¹ Gwiki Yeesu yatebheri abhegha abhaye, "Omonto yaareho umwaame ono yaare umwimeereeri uwa ebhento byaye akateebhibwa igha umwimeereri uyo aranyaraghania ebhento byaye. ² Kubhuyo umwame akamobherekera akamoteebya, "Nke keno nkwigwa kuuwe? Rusya amang'ana agha ubwimeereeri bwa emeremo ghyaho koobhora tobhe umwimeereri gwiki he.' ³ Umwimeereri ora akaghamba igha, iyake ndakore bhoono omonene uwaane andughiri koomeremo? Ntaana nguru sha korema na kosabhasabha ndamaha shensoni. ⁴ Nemanyire bhono ndakore hano ndarughibwi emeremo abhanto bhansereninga kumighi gyabho. ⁵ Na igho umwimeereri akabherekera abhanto bhano bhaare na amasire agha omonene waaye koomwe omwe akabhateebya uwambere, 'nkerengere ke okosabwa na omonene waane? ⁶ Akamohonshora igha ebherengero righana imwe byaamaguta akamoteebya ghegha ekemanyeeryo kyaho ikara hanse waandeke igha iisiire yaaho neebherengero merongo etano byamaghuta.' ⁷ Gwiki akabhoorya uwonde uuwe isiire yaho nkerengere ke?' akaghamba igha amatebhe righana agha obhose bwa engano akamoteebya andeka ekemanyeeryo igha merongo monaane.' ⁸ Hano omonene yaighure ghayo akakumya umwimeereri omoghogho komang'ana ghayo yankore ko obhong'aini. Kobhoora abhana bha muukyaaro kono mbang'aini nkokora bhare na abhanto bha orobhareka rwabho kokera bho bhaarenge abhana bha obhorabhu. ⁹ Oni ndabhateebya mwikore obhosani kuumwando ghoobhosaki hano ghorebhora moreseereni bwa kurimenya rya amakora ghonswe. ¹⁰ Ono arenge omoheene ko eghento egheke nkobhaare omoheene kobhento ebhenene na ono arenge omoghogho ko ebhento ebheke nkobhaare omoghogho kora kobhanto abhanene honswe. ¹¹ Nunyoora bheenyu motaare abhaheene kumwando gwo obhoheene nawe irebhakeerya ko bhento bya obhoheene? ¹² Hano motaare abhaheene koogokora ebhento ibhya uwonde nawe arebhahaana bheno bhereenge ibhyenyu abheene? ¹³ Taho mokori wa meremo ono arakoore bhanene bhabhere, he kubhuyo narareghe omonene wonde na okohansha omonene omwe hande naraghotane nu wonde, na okosera uwonde, te motore kutighikanera Waryobha na ebhento." ¹⁴ Kubhuyo Abhafarisayo bhano bhahanshire sehera hana bhaighure amang'ana ghayo ghonswe bhaka mosera, ¹⁵ "Na akabhateebya, bheenyu nebho mughwikora igha mbhanto bhaheene, more kasi Waryobha naamanyire ghano gare mosenkoro syenyu. Koobhora eng'ana eno abhanto bhakukumya neyo ekoreerya Waryobha bhokong'u. ¹⁶ Okohekera Yohana hano wanyore ahikire imighiro na abhaaroti mbyaareho. Kurwa enkagha iyo amang'ana amaiya agha obhokama bwa Waryobha ngararekirwe na omonto wonswe yateemore kosohamo kwanguru. ¹⁷ Kasi nketabho irisaaro na ikyaro bheratora kurwa ho kokerra akatabhe kamwe ka imighiro okobhora ho. ¹⁸ Ono wonswe akutigha mokaye na okoteta omokari wa uwonde bhuyo nobhosorare, na ono akoteta ono atighirwe na moghaka waye bhonswe mbesoraare ¹⁹ Yaare ho omonto omwe umwame ono yatorange singibho seno syaare kesero sinshiya na yaashomerwanga na ubwame bwaye ubwaaru kera rusiko. ²⁰ Kihita kyaye yamenyire ho omotobhu omwe yabherekerwanga igha Razaro yare omoroye wa ebheseese. ²¹ Wonswe yare kwighamba kora ghera ubhesanga bheno bhyaghwanga kukurwa ko meesa ya mwaame oora kora she seese sheghasha komomeena ebheseese bheno wonyore aaroore. ²² Omotobhu uyo hano yakuure akaghegwa na abhamaraika akatoorwa kughikubha kya Ibhrahimu. Umwaame oora akakwa akabheekwa. ²³ Hano yahikire mooro ghotakurima yaanyoore inyanko hano yaagharameereyi amaiso ghaye ighoro akamaha Ibrahimu Razaro arenge ku-ghikubha kyaye ighoro. ²⁴ Aghakuura araghamba tata Ibrahimu otaanabhera otome Razaro atobheke ensonga iya ikyara kyaye moomanshe asambaroki ororeme rwane kobhoora nkunyoora inyanko mo-mooro mono. ²⁵ Kasi Ibrahimu akamooteebhya igha moona waane uhiite komanya igha kurimenya ryaho wanyoore amang'ana agha obhohoru amaiya Razaro wonswe yaanyoore amaghogho kasi bhoono hano are araserenibhwa na uwe oranyora inyanko. ²⁶ Gwiki kughira ya ghayo iriooma ryatoorwa ghate ghate yeto ritaambe okoori bhano bhakutuna kurwa eno kuusha iyo bhatakatora kuusha na bhano bhakutuna kurwa iyo kusha eno bhonswe batakaatora kotamboka kuusha weeto. ²⁷ Umwame ora akaghamba e-taata weto Ibhrahimu ndakosabha omonto weeto kotaata weto. ²⁸ Koobhoora nena bhamura bheeto bhataano abhakani kurinyantareki okoori bhonswe bhataakasha kusha ahaase hi nyanko kya hano. ²⁹ Kasi Ibrahimu akahonshora igha, "Mbaana Mosa hamwe na abharoti bhatigha bhalakabhaiteegheera bho. ³⁰ Umwame ora akaghamba igha, "Tatigha, tata Ibrahimu hano omonto araarwe ko abhaku abhahekeere mbara highame ebhebhe. ³¹ Kasi Ibrahimu akamoteebya hano bharange kwighare amang'ana gha Mosa na abharoti tebhaikeerihe nyhoora omonto naarwa mo bhaku.