¹ Naomi, nyabhuko waye, anubhwireye, omwana wani, Hitakurazimu okwagara owo-okumunyira isonga kwambaati amangana gawo gagende kujomu. ² Boazi one, omunu unu abheye amwi na abhayara bhaye bhe emirinu, omwene atari muhiri weswe Ringira kegoro hinu kabha nakubhura ishairi ku-sakafu yo okuurira. ³ Woori kutyo yoga wipakke amafuta ufware gingabho ayawe ginjomu, na ugende ku-sakafu yo okuhurira. Nawe isige kumenyekana ku-munu uyo mpaka onu akamare okurya no okunywa. ⁴ Na wikomereshe okubha, anu kajo-okuwongera ansi, wichuke anu kubha awongere isonga kwambaati baadae ugende ku-mwene ufundukure amaguru gaye, na uwongere hawo. Kimwi kajo okukubhwira eryo-okukora. ⁵ Ruth abhweriye Naomi, Enijo okukora kira engana rinu wambwira. ⁶ Emukere okuja ku-sakafu yo okuurira, Arubhire amaerekezo ga nyabhuko, waye. ⁷ Boazi anu amariro okurya no okunywa omoyo gwaye gujomewe, Nagenda okuwongera kubhatero bhwa isehemu yo okubhikira ebhiryo. Kimwi ruth nagenda taratibu nafundukura amaguru ga Boazi na nawongera ansi ayo. ⁸ Mugete Boazi emukire, Nechusha, na hayo omugasi ariga awongeye ku-maguru gaye. ⁹ Namubhwira, nawe niga? namujibu nanye ruth omukosi wawo we ekigasi, nafundikire ishuka yawo nanye omukosi wawi we ekiyasi, kwo okubha awe nawe omuhiri wa hayeyi. ¹⁰ Boazi namubhwira omwana wani, yahweh akugungye. Weresha obhujomu kubhutero okukira ku-bhwambiro, kwo okubha utegende ku-bharume Abhasigaji abhe munibhi noro muteka. ¹¹ Woori kutyo mwana wani nusige kubhaya: Enijo-okukukorera gone ganu ukaike, kwo okubha omusi gwa abhanu bhanu bhone bhamenyere kubhaati awe ni mugosi unu owendibhwa. ¹² Ni kimari kubhaati niri muhiri wawo wa hayeyi Noro kutyo, Ariwo omuhiri waeo wa hayeyi okukiraa anye. ¹³ Nusigare anu ingeti inu na kutondo, ikabha Akakora rijukumu ryaye obhuhiri obhwa-ayeye numusige akore sijukumu ryaye eryo obhuhiri nawe akarema okukora niwo anye ndakukorere rwa kutyo yahweh karama, Nawongere mpaka katondo. ¹⁴ Woori kutyo ruth awongeye ku-maguru ga Boazi hadi kutondo. Nawe amwejere okwimuka kabla ya wone unu Akyari kwimuka, kwo kubha ariga amubhwiriye isigekumenye kana kwambati omugasi ejire ku-sakafu yo okuhurira. ¹⁵ Kimwi Boazi namubhwira, nurete omutandiwo gwawo afu ugugwatirore, kutyo akorere kutyo napima ebhipimo bhinene sita ebhya rishairi kumutandiwo gwaye namutwika ruth.Kimwi Boazi nagenda mujini. ¹⁶ Ruth kutyo asubhire ku nyakabhuko waye maika, wakorere kutiki mwana wani? niwo ruth namutondera amangana gone ganu akora na onumu huyo. ¹⁷ Namubhwira, Ebhipimo bhinu sita bhya ishairi ni bhinu anana omwene, kwo okubha, aikire usige kugenda mubhoko agene ku-nyakubhuko wawo. ¹⁸ Kimwi naomi naika, masigare hanui, mwana wani mpaka anu ukamenye ganu kutyo gakabhe, kwo okubha Boazi atakuja kumunya mpaka amu aramere ringana rinu rero.