¹ 'Di andaa ni nga Rubanga a e'detele Yesu Kristu ni ri 'i, dudu Andaa ke'dete Andaa 'ibu'ba ni nga mure redere ezeze andaga ri 'i. andaa ezwe Andaa malaika Yoani Andaa 'ibure ni kungedu andaa ni kuni du. ² 'Di a vu ga Yoani ni ecoru sadeni le'jo Rubanga a 'jole ri di 'i, pi sadeni le'jo anda Yesu Kristu a ngele ri di 'i, ongu nge le'jo nga tuwadu andaa ndele ri a dige. ³ Mo'di le'jo curile buku 'di ni aga ri ni lare ri anda loso to, pi a'i 'ba le'jo 'di ni eri'ba ri saa anda loso to, pi a'i 'ba le'jo curile buku 'di ni aga ri saa anda loso to, a'dusiku saa diadu ire. ⁴ Yoani zwe lazi Kristu eklezia mgbingbi tuderi Asia ga ri ni: Kiza kolu anyito pi 'ibwe engare Andaa ni aa ri di, pi anda aa ri di, pi mureolure aa ri di, pi engare Endituderi olure Andaa komi keri di ni andaa ri di si, ⁵ pi engare Yesu Kristu sadeni egerile wa ri di, 'bura kayo 'ba oda'ba ri a lelega, Opi amba amba vu dige ri ni zware tuwadu ri 'i. Yayi kolu mo'di amani lere ri ni, anda amani ayure pi iba enji amadi ni ga si Andaa eri si ri, ⁶ ongu eco ama 'ba Andaa kuzwaa ni ri 'i, pi amecoru kohanaa Andaa Rubanga pi Andaa Ata di 'i, Yayi pi mori vu zwazo ri to kolu Andaa ni tadu tadu Amen. ⁷ Nde, Andaa kemu lofuto, 'ba tuwadu vo kunde Andaa ni ra a'ia misi, kesu 'ba anda Andaa ni sore ojusi ri saa vo kunde Andaa ni ra, suru tuwadu vu gige ri asi na oi vo kalajwa ra Andaa si, Kumu kenderu ;di ani gbadu, Amen. ⁸ 'Ma le'jo ni ti e'dore pi ekore 'i, "Opi Rubanga nga tuwadu edere wa ri kn'jo; Andaa ni anda eze aa, pi diadu saa aa, pi mure olure aa r'i Andaa ni opko to tuwadu r'i. ⁹ Ma Yoani 'i anya adozi remure anyito icandi ga pi keri ga, pi asi epirega icandi ama esulu Yesu si ri ni ga. Esu a'ba ma cule lungwele Patimo 'i ri ni ga le'jo Rubanga di ni ngeka si, pi sadeni Opi Yesu a e'dele ri ni ngeka si. ¹⁰ Itu Opi di si esu ma Endi aga pi meri u'duku asi kende buruji di ani maa oguge lele si ¹¹ Ku'jo mani, "Ma Alpa pi Omega, le'jo ni ti e'dore pi ekore 'i cwi buku aga nga tuwadu nyaa ndele ripi ongu zwe laka tuwadu Kristu ni a'i'ba ni, Efeso, Simuruna. Peri, Tiater Sardi, Eiladelfia pi Laodicea ga ri pi to." ¹² Malofure u'duku lorojore maui ile ni ndere ga, maa lurufure ga mande lamba asidi edele mula si ri 'i, du na tuder'i; ¹³ Du lamba asidi tuderi ile ni agaga mande mo'di kende ori mo'di ani. Mo'di ile su boagu jelebiya azo, ombe opi diga mula di si. ¹⁴ Di'bi na ingwe kende bilo ingwe ri ni 'bi ani, ingwe swi an'i; pi ni na kende asi ni leda gwere ri ani. ¹⁵ Pa na rito tuwakusu kende mula akale asisi adiswaa kususu ri ani, pi u'duku na keriru kendeiyi lure recurure ecuru ri ani. ¹⁶ Andaa ko lelego tuderi Andaa di anda si, pi iligo belengu losi rile rile ri efu Andaa ti ge si, pi anda na kusu itu a onzo lu'ba langa si ri ani. ¹⁷ De mande Andaa ni, ma'de vuru Andaa paga kende mo'di dare ra ri ani. Ti Andaa 'ba Anda maa ruge ku'jo, "Ori kuko nyi ku, ¹⁸ ma mo'di otizoa r'u, pi mo'di le'jo ni ti ekore r'u, ma mo'di lidi, pi mamu molu lidi ta du. Ongusaa mufutaa da di pi 'budi di to aa madi. ¹⁹ Diadu kulee anyicwi vuru nga nyaa ndele 'di pi, nga diadu aa ri pi nga mure emure andaa ni to. ²⁰ Kulee adi amange nyini le'jo ruzure di lelego tuderi nyaa ndele maa di anda ga ri, pi lamba mula di du tuderi ile to. lelego tuderi ile 'a'i malaika tuderi 'ba Kristu ni a'i'ba olu'ba kare tuderi mgbimbi ri ni ga r'u, pi lamba du tuderi ile a'i 'ba Kristu ni a'i'ba oluba kore tuderi mgbimgbi ri ni ga si ri pi 'i.