¹ Wema cɛ sosoɔ enyɛ, pɔlu kodo silasi kodo Timɔte gbɔ nɔ mí. Mì ŋwliŋwlii ɖaɖa Mawu 'haci yi le tɛsalinika jugan mɛ yi wa ɖeka kodo ² Mawu, mìwo 'da kodo axwetɔ Yesu Kliso Mawu, mìwo 'da kodo Axwetɔ Yesu Kliso le na afenu nɔ mí yi a na faf mí ³ Nɔvinyɛwo, mì ɖo a donɔ akpe nɔ Mawu nɔ mí tɛgbɛɛ shigbe lehanci yi e je do nɛnɛ. E nyɔ be mì a donɔ akpe nii ahan. Ɖo ɔ, míwo xɔse shinshiɛndo ji hɛnnɛ. ⁴ E yi na taɖo yi mì sɔ mì yinɔ ego le Mawu 'hawo gbɔ. Ɖo ɔ, amɛwo ciciɛ yumɛ nɔmí yi dodoɔ aya nɔ mí. Vɔ ɔ, mí de hunhun le míwo ɖekiwo mɛ go. Mí gbe kpɔtɔ xɔxɔɔ Mawu ji se. ⁵ Ecɛwo dansɛn petii be Mawu a ɖo kojo nɔ agbetɔ jɔjɔɛde. Ci yí mí le efun kpeɛ ahan ɔ, mí a je nɔ jiŋkushi 'ƒiɔɖuxu lɔ mɛ yiyi. Enu ci dɔ yí mí le efun kpeɛ do nɛ. ⁶ Ɛɛ, Mawu a ɖó kojolɔ jɔjɔɖe yi a ɖo aya ayatexu nɔ amɛ ciwo yi dodoɔ aya nɔmí. ⁷ A na vovo míwo ciwo yi lé aya ɖuɔ yi a gbe na mìwo can. A wɛɛ nɛnɛ han gacimɛ yí Axwetɔ Yesu a ɖyi so jiŋkushimɛ kodo yi dala ŋsɛntɔnɔwo ⁸ le ezo gɛgɛgɛ ɖeka mɛ. A dɔn etonɔ amɛ ciwo yi gbé Mawu kodo amɛciwo yi de wanɔ do mìwo 'xwetɔ Yesu 'ŋɛnyui lɔ ji. ⁹ Eto yi wo a dɔn nɔ amɛ lɔwo jɔjɔɛɖɛ yí nyi bé wo a gu wo gbijigbiji, a dɔn wo yi azɔge nɔ axwetɔ kodo yi klɛnklɛn gangan lɔ. ¹⁰ Enu hɔn a jɔ le ŋkekr ci ji yí axwetɔ a trɔgbɔ le. A trɔgbɔ nɔ yi 'mɛwo a kaƒui yí amɛciwo pleŋ yi xɔɛ ji se a ke enu do nuvo. Míwo can mí a nɔ amɛ lɔwo domɛ. ɖo ɔ, mí xɔ kunu ci yí mì ɖe sɔ so Yewu Kliso lɔ nu nɔ mí ji se. ¹¹ Enu hɔn yi dɔ yi mì donɔ egbe ɖaɖa nɔ Mawu do eta nɔ mí mamimami nɛ. Mì buiɛ nii bé lé wɛɛ vɛ nɔ mí a je nɔ agbe ci yí é yɔ mí nɔ yí a dó alɔ mí kodo yi ŋsɛn nɔ́ mí susu nyuiwo yi a wanɔ xɔse 'dɔwo. ¹² Gahɔnmɛ ɔ, amɛwo a xa do mí nu akaƒu mìwo 'xwetɔ Yesu Kliso nyikɔ. Wo a gbe xa do Yesu Kliso nu hɛnnɛ yí a kaƒu míwo can. Enu hɔwo a va jɔ, ɖó ɔ, mìwo Mawu kodo mìwo 'xwetɔ Yesu Kliso a wa aƒenu nɔ mì.