¹ Bhono konsiko sheno, ekarusibwa ehamri omobhothori libhina Agusto akarusi eng'ana ararageria igha ekorwe egasi ya okobara abhanto bhonswe bhano bharenge kokebara keno. ² Kono nkware okobhara kwa mbere kwaikore kobothangathi bwa Krenio hano yare omogavana wa Siria. ³ Kubhuyo kila montho yageye wabho kwandekwa kokobharwa. ⁴ Yusufu onswe narishokire kurwa kumugi gwa Nazareti iyo Galilaya na Akaya Yudea kumugi Bethelehemu, gono gomanyekaini igha umugi gwa Daudi kobhora yanireye ko bhokoo bwa Daudi. ⁵ Yageye iyo kuyandeka hamwi na Mariamu, ono wanyo asoheye kobhothethi kore anyoreho omona. ⁶ Yahikire iga bharenge era shenkagha shia ukwebhora kwaye kuhikire. ⁷ Akebhora omona wa ekeresia umwibhorwa wa mbere, akananerwa na shingibho komobere komohoshera embeho omona. Kaho akamotho mkithubha kiorageria shithingi kobora thimweya wareho he kushinyumba shera shibhageni. ⁸ Hase hayo bhereho abheresia bhano bhamenyire momegondo bhararenda amahisho gabho agha magondi gabho ubhuthiko. ⁹ Bakathaka Malaika wa omonene arabhahekera , na ubhuya bwa omonene bhokoka kobhainara, na bhakabha ninyathoriki,bhokong'u ¹⁰ Hayoa ho Malaika akabhathebia, "Mwankobhoha, kobora ndabharenthera egana inshiya eno erarenthe ubhuya abhonene kobhanto bonswe. ¹¹ Reno omothoria aebhoywe kokogera betho mumugi gwa Daudi! we newe Kiristo omonene! ¹² Keno nkio ikiorokerio keno morahanwe mranyore omona abhoheywe igibho na araye mrithibha reno bhakoragera shithienyi." ¹³ Mbhathaka kobhaho na abhasirikare abharu abha kuriobha bhakabha hamwe na Malaika ono bhawansa kokonia Waryobha, bharaghamba, ¹⁴ Ubhuya ko Waryobha ono arenge kigoro sana no obhohene bhobhe kokebara ko bhonswe bhano akushomerwa nabho." ¹⁵ Ekabha igha Malaika hanobhamare kurishoka kuya kuobha abharesia bhakasha merania abhene kobhene, "Tughende bhono Bethelehemu era na thomahe ekentho keno kebhaye kene omonene athorokeri." ¹⁶ Bhakora bhongo kuya era bhakanyora Mariamu na Yusufu, na bhakamaha omona araribhwi mwithubha iriokorageria shithuienyi. ¹⁷ Hano bharoshe igo bhakathebia abhantho kogera keno bhathebwibwi ko omona. ¹⁸ Bhonswe mbaigure eng'ana eno bhakahema kera kiagambirwe na abharesia. ¹⁹ Igha Mariamu yagenderei kuthegera kogonswe gano yama kwigwa, na akagabeka komoyo gwaye. ²⁰ Abharesi bhakaringa bharakumia na kushomerwa na Waryobha ko kila kentho keno baingwa na bhamaha bhono yanyore yagambwa kobho. ²¹ Hano yahikiri urusiko rwa monane ndwanyore sikire shinsiko shio kaserwa ko mona, bhakabherekera irina igha Yeesu rina reno yahaywe na Malaika hata nyakwabho atharaimokia enda. ²² Shinsiko shiabho shenoshitunwanga ishia obhorabhu hano shiabhethire kobhora na imighiro gia Musa, Yusufu na Mariamu bhakamuhira Mwisengero Yerusalemu iyo komothora mbere ya Omonene. ²³ Kbhono yandekirwe ko mugiro gia omonene, kila umushesha ono egeye enda naraberekerwe obhosendoki ko Omonene." ²⁴ Bhara bhonswe bhaishira kurusia imituho kureng'ana na kera kekogambwa ko migiro gia Omonene, "Shinguthi ikomi na ibere ao amana abhere agha inguthi." ²⁵ Maha yareho omontho kumugi gwa Yerusalemu ono irina riaye reberekerwanga igha Simoni. Omontho ono yare omohene na yahanshire Waryobha. We yaganyanga kobhora yare omonobia wa Israeli, na omokama omohoreru gware kighoro yaye. ²⁶ Wanyore yamara kuongoka harewe igha kuhethera omokama omohoreru igha we thakakure atharamaha Kiristo Omonene. ²⁷ Urusiko oromwe yaishire mwisengero, athagatheywe na omokama omohoreru. Hano abhaebhori bharenthere omona Yeesu komokora ghano ghathunua agha imighiro. ²⁸ Ho Simeoni yamogegire momabhoko gaye na akakumia Waryobha na ikigambha, ²⁹ "Bhono nkuthigire omothomwa waho agende ku ubhuya omonene ko mang'ana gaho. ³⁰ Kobhora amaiso gane gahoroshe na ubhohene bhwaho, ³¹ bhono bhomahekire ko maiso ga abhantho bhonswe, ³² Newe obhorabhu ko kohonya kwa ibhiaro na ubhuya bwa abhantho bha Israeli." ³³ Thatha na mayo bhe omona mbarogore ko mang'ana ghano gashumashirwe harebho. ³⁴ Ho Simeon akabhahuha na akagamba ko Mariamu mayo waye, "Nyigwa bhuya! Omona ono nararenthe ukusira na akohana kwa abhantho abharu ko Israeli na ne kiorokerio keno abhantho abharu bharakiange. ³⁵ Na ne bhanghe eno erakosambe ko moyo gwaho umwene kore igha amaithegero gha imiyo ghia abharu gomaheke". ³⁶ Umusubhi omokari ono aberekerwanga igha ana onswe yare mwisengero. We yare mohara Fanueli kurwa abhantho Asheri. ³⁷ Ho yabhaye umusino ku mioka merongwe monane na mine nawe thiarishokire kurwa mwisengero na yare kogenderia kosasama Waryobha hamwe ukuthigha korya na kosabha, ubhutiko no omobhaso. ³⁸ Na shenkagha shio yashanga hara bhare akaya arakumia Waryobha. Yashumashiye omona ku kila monho ono yaganyanga ubhothiria bwa Yerusalemu. ³⁹ Hano bhamare kirakentho keno bhatunire kokora kufuathe imigiro gia omonene mbakiore Galilaya momugi gwa, Nazareti. ⁴⁰ Omona yakiner, na akabha na shinguru, akiyengeri esoko ya Waryobha yare kogore yaye. ⁴¹ Abhebhori bhaye kira moka mbayanga Yerusalemu ku Nyangi ye Pasaka. ⁴² Hano yahikire imioka na ebere mbageye wiki ko shenkagha kama ethemo yabho ya ukuya munyangi iya Pasaka. ⁴³ Hano yathemire sinsiko shonswe ko nyangi. Mbhawanse kukiora ko mumura Yeesu yathamire nyuma Yereusalemu na abhabhori bhaye thebhemanyire he. ⁴⁴ Mbamanyire igha arenge mwikomo reno bhare nario kosafari, kohayo, mbagenderei esafari iya orosiko. Kaho bhakawansa kuntuna mobhabho na abhesani bhabho. ⁴⁵ Hano bhekerwe kumunyora, bhakakiora Yerusalemu na bhakawansa kumtuna iyo. ⁴⁶ Ikahika shinsiko isatho, bhakamnyora mwisengero, ene ikaye gathegathe ya abheighya arabhaithegera no ukobhabhori amang'ana. ⁴⁷ Bhonswe bhano bhamwigwe mbaroghore no obhomanyi bhwaye na amahonshokia a ghaye. ⁴⁸ Hano bhamoroshe, mbahemire nahwabho akamothebia, "Mona wane, kwake othokoreye igha? Igwa suwenyu naoni nthuare kukuthuna ne wasiwasi enene. ⁴⁹ Akabhathebia, "Kwake mware kunthuna? Thimwamonyire igha mbe munyumba ya thatha weitho? ⁵⁰ Igha thebhamenyire kenekiagere akaghamba amang'ana ghara he. ⁵¹ Ho bhageye nawe hamwe mbaka wabho kaa Nazareti na yare omosoku harebho. Nyakwabho yabekire amang'ana gonswe komoyo gwaye. ⁵² Yeesu yagenderei kukuna n aesoko na ukukina na akabha ahanshirwe na Waryobha na abhanto.