¹ Abharu bhakore bhokong'u kathora ko shenshera ishia magano ko mang'ana gano gaikora gathe etho. ² Bora bhathohaye bethe kurwa nyuma kama abhashahidi bha maiso na neabhakori bha emeremo gia kuhira amang'ana. ³ Kubuya naoni onswe hamo nagegire kwa bhunyohu ebere ya mang'ana gano gonswe kurwa nyuma ndoshe mbuya haroni kuendeka kwa bhunyohu no ubhorageria bwane hare omothangathi bhokong'u Theofilo. ⁴ Kore uwese komanya amang'ana ghano wegibwi. ⁵ Kushinsiko shia Herode omothangathi wa Yedea yarewe umusubhi onde yabherekerwanga Zekaria uwa obhokoo bwa Abiya. Mokaye yarure kobhasubhati baa Haruni na irina riaye yabherekeywe igha Elizabeti. ⁶ Bhonswe bhare na nobhohanshani mbere Waryobha. Mbhagendire bhathana mbura ko migiro gionswe na mang'ana go omothangathi. ⁷ Rakini thebhare na mona, kobhora Elizabethi nomoghomba na shinsiko shio shoonswe bhonswe bhabhere mbhaghaka bare. ⁸ Bhono yatokeye igha Zakaria yare kobhomwe bhwa Waryobha, akegenderia na emeremo obhogambi ko mebhango igia zamu yaye. ⁹ Komepango kobhora na ethemo iya kushagora umusubhi oke orakore emeremo gia omonene kubhuya narahuhe abhakoro. ¹⁰ Rikomo rionswe irya bhantho ndierishokibwanga kebhara hara bhakora ikimwenso. ¹¹ Bhono omalaika ya Omonene angamogothira akimera arabha rwa bhorio ubhwa kurisengero. ¹² Zakaria yobhohire hano yamoroshe; riheku rekamugwesi. ¹³ Hano Malaika akamothebhia bhoha wange kobhoha. Zakaria ko obhusabhi bhwaho aiguro. Mkaho Elizabeth narakwebhore omona. Irina riaye noramobherekera igha Yohana. ¹⁴ Norabhe ubhuya na okosaroka, na abharu barashomerwe ukwebhorwa kwaho. ¹⁵ Kobhora nerabhe omothangathi mbere ya amaiso go omonene. Thanywe amarwa ao bhentho bya kunyebwa obhororo na nerabhe aishoribhwi na omokama omohereru kukurwa monda ya nyakwabho. ¹⁶ Abhantho abharu abha Israeli barisiori hare omonene wetho Waryobha. ¹⁷ Narayi mbere ya ubhusyo bhwa omothangathi ko roho na shinguru ishia Eliya. Norakore igho kukioria imiyo gya bhathatha hatha abhana, koghera bora bhathakobhoha bhakore koshensoni ko bhahene. Narakorego kothora thayari ko omothangathi wetho bhano bhako koghera bhetho." ¹⁸ Zakaria akathebhia malaika, "Yake ndakore manye reno? Kobhora oni mogaka na mkane imioka giye giabha imiaru bhokong'u." ¹⁹ Malaika akohonshokia na ndakothebia, "Oni Gabrieli, araakwimera mbere ya Waryobha. Nanthomirwe kokothebia kokorenthera amang'na amaiya. ²⁰ Na maha, thushumashe he norakire, thathora kushumasha mbaka urusiko rora amang'ana garemahekana. Eno nkobhora wangire kuigwa amang'ana ghane gano gahikibwi ko shenkagha isherahike." ²¹ Bhono abhantho mbhaganyanga Zakaria. Mbhahemire igha yageghanga shenkagha shinsharu mwisengero. ²² Hano yarishokire kebhara thiashumashire nabho he. Bhakamanya igha wanyo amare ebherotho mwisengero. Yagenderei kumaheka kuorokia ethemo na kukira kiri. ²³ Ekabha igha urusiko rwa meremo giaye hano giakuanga yarishokanga kuya waye. ²⁴ Hano Zakaria yakiore kurua kaa kurua komeremo giye mwisengero mkaye akabha naenda. Nawe thiyarure mwae mbaka imieri ethano. Akaghamba, ²⁵ "Reno ndio Omonene akore haroni akore kobhohanshi andusi shensoni kombere ya abhantho. ²⁶ Bhono, ko umweri gwa kasansabha ugwa enda ya Elizabheti, Waryobha yathebhere Malaika Gabrieli kai kumughi gwa Galilaya ghono gokoberekerwa igha Nazareti. ²⁷ Hare Bikra ono yathunirwe na umumura onde ono yabherekerwaga irina riaye Yusufu. We yare wa urebhoro rwabho Daudi, na irina ria bhikira uyo ni ga Mariamu. ²⁸ Akasha hare we akagamba, "Nkokeri, uwe wagegire eneema enene ya Omonene yashomeywe nawe." ²⁹ Okobhako amang'ana ga Malaika gamwishoghaini thiamanyire kwake omorabhu yaheri ekeria era he. ³⁰ Omorabhu akamothebia, "Wangekobhoha, Mariamu, kobha unyore ubhuya kurwa hare Waryobha. ³¹ Na Maha narimoki enda ko enda yaho na uribhore omona. Nauwe uremoberekera irina riaye Yeesu. ³² Narabhe omonene na araberekerwe omona wa ono akigoro bhokong'u Omonene Waryobha narenyore eketumbe kia kare ikia Daudi suwabho umwene. ³³ Narengathera kighoro ya abhokoo bwa Yakobo nsiko sionswe na ubhothangathi bwaho thabhobha na kerengere he. ³⁴ Mariamu akabhori Malaika, reno yake reraikore ko nshera ke, kobhora thenekerae numushasha onswe? ³⁵ Malaika akamohonshokia akamothebia omokeme omohoreru gurikweshera kigoro yako na shinguru ishia ano arenge kigoro bhokong'u shirishe kigoro yaho. Kubhuyo, omorashu arebhorwe narabherekerwe igha omona wa Waryobha. ³⁶ Na Maha mhiri wako Elizabeti nendere iya omona kumioka giaye igia obhogaka. Gono numweri gwa kesansabha ugwaye ono yaberekerwaga igha omoghobha. ³⁷ Kobhora thekeho keno kethakowesekana hare Waryobha he." ³⁸ Mariamu akghamba, "Maha oni nomokori wa emeremo uwe kekari ko monene. Thige ebhe igho heroni sawa na ubhoghambi bhwaho" Hayo Malaika akamthigha. ³⁹ Ho kushensiko shio Mariamu yarishokire na bhongo akaya kukiaro kia ibhighuku, kuu mugi ko kiaro kya Yudea. ⁴⁰ Yageye mnyumba mwa Zakaria na akakeri Elizabeth. ⁴¹ Bhona ekabha igha Elizabeth hano yaighure amakerio ga Mariamu, Omona ono arenge monda yaye akasingisa. ⁴² Akashumasha ne esauti ya kigoro akagamba bhokong'u sauti enene, "Urughuthire uwe kohera ghethe ya bhakari, na omona ono arenge monda yaho onswe arughughuthire. ⁴³ Na yake ebhaye haroni igha nyakwabho omonene wane yatumirwe igha ashe haroni? ⁴⁴ Kobhora maha hano gagurwe komathwe gane sauti ya konkeria kwako, Omona monda yane akahoya ko ubhuya. ⁴⁵ Na arughuthire omokari ara yakerei igha mbakashire abhohene ubwa amang'ana ghara gagambirwe kurwa komanene." ⁴⁶ Mariam akaghamba enkoro yane aramothonia Omonene, ⁴⁷ Na enkoro yane ishomeywe ko Waryobha omothoria wane. ⁴⁸ Kobhora aroshi ehali ya ikiaro kia omothomwa waye uwe kekari. Maha, thangu bhono ko abhaebhonwa bhonswe mbhahobherekere umuruguthi. ⁴⁹ Kobhora we ono yatho yakore amang'ana amanene kooni na irina riaye rerabhe. ⁵⁰ Ubhuya bwaye bhwikoye rikora hatha rikora ko bhera aranyore bhamosokire we. ⁵¹ Aorekeri shinguru ko kobhoko kwaye, yanyaragania bhara bhathunagha wabhaiheme kigoro ya maithegero gae gha mumiyo giabho. ⁵² Yabhaikia hanse abhana bhanene kurwa ko ibhithumbe bhiabho ibhikare naukuenyore kighoro bhano bhere hanse. ⁵³ Yaghotheri bhano bhere numwele ko bhentho ibhiya ira abhema akabheragia mabhoko mashua. ⁵⁴ Akarusiri obhothoria ko Israeli omothomwa waye kore ahithe ubhuya. ⁵⁵ (Kia bhona yaghambire ko thatha weitho) ko Abrahamu na urwebhoro bhwaye mirere." ⁵⁶ Mariamu yaikaye na Elizabethi hang'i ko mieri ethatho igha kaho aringe waye kaa. ⁵⁷ Bhono sinsiko nshiahikire ko Elizabeti kuebhora omona wa kimura. ⁵⁸ Abhajirani bhaye na bhawabho mbaighure bhono omonene arusiri ubhuya harewe na bhako shomerwa homwe nawe ⁵⁹ Bhono yahikiri urusiko rwa Monene igha bhaishire kosara Omona. Ithunura igha bhamoberekere kurina riaye, "Zakaria." ko komaha irina ria suwabho. ⁶⁰ Hayo nyakwabho akahonshokia aghambha, "Hatha; narabherekerewe Yohana," ⁶¹ Bhakamothebia, thaho hatha omwe wawenyu ano akoberekerwa ko irinaa riyo." ⁶² Bhakasima suwabho kurokia igha we yathunire abharekerwe ng'we. ⁶³ Suwabho akathuna orobhao rukuandeka, na akaendeka, "Nina raye nigha Yohana." Bhonswe bhakarogora na rijo. ⁶⁴ Mbhathakire umunywa gwaye gorashumasha na okothonia Waryobha. ⁶⁵ Inyanthariki ikaghotha bhonswe bhano bhamenyire nabho hagi. Amang'ana ghano ghakonyaraghana ku kiaro kionswe ni ubhigulu bhia Yudea. ⁶⁶ Na bhonswe mbhagaigure bhakabheka mumiyo ghiabho, bhakaghamba, "Omona ono ni yake are? Kobhora okobhoko ko omonene kware hamwe nawe. ⁶⁷ Suabha Zakaria yaisaoribwi na omokama omohereru na akarusia ebhentho akaghamba, ⁶⁸ "Athonibwi omonene Waryobha uwa Israeli kobhora athori na yarenthere obhothoria ko bhanto bonswe. ⁶⁹ Athinyokeri koshenthera shia obhohoru ko nyumba ya omoko wa meremo uwa Daudi, kurua ghathe mwa umughi gwa Daudi, ⁷⁰ Kiabhono yaghambire kuminywa gia abharothi bhaye bhano bhareho kushinsiko shia kare. ⁷¹ Naturusi kobhabhisa bhento na kamabhokaga bhanobhathoregire. ⁷² Narakori igho kuorokia abhohanshi hare bhasuabho na ukuhitha amang'hana ghaye amarabhu, ⁷³ Imuma eno yarenge hare Abrahamu thatha wetho. ⁷⁴ Areye imuma ya koarokiga igha yare no bhoweso bhokomokora bila obhobha ko bhoora yathorei kuru komabhoko gha abhagogho bhetho. ⁷⁵ Kobha obhorabhu na ehaki mbere yaye nsiko shionswe. ⁷⁶ Ho nauwe omona, uraberekerwa omoghabi wa ono aigoro bhokong'u ko bhora noragi mbere ya ubhusio bwa omonene kokora abhantho ko kusha kwaye, ⁷⁷ Kuthebia abhantho bhai igha mbarathoribhwi konshera ya kothegerwa shedhambi shietho. ⁷⁸ Reno ndirisha ko bhuthuria bwa Waryobha wetho ko bhora omobhaso kurwa kighoro nguritheshera. ⁷⁹ Okomaha bhano bhamenyere mkisunthe na ko ikiriri kia abhaku. Narakorigo kuthogenderia amagoro getho kunshera ya obhuya." ⁸⁰ Bhono omona ora akakina na akabha uwa shinguru monko na momothwe na yaikae mabhesaka mbaka urusiko urwa khomahanekana kowe Israeli.