¹ Wema cɛ sosoɔ enyɛ, Pɔlu kodo Silasi kodo Timɔte gbɔ nɔ́ mí. Mì ŋwlɛŋwlɛ wema lɔ ɖaɖa Mawu 'ha ci yí le T€salonoka jugan mɛ yí wa ɖeka kodo Mawu Eda kodo Axwetɔ yesu Kliso. Mawu lé wa xomɛvunu nɔ́ mí. ^{2 3} Tɛgbɛɛ ɔ, mì donɔ akpe nɔ́ Mawu dó eta nɔ mí pleŋ yí ɖonɔ eŋui mí le mìwo gbedoɖawo mɛ. Nyɔnɔnuitɔ nɔ́ mì le gbedoɖa wagɔ nɔ mìwo 'da Mawu ɔ, mì ɖonɔ eŋui lehanci yí míwo 'nuwawawo dodoɔ asɛn bé mí xɔ mawu jí se nyuiɖe dó yí míwo 'gbagbajejewo cán ɖeɖeɛ lɔnlɔn ci yí mí ɖo nɔ́ amɛwo doasɛ dó. gbe sɔwu nɛnɛ ɔ, mì ɖonɔ eŋui lehanci mí le emɔ kpɔ nɔ Axwetɔ Yesu Kliso truɖuɖu dó. ⁴ Nɔ vinyɛwo, mì nyá bé Mawu lɔn mí yí cán mí. ⁵ Ɖó ci yí mì dó Mawu ' ŋɛnyui lɔ nɔ́ mí ɔ, d'é nyí enyɔ kpoŋwo yí é nyi yí mì nú nɔ́ mí o. Gbɔngbɔn kɔkɔɛ ŋsɛn le mɛ kodo mì. Mì nyá nyuiɖebé enyɔ ciwo yí mì nunuɔ nyi nyɔnɔnui. Hwecinu yí m̀ le mí mɛ ɔ, mì ɖe mìwoɖekiwo doase nɔ́ mí yí a sɔ́ dó alo Mí. ⁶ Míwo yɛ ɔ, míwo kpɔ́ dó mìwo 'gbenɔnɔ kodo Axwetɔ nú yí tɔ́ nɔnɔ. Vɔ, ɔ mí xɔ Mawu 'nyɔ lɔ le vevesese sugbɔ kodo jijɔ ci yí gbɔngbɔn kɔkɔɛ nanɔ amɛ mɛ. ⁷ Nɛnɛ ɔ, mí va trɔ́ kpɔwɛ nɔ amɛ ciwo pleŋ yí xɔ Mawu jí se le Maseduwanu kodo Akayi 'kanwo mɛ. ⁸ Míwo yí ná yí amɛwo se enyɔwo so mìwo 'xwetɔ nú le Maseduwanu kodo Akayi 'kanwo mɛ. D'é nyí kpɔ́ bé wowoɖekɛwo yí sii o. Amɛwo se lehanci yí mí xɔ Mawu jí se do le afishiafi kaka kpɔ́ d'é gbe ian bé mìwo a gbe nu enyɔ ɖe o. ⁹ Amɛ lɔwo ŋtɔ yí lé nuxu xoɔ so lehanci yí mí xɔ mì dó hwecinu yí mí gbe vojutogbiviwo yívá le Mawu agbeagbe, Mawu adodui lɔ sɛngɔ do nú . ¹⁰ Wo gbe nunuɔ hɛnnɛ bé míwo le ete nɔ ɔ kpɔ Mawu Eviɛ ci yí jeŋkushimɛ yí vá. mawu fɔ́in so amɛkukuwo domɛ yí é hwlɛn mì gán le enuvɔn mɛ nɔ́ Mawu ŋgbe va wa dɔmɛzi do mì le kojo ci yí é jijiɛ a vá ɖó kodo mì le vɔvɔnu mɛ mɛ o.