¹ Cwi malaika ekelezia Sardisi di ni: 'Le'jo anda ni endi Rubanga di tuderi ri ni kore lelego tuderi to ri 'i. " Mani nyde adu ra ya ni ra. Nyiku , ama nyin lidi, ki nyi pkwo. ² Nga oru, emba nga lesire ire kuda ri, adusiku mesu 'ibu nyidi 'ca kuru Rubanga anda ga. ³ ‘Disi duera nga le’jo nga kele nyini pi nyaa erile ri pi a ruge. Oko vu na pi onguru nyaa enji. Ti de nyenji o’du ge siku, mamu memu nyidi ogu ani, ongu nyimu nyini ku saa maa mule emuzo ‘jare go nyito ile i. ⁴ Ti ‘ba ga aa sardisi aga bongo a’idi ni eni’ba kuru na’i, pi a’i vo kalawe mato, kulusukii bongo ingwe ri’i, a’dusiku o’birukii ra. ⁵ Mo’di o’ja zwarera ri avo alusua bongo inwe ri si, ongu mamu mef andaa ru pi ku buku lidi di ni ga si, ongu mamu malungwe ru namataa andaga, andaa anjelito, ⁶ Mo’di bi to di keri le’jo endi a’jole eklesia ni ri. ⁷ Cwi aanjeli eklesia phildelphia gari ni; “le’jo mo’di ole pi gba, andaa ni mufuta Daudi di ni kore, koti afure mo’di zi kulu’bua pke, andaa kala’bua mo’di zi kawiye pke ri di’i. ⁸ “mani nganyaa edele ri ra. Nde, ma’ba nyaa andaga koti mgbo mo’di zi kala’bua kpe rii. Mani ra nyaa mori ga, ti nyiru maa le’jo ra pi nyiga maar u imbge kuru. ⁹ 9 Nde, a’i zo ilegi satani di ni ga ‘jo’ba a’i yudei’ba enjo du ri pi enjo mamu me’be kevokii pi kuwokii vuru nyaa pa ga, ongu kuvo kuniekii male nyi ndo. ¹⁰ Ovi du nyaa cara madi le’jo mizo pi oluzo ’di ri ni kozo ri ani, mamu mamba nyaata lu’bilu’bi emure vu dige ndutu ri ni ga si ra, ‘ba vu dige ri ni o’bire rii. ¹¹ Memu eze ko nga aa nyito ileopko dudu mo’di zi ke pa nyaa tegia keri di ku. ¹² Mo’di o’ja zware rari mamu ma’baa ‘dirikwe ani zo elegi Rubanga madi di niga. Andaa mufure lakasi pi laangwe ku, pi mamu macwi andaa ru ge ru Rubanga madi di, ru tauni Rubanga madi di (yerusalemu ni u’di esire vuru ru’bu ge si engare Rubanga madi di ni ga si rii), pi maa ru u’di ri to. ¹³ E’be mo’di bito le’jo erizo ri keri le’jo endi ole ri a ‘jole eklesia ni ri”. ¹⁴ Cwi anjeli eklesia Laodicea ga ri ni; “le’jo Amen, sadeni egenile wa pi gba ri di’i, nga Rubanga a bile tuwadu ri ni zwa re rii. ¹⁵ “mani nga nyaa edele ri ra, onyu nyi saa nyi I’bwe deku asiku. Male kani anyolu i'bwe deku asi! ¹⁶ Nyaa oluka ‘bolo’bolo si, asiku ongui’bweku ma ire nyini e’bwere ga pi maa ti ge si. ¹⁷ A’dusiku nyi’joo, “ma koronigo, maa nga karako, ngazi maa lele na iyo”. Ti nyini ku nyi mo’di icandi re, nga ako, mi ako pi bongo ako. ¹⁸ Eri lara maa kele nyini ri; Ge madisi mula sure su vule asi sir ii dudu anyolu koroni go, pi bongo ingwe sure su rii anyulusuru cwi pi anyete’de nyaa dinja oluzo bongo ako ri ku, pi adu nyaa mi ni efuzo dudu anyinde nga. ¹⁹ Meleni’ba tuwadu maa lele ri pi ovi a’i koludu ri si. ‘Disi, ta asi pi eco asi. ²⁰ Nde mede koti pi mapa koti. Mo’di maa u’duku ni erire pi koti awire, mamu memu andaa di zoga, pi mamu manya nga andaa to kare alu ga. ²¹ Mo’di o’ja zware ra ri, mamu make andaa ni anda rizo andaa to maa komi keri di ni ga, kende mai saa maa o’ja zwazora ri ani pi mari matato komi andaa di keri di ri ni ga ri ani. ²² Mo’di bito ri keri le’jo Endi ole a’jole eklesia ni ri.