¹ Mbe abhaghooti abha righoti na abhande abhabhebhe mbaishire ku Yeesu bhamwitegherre. ² Na abhaandeki bhakaibhemberya bhakaghamba "Omonto ono mosereenia wa abhanto abha ebhebhe? Kora arasanga nabho." ³ Yeesu akaghamba, ekerengyo igha ⁴ "Nang'we kobhenyu omonto ana amang'ondi iriighana imwe aise komanya igha rimwe risiirre? Rende naraatighe hayo merongo kenda na kenda ko sheng'ongo aghende kutuna reera risiirre okohekera hano ararinyoore? ⁵ Hano ararinyore nkogheghaare atoora koomareko na eno ashomeeywe. ⁶ Hano yahika yeeka, abherekera abhasani na abhamenyaini bhaaye abhatebya igha mushomerwe hamwe na oni kobhoora nyoore ring'o ryane reno unyoore risiire. ⁷ Ndabhateebya ighoigho ukushomerwa nkabha kore ho ighoro mwisaro hano omonto omwe wa ebhebhe hana yahighama ebhebhe ku-ukughira ya omonto wa ebhebhe hano ya highama ebhebhe nkobha kore okonene bhokong'u kokera ukwa abhanto abha heene merongo kenda na kenda bhano bhata tonibhwi kuhighama ebhebhe. ⁸ Kasi mokari ke ono ana shehera sishingi ikomi hano emwe erasire taaghoti ekemore kyaye na ukweeya inyumba na okokora omotono ko hekera hano araghinyoore? ⁹ Na hano yaisa kughinyoora nko bherekeraare abhasaani na abhamenyaini abhateebya mushomerwe hamwe na oni kobhoora nyoore ehera yaane. ¹⁰ Ndabhateebya igha ukushomerwa nkobhakore ho hano omonto omwe uwa ebhebhe hano yahighama ebhebhe bhyaye mbere ya abhamaraika bha Waryobha. Kukughira ya omonto ono ana ebhebhe ono akuhighama ebhebhe." ¹¹ Yeesu akaghamba, "Omonto omomwe yaare na abhana bhabhere. ¹² Omoke akatebya suwaabho igha taata ng'aana ekerengere kya umwando keno kendeng'aini untwenere, Suwabho akabhatwenania bhonswe bhabhere umwando gwaye. ¹³ Nsiko nke omoke ora akakomania abhanto bhyaye bhyonswe akaghya ikyaro kya hare iyo naiyo akanyamora shehera na okoraghera ebhento bheno yaare nabyo showe. ¹⁴ Hano wanyoore amare kunyamora ebhento byaye byonswe igho inshara ekasoha ku kyaro kiyo wonswe akanyoora inyanko. ¹⁵ Akaya ko -omonto omwe uwa ikyaro kiyo akamosabha emeremo omonto uyo akamuhira momoghondo koori aragheringa sembeshe. ¹⁶ Akabha araighomba ai araraghera amakanda ghano sembeshe sereeye kasi taho monto ono yamohaye kento kyonswe igho ikya korya. ¹⁷ Ho yahitire akaghamba igha, kori abha emeremo abha taata nkorya bhare bhetama naoni ne hano ndakwa na inshara! ¹⁸ Na bhono ndatanore ngeende ko taata moteebhi igha, "Nsari komaiso ghaho na mbele yaho nighoro ya risaaro. ¹⁹ Ti- ning'areyi okobherekerwa omona waho gwiki he; onkore kya omokori wa emeremo waho." ²⁰ Yaatanoye akaya kusuwabho. Hana yare hare suwabho akamomaaha akamwabheera akamokenyeera kamuturung'ana akamwibhara na akamumunta. ²¹ Omoona waye uyo akateebya, 'suwabho igha nasarya ighoro yarisaaro na mbele ya maiso ghaho tiningareeyi mberekerwe omona waho he.' ²² Kasi suwabho akateebhya abhakori bha emeremo bhaye mwangohi umwenda umuuya mumwibhohi na momotoore ikitwang'a kukyaara kyaye na ebherato komaghoro ghaye. ²³ Morete rikohe rinoru moghoghe toraghere tushomerwe. ²⁴ Kobhora omoona wane yaare kyaono akure kobhono mohoru. Wa nyora yasira bhoono yatokiire bhasimya kukirirrya. ²⁵ Koobhora omona wabho omonene yaare moghondo hano wanyoore arasha ahikire hang'i akaigwa engamba bhararetya na emehooyo. ²⁶ Akabherekera omokari wa emeremo omwe akamobhorya amang'ana ghano esonga yako nke? ²⁷ Omokori wa emeremo akamoteebya igha omoke aishire suwenyu amoghogheye rikohe rinoru koobhora aringire morembe.' ²⁸ Omoona omtomokoro ora akareera akanga kosoha munyumba suwabho akarishoka kebhara akamosasaama asohe. ²⁹ Kasi akahonshora suwabho akaghamba, 'oni naghokoora emeremo imyoka ereenga, tenakakosareeyi he ko-maaragheeryo ghaho, kasi tiwang'ae kemanwa kya mbori he, oni wonswe nshomerwe na bhasaani bhane he. ³⁰ Kasi hano aishire omoona waaho ono yaanyamora ebhento bhyaho byonswe hamwe na abhasoraare omoghogheye rikohe reno ryanora. ³¹ Suwabho akamoteebya igha, "Moona wane uwe ntoohamwe na uwe bheno nenabhyo nibyaho byonswe. ³² Kasi mbuuya hare omoona wenyu ono tomokoore inyaangi tushomerwe uwenyu ono wanyoora yaakwa bhoono mohoru, wanyoora yasira bhoono atookire."