MENSAH-ajg-x-dogbogbe_2th_text

Eta 3

¹ Asɔ vɔ enyɔ lɔwo ɔ, nɔvinyɛwo mí donɔ egbe ɖaɖa nɔ Mawu dó eta nɔ mì nɔ axwutɔ 'nyɔ lɔ a gbankpedo eto dojí nɔ amɛwo a kafu lehanci yi e le do lé mígbɔ. ² Mí gbé donɔ egbe ɖaɖa nɔ Mawu do eta nɔ mì nɔ á sɔ yi 'lɔ cɔn mì ji do ́ amɛnyi naku kodo amɛvɔnwo ta ³ vɔ ɔ, Axwetɔ nɔnɔ egbeji Á ná yi mí a li eke yi a sɔ yi 'lɔ cɔn míji do Amɛvɔnlɔ. ⁴ Axwetɔ na be míji mì nya bé mì gbé kpɔ̀tɔ yi wawa do gbeta ci yi mì na mí ji yi mi agbe kpɔtɔ a wɛwɛɛ tɛgbɛɛ. ⁵ Axwetɔ lɔ nanɔ mì a lɔnlɔn Mawu dóji yi a gbe dodoɔ eji le efunkpekpewo mɛ shigbe lehanci yi Kliso lɔ wɛwɛɛ do nɛnɛ. ⁶ Nɔvinyɛwo, mì ɖeɖeɛ kuku nɔ mí le Axwetɔ Yesu Kliso nyikɔ mɛ be mí ŋgbe donɔ eha kodo nɔvi xɔsetɔ ɖyiɖɔnɔ ɖe ci yi gbé enude wawa yi a gbé bé yé d'a wa do akɔnu ci yi mì sɔ doashi nɔ mí ji go. ⁷ Míwoŋtɔwo mí nyan enu ci yi mí a wa yi a nyi mì totoɔ mìwo 'fɔ ji. Gacimɛ yi mì lé mí gbɔ ɔ, mí de nyi ɖe nyi ɖy'dɔnɔwo go. ⁸ Mì dexɔ enuɖe le amɛde shi eho mana go. Vɔ ɔ, mì wanɔ edɔ sɛnsɛnŋɖ ezan kodo kede keŋyi a kpɔ enu yi a ɖu mìwoŋtɔwo nɔ mì gbe va nyi agban nɔ mí go. ⁹ Nyɔnɔnuitɔ ɔ, mì ɖo acɛ yi axɔ enu le mí gbɔ yi a ɖu. Vɔ ɔ, mì wa edɔ yi a sɔ na kpɔwɛ mì. ¹⁰ Gacimɛ yi mì lé mí gbɔ ɔ, mì nu nɔ mí be: " Nɔ amɛɖe gbe be ye d'a wa edɔ go ɔ, ŋgbe ɖu enu hennɛ go." ¹¹ Mì nunu ɔ nɛnɛ ɖo ɔ mì se be amɛ de kawo le mìwo domɛ yi gbe edɔ wawa. Ci yi wo a awa edɔ ɔ, wo gbe yi le eʒin naa. ¹² Mì ɖoɖoɔ afɔta nɔ nɛnɛ 'mɛwo , mì dodoɔ ŋsɛn lanmɛ nɔ wo le Axwetɔ Yesu Kliso nyikɔmɛ be wo le wa wowo 'dɔ shigbe lehanci yi e je do nɛnɛ yi a sɛn eŋ a kpɔ wowodekiwo ji. ¹³ Vɔ míwo yɛ ɔ, nɔvinyɛwo, enuunyui wawa ŋgbe ci eku nɔ mí go. ¹⁴ Nɔ amɛɖe de wa do enyɔ ci yi mì ŋwlɛŋwlɛ do wema cɛ mɛ ji go ɔ, mí do jshi nɛnɛ 'mɛ nyuiɖe. Mí ŋgbe do eha kodoi go nɔ eŋu a kpiin. ¹⁵ Vɔ ɔ, mí ŋgbe do eke yi go. Mí kan xlii le nɔnɔmɛ nyuitɔ mɛ. Ɖo míwo nɔvi yi e kpɔtɔ nyi. ¹⁶ Axwetɔ ci yi nanɔ fafa mì yiŋtɔ le ná fafa mí gashiagamɛ sɔto alɔkpawo pleŋ mɛ. Axwetɔ le nɔ kodo mi pleŋ. ¹⁷ Enyɔ godugodutɔ cɛwo ɔ, enyɛ pɔlu ŋtɔ yi sɔ nyaŋ 'lɔ ŋwlɛŋwlɛ wo yi sɔ dodoɔ egbe ɖaɖa mí. Ahan yi ŋ wɛɛni do yi sɔ donɔ alɔ nyaŋ wemawo pleŋ mɛ do mɛ. Nyaŋ 'nuŋwlɛnŋwlɛ yɔ! ¹⁸ Miwo 'xwetɔ Yesu Kliso 'fenu le nɔ́ kodo mí pleŋ