¹ Nalorere mkubhoko kwe ebhuryo okwa unu aliga ekaye kukitebhe kya obhukama, ligombo rikaamirwa imbele na inyuma, ryariga libhanirwe mbano mungati. ² Nalorere maraika wamanaga, narasha kwa bhuraka bhunene, "Niga esire okufundukura ligombo naokunyamura gimbano gyaye?" ³ Atariwo munu murwire au mkyaro anu au emwaro wekyaro, unu atulire okufundukura ligombo au okulisoma. ⁴ Nalilire kwesungu kwokubha atariwo wone wone unu eesire okufundukura ligombo au okulisoma. ⁵ Naawe oumwi wabhakaruka nambwirati, "Siga kulira. Lingira indwi ya liito lya Yuda lisina lya Daudi, Aigire, na katura okufundukura ligombo na gimbano gyaryo mungati. ⁶ Agati we ekitebhe kyo obhukama na bhanu abhesha omwoyo abhana na agati wa abhakaruka, nalorere kanyang'ondi ayambaye, nasusaga rwaunu afuye. Aliga abheye na yembe mungati na meso mungati ginu na mwyoyo mungati gya Nyamuwanga ginu gyatumirwe mkyaro kyone kutyo. ⁷ Nagenda nagega ligombo okusoka mukubhoko kwebhuryo kwaunu ekaaye kukitebhe kya obhukama. ⁸ Bhunu agegere ligombo bhanu abhesha omyoyo abana na abhakaruka makumi gabhiri na bhana mbenama ansi imbele ya kanyang'ondi. Bhuli umwi aliga abheye na ekironge na imbakuri ya ijaabhu inu ijuye obhurango, obhwene ni nsara gya abhekirisha. ⁹ Bhembire orwimbo oruyaye. Wisire okugega ligombo na okunyamura gimbano gyaro. Kwokubha wachinjirwe, na kumanyinga gawo waguriye Nyamuwanga abhanu bhabhuli eito, ndoma, bhuili na kyaro. ¹⁰ Nubhakora bhukama na bhashengesi kunsonga ya okukorera emilimu Nyamuwanga weswe, bhone bhalitunga iguru wekyaro. ¹¹ Kweki narorere na okungwa obhuraka bhwa malaika bhafu okwisingura ekitebhe kya obhukama bhaliga bhabheye 200,000,000 na bhanu abhesha emyoyo na abhakaruka. ¹² Mbaika kwa bhuraka bhukuru, "Esire kanyangondi unu achinjirwe okuramira obhuturo, obhunibhi, obhunyou, managa ekibharo, obhugungyo na okukumya. ¹³ Nungwa bhuli kibhumbwa kinu kyaliga kibheye murwire, mkyaro na ansi we kyaro na iguru inyanja, bhuli kinu munsi wayo kyaikire, ku mwene unu ekaye iguru wekitebhe kyobhukama na kukanyang'ondi, ibhe nkumyo, kibharo na obhugungyo na managa ga obhutungi kajanende na kajanende. ¹⁴ Bhanu abhesha emyoyo bhana mbaika, "Amina!" na abhakaruka mbenama emwaro na okuramwoya.