a nɔ nu le eo mɛ. ⁷ Le mɛ ɔ, d'é nyí kpɔ́ bé vɔnvɔn Gbɔngbɔn yí Mawu ná mì o. Vɔ ɔ, Gbɔngbɔn ci yí nanɔ ŋsɛn, lɔnlɔn kodo amɛ ɖekijiɖuɖu amɛ yɔ. ⁸ Ci yí é nyi nɛnɛ ɔ, kunuɖeɖe so mìwo 'xwetɔ alo so enyɛ ci yí nyi gakpamɛnɔtɔ dó yi 'ta nu, ŋgbe wa ŋkpɛn nɔ eo o. Vɔ ɔ, lɔ́n a ɖu aya kodo ŋ do Eŋɛnyui lɔ tamɛ yí a gó dó mawu ŋsɛn nú. ⁹ Mawu lɔ yí hwlɛn mì gán yí yɔ́ mì dó akpo. d'é nyi kpɔ́ bé mìwo 'dɔ́ enyuiwo wawa yi ná o. Vɔ ɔ, lehanci yí yiŋtɔ wa totomɛ lɔ dó le xomɛvunu ci yí é wa nɔ mì to Yesu Kliso ji xoxoxo gbɔxwe yí xexe lɔ a vá jɔ ji yí é wa do. ¹⁰ Ecɛyɛ ɔ, mawu vá doasɛ xomɛvunu hɔn nɔ́ mì sɔ́ to mìwo hwlɛngantɔ Yesu kliso vava mɛ. Yesu Kliso lɔ wu ete nɔ eku yí na yí klɛnklɛn gban do lɔ kodo jɔmakugbe lɔ jí sɔ́ to Eŋɛnyui lɔ jí. ¹¹ Enyɛ ɔ, Mawu sɔ́ ʔ ɖo yi 'ŋɛdotɔ, yi 'mɛdɔdɔ kodo cica nɔ́ ma dó yí 'ŋɛnyui lɔ yí a gbe sɔ kplan amɛwo. ¹² É yí na taɖo yí ŋ le aya cɛwo ɖuɔ. Vɔ kpɔ́ d'é wanɔ kpɛn nɔ ŋ go. Ɖó ɔ, ŋ jeshi amɛ ci ji yí ŋ xɔse yí ŋ kandoji bé yɛ ɖó ŋsɛn yi á hɛn Eŋɛnyui ci yí e sɔ jó nɔ́ ŋ ɖɛ nyuiɖe kaka a sɔyi kojoɖoɖo 'zangbe. ¹³ Enyɔ veve ciwo yí ŋ nu yí è se so ŋ gbɔ le xɔse kodo lɔnlɔn ci yí le Yesu kliso lɔmɛ lé nyí kpɔwɛwo nɔ́ eo. ¹⁴ Hɛ́n enu vevi ciwo yí wo sɔ́ do alɔmɛ nɔ eo to Gbɔngbɔn kɔkɔɛ ci yí le mì mɛ ji do ashi. ¹⁵ É nya bé amɛ ciwo pleŋ yi le Azi 'kan mɛ gbe ŋ. Fiʒeli kodo xɛmɔʒɛnu can le wo mɛ. ¹⁶ Mawu Lé kpɔ́ ŋshishi nɔ Onɛzifɔ xomu. Ɖó ɔ, é donɔ ŋsɛn ŋ kabakaba yí ci yí ŋ le gakpamɛ can ɔ, anyi 'nú de wa ŋkpɛn nii go. ¹⁷ Vɔ ɔ, hwecinu yí é va Hlɔmu ɔ, é dán yí ji ŋ kpɔ xaxaxa kaka yí vá kpɔ́ ŋ. ¹⁸ Mawu lé kpɔ́ ŋshishi nii le kojoɖoɖo 'zán lɔ gbe. Eoŋtɔ jeshi alɔkpa nɛniɖe ci mɛ yí é do alɔ ŋ to hwecinu yi ŋ lé Efɛzi jugan Mɛ.