¹ Malaika 'ba mani a'i'ba Efeso ga ri ni cwi 'di ni, "Di le'jo mo'di lelego tuderi kore Andaa di anda si, pilamure lamba asidi du tuderi edele mula sure su ri si ri ni lele ga si ri di'i. ² Mani nga tuwadu nyaa edele ri 'ja; mani ra nyede 'ibu opko si ongu nyebi le'jo karako. Mani ra nyepi asi kpe 'ba enji'ba ri a ru ge, ongu nyo'bi 'ba 'jo'ba enjo du a'i maju ri ra, pi nyesu a'ia enjo ra. ³ Nyepi asi wa, nyesu icandi karako maa ru si ra, pi nyiga maa ru kuru. ⁴ Ti nga ego maa esule nyaa ruge ri 'di 'i, diadu nye'be le nyidi mani anda nyaa mani lezo ri ani ri ra. ⁵ Era ovi nyaa e'dezo kare oru anda nyi laka ri ni ga si ri, pi eco asi, e'do nga anda eze nyaa edele ri ni edeka ayo. De nyeco asi ku, mamu memu nyidi, ma'du nya asi kwe lamba di dilata ri pi andaa kare ni ga si. ⁶ Ti nga maa esule anda nyi di ri 'di 'i; Nyiga imgbe nga Nikolaiti 'ba a edele ri 'i, maa gazo imgbe ri ani. ⁷ De anyi bi to kulee anyeri nga Endi Ole a 'jole Kristu 'ba 'di pi ni ri! 'Mamu make mo'di zuare ri ni kunya kwe lidi di Rubanga di amvu aga ri a o'a ra." ⁸ Cwi Anjeli ekelezia Simirnq ga ri ni: Le'jo anda ni 'ati zo rii pi vulega ri dii, anda ni esu dare ra ki engwire lidi idi ri ''i:Mani nya ecandi pi nya nga ako to ra, ki nyi nga to/elonyi to. ⁹ Mani edema 'ba 'jo'ba ai Judei ki ai Judei ku ri pi a lu'jole nyini ruge ri ra. 'Ai ekelezia Sitani di 'i. ¹⁰ Akori ecandi nya emule esule ire ri si ku.Nde! Ire sitani kemu 'ba zi anyi ni lele ga 'bare mabusi aga anyi ni obi zo, pi anyevo anyecandiru odu mudi.Olu laru pi geni to to, ongu make nyini cupeo lidi di ra. ¹¹ Mo'di 'bi to ri keri le'jo endi a 'jole ekelezia mbgwi mbgwi ri pi ni ri. Da erizo ri emu lada mo'di 'o'ja zware ra ri ku." ¹² "Cwi anjeli ekelezia Pergamumi ga ri ni:Di le'jo andani iligo si eri losi ri to ri di 'i: ¹³ Mani nyolu ingua ya ni ra, nyolu kare komi Sitani di a olure ga ri ni ga.Ki nyiko ma' a ru okwo. Mani ra nyiga nya 'ai ma'a ruge ri kuru, saa antipaas ni sadeni madi bwa bwa ri ni nga sa 'i, 'adi anda ni anyi ni lelega, na'a sitani a olure ga. ¹⁴ Ki mani le'jo nyito ga'angwadu 'a'a.'Ba zi anyini aga le'biki lini Balaam di ni ga okpwosi, leniki Balak ni oni regazo ri ni luvika bonji Izaraili di ni anda ga si ra dudu kulunyaki linya azile nga Rubanga ku ri pi ni ri pi dudu koluki lidi asa di ni lasere ga ayo. ¹⁵ Alua ri ani,ba zipi anyini aga lini Nikolatia ko'ba okpwo na saa 'a'a. ¹⁶ Ru nya enji ni, de dini ku, memu nyidi ezeze, ongu me'du madi 'oja 'aito iligo mani ti aga di si. ¹⁷ Mo'di bi to ri keri nga Endi a 'jole ekelezia mbgwi mbgwi ri pi ni ri. Mo'di 'oja zware ra ri ni memu make mana zule di rira, pi make anda ni oni ingwe ru udi ri ni ru cwire ga ri ra, ru mo'di zi a nile ku ki te anda ni oni nani 'aire ri a nile te ni ri 'i" ¹⁸ Cwi anjeli ekelezia Tiyatira di di ni:di le'jo Bura Rubanga di di 'i, 'mimna asikolo ani pi pa na aswa idoo mula ani. ¹⁹ Mani nyede 'adu ya ni ra:nya le pi nya 'ai pi nya 'ibu pi nya le'jo ebika to. Mani ra nga nya edele 'udi 'udi ri zwa nga nya edele 'ati ri ra. ²¹ Ki mani le'jo nyito 'a'a: Nyi'ba le'jo Jezebel ni anda ni lungwere porofeta zi ri di epe.anda kulunjwa opigo madi lini anda di si asa/awu edere ga pi lonya azile nga Rubanga ku ri ni nyare ga. ²⁰ Make anda ni saa anda enji ni ruzo ra, ki le lidi anda di asa/awu di ni ebeka ku. ²² Nde! memu mavi anda ni lengari lomvezo ri ni aga 'ba asa ede'ba anda to ri pi to, ecandi ambgwugo ri ni aga, da kebeki aia enji ku na 'i. ²³ Ma'ludi anda bonji kpwo kpwo, pi ekelezia borodu ma mo'di 'ra pi asi ni a to lundure ri 'i. Make mo'di alu alu anyini aga ri ni dide 'ibu anda di ni cvuga si. ²⁴ Ki anyi azika Tiatira ga ri pi ni,mo'di alu alu lini di ni vu okore ku, pi lini 'ba zipi a 'jole nga ali/lini ali Sitani di ri pi ni ni'ba nika ku ri pi ni, ma'joo,"Ma'ba teri zi anyini dige ku'. ²⁵ Leti aa ri si/cidu si, anyede okpwo bwi mq'a esa nga. ²⁶ Mo'di 'oja zware ra ri pi olure nga ma'a edele ri ni edere ga bwi nga ni ti a lokore ga ri make mori vu borodu ri ni dige/ lase zo. ²⁷ anda kalase 'ai bele edele aya si ri si , anda kumbwa 'ai, kujoki fufu lukudo edele ludwi si ri a joka ri ani. ²⁸ Ma'a esozo Ma'ata di si ri ani, make anda ni lelego inini ri ayo. ²⁹ Mo'di 'bi to ri keri nga Endi a jole ekelezia mbgwi mbgwi ri pi ni ri."