¹ Wema cɛ so enyɛ, Piyɛ ci yí nyí Yesu Kliso mɛdɔdɔ gbɔ nɔ́ amɛ ciwo yí Mawu cán yí wo le mɛdru nyigban jí yí kankan do Pɔn, Galati, Kapadɔsi, Azi kodo Bitini 'kanwo mɛ.

² Mawu Eda can mí shigbe lehancí yí yiŋtɔ doŋkɔ yí wa totomɛ lɔ daɖɛ dó nɛnɛ. É sɔ́ yi Gbɔngbɔn kɔkɔɛ ɖe mí do akpo nɔ́ mí a nyí yitɔwo yí a se etonu nɔ Yesu Kliso nɔ́ á wuwuɔ yí hun do mí nu yí a klɔ eɖyiwo so mí nu. Mawu lé wa xomɛvunu nɔ mí yí a ná fafa mí le egbɔsusu mɛ. ³ Mí na nɔ́ mì a kafu Mawu, mìwo 'xwetɔ Yesu Kliso 'dab ! Le yi dɔnusoikpɔkpɔnɔamɛ gangan lɔ mɛ ɔ, é ná mì agbe yoyu ɖeka sɔ to fɔnfɔn ci yí Yesu Kliso fɔn so ekuwodi mɛ. Nɛnɛ ɔ, mìwo 'mɔkpɔkpɔ nyí emɔkpɔkpɔ ci yí nanɔ agbe

⁴ yí mì kpɔkpɔ emɔ nɔ́ enunyui ciwo yí Mawu drado daɖɛ nɔ́ yitɔwo. Enunyui hɔn lɔwo nyí enu magblemagblewo, enu maxoɖyiwo kodo enu maxlɔmaxlɔwo. Wo dra wo dó dadɛ nɔ́ mí do jiŋkushi,

⁵ nɔ́ míwo ciwo yí xɔ Mawu jí se yí é sɔ yi ŋsɛn hɛnhɛn mi nɔ́ mí a kpɔ hwlɛngan ci yí Mawu le egbesɔsɔ a ɖe dansin nɔ́ mí le hwenu godugodutɔwo mɛ. ⁶ Nɔ́ mí a gbe seseɛ veve le tetekpɔ vovowo mɛ hɛnnɛ nɛ. Wo a kpɔ́ bé yi nyí akuankun mɛ. Gahɔnmɛ nɔ́ Yesu Kliso va trɔgbɔgbɔ yí ez ɔ, wo a sɛ́n eŋ kafu mɩ yí a ná kɔkɔ mì yí a ná kɔkɔ mì yí a gbe do bubu mì nú dó míwo xɔse ŋci.

⁷ Shigbe lehanci yí wo donɔ shika ci yí nyí enu ci a vá gblé kpɔ́ le ezo mɛ do nɛnɛ ɔ, nɛnɛke yí wo a dó míwo xɔse ci yí xɔ ashi sɔwu shika hɔn kpɔ le ezo mɛ do hɛnnɛ nɛ. Wo a kpɔ́ bé yi nyí akuankun mɛ. Gahɔnmɛ nɔ́ Yesu Kliso va trɔgbɔgbɔ yí ze ɔ, wo a sɛ́n eŋ kafu mi yí a ná kɔkɔ mì yí a gbe do bubu mì nú dó míwo xɔse ŋci. ⁸ Mí de kpɔ́ Yesu lɔ go; gankegan mí lɔinlɔiɛ. Míwo ŋkuviwo de kpɔ́ kpɔ́ɛ hɔɖe go, gankegan mí xɔɛ ji se yí ejí gangan, manumanu ɖeka jɔjɔ mí.

⁹ Ɖo ɔ, mí kpɔkpɔ enu ci yi dɔ taɖo yí mí xɔ Yesu Kliso ji se do lɔ : é yí nyí kpɔ́ bé míwo 'sé a kpɔ́ hwlɛgan.

¹⁰ Mawu 'ŋɛdotɔ ciwo yi nú enyɔ ɖɛ so enunana ci yí e drado daɖɛ nɔ́ mí nu ji i gɔnmɛ kpɔ vayisasa yí gbe keje hwlɛngan hɔn lɔ ci yí Mawu drado daɖɛ nɔ́ mí yí nú bé ye a sɔ wa xomɛvunu nɔ́ mí lɔ mɛ. ¹¹ Kliso lɔ Gbɔngbɔn le kodo Mawu 'ŋɛdotɔ lɔwo sasa lɔ yí doŋkɔ yí nunuɔ nɔ wo bé Kliso lɔ a vá kpé efun yí le i godu ɔ, Mawu a vá kɔ́ɛ dó yi klɛnklɛn gangan lɔ mɛ. Eyi Mawu 'ŋɛdotɔ lɔwo teteɛ kpɔ bé yewo a jeshi hwecinu kodo nɔnɔmɛ ciwo mɛ yí enyɔ ciwo yí Gbɔngbɔn lɔ nú nɔ́ yewo a vá tɔ́ jɔjɔ do.

¹² Mawu ɖe mɛ nɔ yi ŋɛdotɔ lɔwo bé eŋɛ lɔwo ci yí wo dodoɔ daɖɛ de nyí wowoŋtɔwotɔ go, míwotɔ yí wo nyí. Ecɛɖɛyɛ ɔ, amɛ ciwo yí dodo ɔ Mawu 'ŋɛnyui xo nuxu so enyɔ hɔn lɔwo nú nɔ́ mí kodo Gbɔngbɔn kɔkɔɛ ŋsɛn Mawu sɔ́ ɖaɖa so jinkushi. Mawu Dɔla ŋtɔwo cán jijiɛ bé yewo a nyá enu hɔn lɔwo. ¹³ Eyi ná taɖo ɔ, míwo 'yeɣa lé le ete yí a wa enu. Mí mi sukanujiji. Mí sɔ míwo 'mɔkpɔkpɔ dado xomɛvunu ci yí wo a vá ná mí hwecinu yí Yesu Kliso a trɔgbɔgbɔ yí zé jí.

¹⁴ Shigbe evisetonuwo nɛnɛ ɔ, mí ŋgbe lɔn nɔ́ enu ciwo yí dronɔ mí sasa hwecinu yí mí kpɔtɔ le manyamanya mɛ a kpɔtɔ a gbe drodroɔ mí go. ¹⁵ Vɔ ɔ, mí nyi amɛkɔkɔɛwo le míwo 'gbenɔnɔwo pleŋ mɛ shigbe lehanci yí Mawu cí yí yɔ́ mí nyi amɛkɔkɔɛ do nɛnɛ.

¹⁶ Ɖó ɔ, Mawu nú yí wo ŋwlɛ daɖɛ dó yi 'nyɔ wema ɖeka mɛ be : «Mí a nyí amɛkɔkɔɛwo, ɖó ɔ, ŋ nyi amɛkɔkɔɛ.»

¹⁷ Nɔ́ mí dodo egbe ɖaɖa ɔ, mí yɔnɔ Mawu bé Ada. Eyɛ ci yí ɖonɔ kojo kodo agbetɔwo pleŋ dó alɔ ɖeka jí dó lehanci yí amɛɖeka gbenɔnɔwo le do ɛnɛ nú. É yí ná taɖo ɔ, mí a ɖonɔ shishi nii le míwo 'gbenɔnɔwo mɛ, le ŋkeke ciwo yí mí a wa le nyigban cɛ ji mɛ. ¹⁸ Ɖó ɔ, mí nya bé d'é nyi eho alo shika ciwo yí nyí enu ciwo yí a vá gblé yí wo sɔ́ ɖe mí ti le agbenɔnɔ maɖota ci yí míwo tɔgbuiwo gbeɖɛ nɔ́ mí mɛ go.

¹⁹ Oo, Kliso 'hun xɔashi yí wo sɔ́ ɖe mí ti le mɛ. Kliso lɔ yí wo sɔ́ sá avɔ shigbe lɛngbɔvi maɖoagin ɖe alo maxoɖyi ɖe nɛnɛ. ²⁰ Mawu drɛɛdo daɖɛ nɔ́ edɔ hɔn gbɔxwe yí vá wa xexe lɔ. Eyi le ŋkeke godugodutɔ cɛwo mɛ ɔ, é va dansin yi do míwo ŋci.

²¹ É yí ji mi to yí xɔ Mawu ci yí fɔ́in le amɛkukuwo dodomɛ yí kɔ́ɛ do yí kɔ́ɛ dó yí klɛnklɛn gangan lɔ mɛ ji se. Nɛnɛ ɔ, míwo xɔse míwo 'mɔkpɔkpɔ a le Mawu ji. ²² Mí se etonu nɔ́ nyɔnɔnui lɔ yí klɔ eɖyiwo le míwo 'jiwo mɛ nɔ́ nɔnvilɔnlɔn ayemɛnuwawa manɔ mɛ. Ci yí é le nɛnɛ ɔ, mí lɔnnɔ míwonɔnɔwo tɛgbɛɛ kodo eji mɛmi

²³ Nyɔnɔnui ɔ, wo trɔ́ mí yí ji yí d'é nyí amɛ ciwo yí a kú yí trɔ́ mí yí ji go. Vɔ ɔ, amɛ ci yí de kunɔ gbeɖe o yí trɔ́ mí ji sɔto Mawu 'nyɔ agbeagbe lɔ ci yí lí tɛgbɛɛ ji. ²⁴ É le nɛnɛ shigbe lehanci yí wo ŋwlɛ daɖɛ dó Mawu 'nyɔ wema ɖeka mɛ be : «Agbetɔwo pleŋ le shigbe egbe nɛnɛ, wowo 'cɔɖoɖo pleŋ le shigbe sese nɛnɛ. Egbe lɔ fiɔnnɔ yí sese lɔ juinni

²⁵ Vɔ ɔ, Mawu 'nyɔ lɔ li sɔyi tɛgbɛɛ.» Enyɔ hɔn lɔ yí nyí Eŋɛnyui ci yí wo dó nɔ́ mí.