¹ Eviɛ ɔ, nɔvinyɛwo, sɔso ŋkeke ci ji mɩ̀wo 'xwetɔ Yesu Kliso a trɔ gbɔ yi mɩ̀ a va bɔ do gbɔ nu ɔ, mɩ̀ biɔbiɔ so mɩ́ gbɔ be ² mɩ́ ŋgbe na nɔ bleŋ ɔ, susumɛ a caka nɔ mɩ́, nɔ̀ jika a so mɩ́ so Mawu 'ŋɛdotɔ 'ŋɛ ɖe nu, so nuxu ɖe alo wema ɖe ci yi wo a nu a be yi so mɩ̀wo gbɔ́ ci yi a nunu ɔ be gamɛ sun nɔ mɩ̀wo 'xwetɔ yi a trɔ gbɔ nu go. ³ Mɩ́ ŋgbe lɔn nɔ amɛɖe a ble mɩ́ sɔto alɔkpa ɖekpokpoi ji go. E le be Mawu jimaxɔse axɔ éta yi amɛ ci yi nyi enuvɔnwawa le ete; amɛ ci yi li ɖɛ nɔ trɔntrɔnmɛyiyi aze petiii gbɔhwe yi ŋkeke lɔ a va ɖo ⁴ ketɔ lɔ a va fɔn yi a la éta nɔ enu kɔkɔɛ kodo enusɛnsɛnsɛnwo pleŋ kaka a va ɖo egbedo 'xowo mɛ, anɔ nyinɔnɔ yi a nu be eye yi nyi Mawu. ⁵ Mɩ́ de ɖo ŋui be ŋ nu enyɔ c ɛ nɔ mɩ́ gacimɛ yi ŋ le mɩ́ gbɔ ba? ⁶ Ecɛviɛ ɔ, mí nya enu ci yi glɔnglɔn Mawu ketɔ lɔ ɖɛ. Nɔ gacimɛ yi é ɖo a to do sun ɔ, yi keŋ gboxwe yi a to. ⁷ Ɖo ɔ, enuvɔnwawa le edɔ waa kodo yi bebemɛ ŋsɛn vɔn. Nɔ enu ci yi xexeɛ emɔ nii, de gbe va li go ɔ eyi keŋgbɔxwe yi a zoto. ⁸ Le gahɔnmɛ ɔ eseji mawadotɔ lɔ a va ze do dandan ŋgbe. Gacimɛ yi axwetɔ Yesu a trɔgbɔ, a wui kodo gbɔngbɔn ci yi totoɔ so nu mɛ nii yi klɛnklɛ ci mɛ yi ezɔn gbɔgbɔ lɔ a gbin keŋkeŋ. ⁹ Esejimawadotɔ lɔ ci yi a va ze lɔ a va toso legba 'dɔwana mɛ yi a le enu jiŋwo, jeshido 'nuwo kodo ŋsukankan 'nudanŋdo hatamuwo pleŋ waa. ¹⁰ A va wa enubaɖa ha yi a so blé amɛ ciwo le bubu 'mɔ ji vɔ. Wowo a bu. Ɖo wowo de xɔ nyɔnɔnui lɔ go. ¹¹ Ci yi wo gbe nyɔnɔnui lɔ taɖo ɔ, Mawu dɔ emɔbubu ŋsɛn ɖeka ɖaɖa wo mɛ nɔ wo a xɔxɔ ŋsukankan 'nyɔwo ji se. ¹² Mawu wɛwɛ nɛnɛ keŋ a ɖo kojo amɛ ciwo pleŋ yi de xɔ nyɔnɔnui lɔ ji se go vɔ yi enubaɖa wawa jɔnɔ eji nɔ. ¹³ Mɩ̀ ɖo yi a donɔ akpe tɛgbɛɛ mɩ̀wo nɔvi ciwo yi Mawu lɔnnɔn. Ɖo ɔ, Mawu can mɩ̀ nɔ mì anyi amɛ ŋkɔtɔ ciwo yi a hwlɛngan sɔ to gbɔngbɔn kɔkɔɛ lɔ ci yi na mi nɔnɔ agbe cekiii nɔ Mawu kodo xɔse ci yi mɩ̀̀ ɖo do nyɔnui lɔ ji hɛnnɛ. ¹⁴ É yɔ mɩ́ sɔto eŋɛnnyui ci yi mɩ̀ do nɔ mi nɛ yi a sɛn eŋ a hwlɛ mɩ́ gan. É ji be mɩ́wo 'xwetɔ Yéssu Kliso klɛnklɛn a nyi mɩ̀wotɔ. ¹⁵ Cɩ̀ yɩ̀ é le nɛnɛ ɔ, nɔvinyɛwo, mɩ̀ nɔ ete gliŋ. Mí le akɔnu ciwo yi mɩ́ kplan mɩ́ do tamɛ. Nɔ é gbé nyi ŋmɛŋmɛ yi mɩ́ kplan wo mɩ́ can alo mɩ̀nu wo ɖaɖa mí sɔ to wema mɛ can, mí le wo do ta mɛ. ¹⁶ Mìwo 'xwetɔ Yesu Kliso ŋtɔ kodo Mawu mìwo 'da lɔn mì yi na ŋsɛndodolanmɛ nɔ amɛ mavɔ mavɔ mì afenutɔ yi gbe na emɔkpɔkpɔ nyuitɔ mì. ¹⁷ Wo le do ŋsɛn lanmɛ nɔ mí yi a gbe na ŋsɛn mí hɛnnɛ nɔ mí a wanɔ edɔ nyuiwo yi a gbe le nuxu nyuwo xóɔ tɛgbɛɛ.