¹ Woori Elimeleki omurume wa naomi ariga ari na omuhiri unu abhirikirwaga Boazi unu ariga ari munibhi, na omunu unu amenyakene. ² Ruthi, mmoabu, abhwiriye, siga nigende nijookukumanya obhusigara bhwe ebhiryo kwi sambu. Enijo-okumurubha wone wone arya aranane ekibhari mumeso gaye. Woori naomi namubhwira Genda mwana wani. ³ Ruth agendera okuyuna nabharubhaga kwa inyumba abhayuni. Na kumbe ombara irya ya risambu yariga iri ya Boozi unu ariga ari no obhumenyani na Elimeleki. ⁴ Rengira, Boazi ejire okusoka bethelehemu nabhabhwira abhayunaji, yahwe abhe nw=emwe, mbamusu bhyaati, yahwe akubhariki. ⁵ Niwo Boazi nabhwira omukosi waye unu ariga nabhayambarira abhayunaji kutiki mura omuyara uu ni waga? ⁶ Omukosi omuyambasi wa abhavunaji namusu bhyaati; Ni muyara ommuabu unu asubhire na naomi okusoka moabu. ⁷ Na mbwiraati, enikusubha unduusu nivune no okukkumanya obhusigara bhwa abhavunaji, Woori kutyo aja na aruna bhwa asubuhi mpaka oryanu, ira amunya oryanu munyumba. ⁸ Kimwi Boazi nabhwira ruth outegeresha mwana wani, usige kuja kwi sambu rindi usige kusoka kwi sambu ryani, Ibadara yendiko usigare anu na abhayara bhani bhe emirimu. ⁹ Nuringishe ameso gawo kwi sambu rinu abharume abhabuna ubharubhega kwa inyuma na abhagasi abhandi. Woori? na ukongwa obhwiro outura okujo-okunywa musua inu abharume bhejusishe. ¹⁰ Woori niwo nefukama imbere ya boazi. Na okukunnya aansi mututwe gwaye, namubhwira, ni kwaki nabhona ekkibhari mumeso gawo, noro kujarianye omugenyi? ¹¹ Boazi namujibu namubhwira, namarire kubhwirwa gone ganu okurere okwora onurume wawo afwe, ubhasigine bha rata bhawo na nyokomwana na ekyaro kyawo kinu wibhuriwemo, numurubha nyakubhuko na nuuja ku bhanu bhanu utakabhamenya. ¹² Yahwe nakuripe kwe ebhikoro bhyawo. Yahweh nakuripe kwo obhwafu. Nyamuwanga wa Israeli unu ansi ya amabhabha gaye wabhona owo okkubhirimira. ¹³ Ruthu naika mibhone ekibhari mumeso gawo rata wani kwo kubha wafariji na waroma obhujomu bhwani.Noro kutyo anye oumwi wa abhakosa abhe ekigasi. ¹⁴ Ku mwanya gwo okurya Boazi namubhwira, Nuje amu, urye emikate na ukoshe mu divai, ekaye kumbari ya abhavunaji. Na Boazi namuyana Ebhiryo ebhitoto bhinu origa agabhire. Ruth ariye mpaka natosheka na nasigesha. ¹⁵ Kutyo wmukire okujo-oke vuna, Boazi nabhwi abhasigaji bhaye, knaika, mumusige avune noroku-masuke, na musige okumubhwira ryone ryone ebhibhi. ¹⁶ Na musige amasuke agandi ku-songa yaye, na musige abune musige kumuyanya. ¹⁷ Woori kutyo avunire mpaka jioni. Kimwi naawera ebheryo na amanyashi ganu ariga avunire na ebhiryo bhyariga bhiri rwa eta imwi ya ishairi. ¹⁸ Nagega na okuja bajo ika. Woori kutyo nyabhuko arorere kinu avun. Ruth one amureteye nyabheko waye ebhiryo bbhinu bhikarangirwe bhinu ariga asigasishe ku-bhiryo bhyaye. ¹⁹ Nyabhuko namubhwira. Wavuna aki eyo wavuna rero? Wagenda okukora aki emirimu? Nagungibhwe unu akusakira. Woori niwo ruth namubhwira nyabhuko okuusu omunu wa ridambu rinu ariga nakoramo emirimu ni Boazi. ²⁰ Naome nabhwira ruth, agungibhwe na yahweh, unu hatasosha obhwirisha bhwarisha bhweye ku-bhanu bharimuo omoyo na ku-bhafuye. Naome namubhiwora, omunu uyo ni muhiri weswe wa ayeya muno, nimuhiri wesiwe omwirusi. ²¹ Ruth amumowabu namubhwira, Ni kimari abhira nikare amwi na abhakosi bhaye bhe ekirume mpaka onu bhakamarire okuvuna amavuno gone. ²² Naomi nabhwira ruth omugosi waye wo mwana wewe ekirume, Ni kujomu mwana wani, "okubha egende omwi na abharayara bhaye abhe enirimu isonga usiga kubhona amadhara gone kwi sambi ryone ryone. ²³ Woori kutyo ekaye eyeyi na abahakosi bhe ekigasi isonga akune mpaka kubhutero bhwa amavuna gashairi na amavuno ga indagano. Na ariga narama amwi na nyabhoko waye.