¹ Baada ya amang'ana ganu nalingiye nindora orwigi rwaiga rwiguwe murwire. Obhulaka bhwo kwamba bhurya bhwaroma ga nanye rwa itarumbeta, mbwaika, "Nuje anu, nikwereshe ganu agaja okubhao baada ya ganu." ² Mara rumwi nabheye kumwoyo mweru, nalolele ekitebhe kya obhukama kibheye murwire, omunu akikaliye. ³ Oumwi unu aliga akikariye aliga na susana rwa ligina rya Yaspi na Akiki. Bhaliga bhuliwo obhukoma bhwa ingubha bhwisingurire ekitebhe kyo obhukama, obhukoma bhwa ingubha bhwa susanaga rwa Zumaridi. ⁴ Okwisingura ekitebhe kya obhukama bhyaliga bhiliwo ebhitebhe ebhindi ebhyobhukama, makumi gabhili na bhina, na bhanu bhekaye kubhitebhe bhyo obhukama bhariga bhabheye bhakaruka makumi gabhili na bhana, bhafafibhwe ngibho nyeru na nsurya gya jaabhu kumitwe gyebhwe. ⁵ Okusoka kukitebhe kya obhukama gyasokere gimesho gya orukubha, omurundumo na amabharuka. Ntara mungati galiga ngyaka imbele ya ekitebhe kya obhukama, gintara giyo ni mioyo mungati egya Nyamuwanga. ⁶ Kweki imbele wa ekitebhe kya obhukama yariga iliwo inyanja, ni ng'arabhya rwa ekirore, agati wa ekitebhe kya obhukama na mbara gyone egya ekitebhe, bhaliga bhariwo abhekiejero bhana, bhanu bhejuye ameso imbere na inyuma. ⁷ Ekibhumbwa kyo okwamba ekyekiyejero, kyariga kibheye rwa indwi, ekibhumbwa kya akabhili ekya ekiyejero kyariga kibheye rwa ekimori, ekibhumbwa kya akasatu kyariga kibheye na obhusu rwa omunu, owekiyejero owakana urya aliga abheye rwa inyonyi inu eibhuruka. ⁸ Ebhibhumbwa bhya ekiyejero ebhina, kila umwi aliga abheye na mabhabha nsasabha, bhejuye ameso iguru ne emwaro webhwe, ngeta na mwisi bhatakurema kwaika, omweru, omweru, omweru ni Ratabhugenyi Nyamuwanga, omtungi iguru ya bhone, unu aliga aliwo, na unu aliwo, na unu alija. ⁹ Kila kabhaga ebhimbwa bhya ekiyejero bhasosishe obhugungyo, ekibharo na okukumya imbele wa unu aliga ekaye kukitebhe kya obhukama kiyo, unu karama kajanende kone. ¹⁰ Bhakaruka makumi gabhiri na bhana, bharamishe abhene imbele ya omwene unu ariga ekariye ekitebhe kya obhukama, bhenamire emwaro kumwene unu karama kajanende kone, na okwesa ansi ginsu rya gyebhwe imbele ye ekitebhe kya obhukama mbaika. ¹¹ Wisire awe, Ratabhugenyi weswe na Nyamuwanga weswe, okuramira obhugungyo ne ekibharo na amanaga. Kwokubha wabhumbire bhinu bhyone, na kwa obhwendi bhwao, bhyabheyewo na bhya bhumbirwe.