¹ Bhunu ni bhufunuo bhwa Yesu Kristu bhunu Nyamuwanga amuyaye insonga eleshe abhajuma bhaye amang'ana ganu ni lazima gabheo bhwangu anu. akorere gamenyekane kwo kuragirira malaika bhaye kubhajuma bha Yohana. ² Yohana asosishe obhushuuda bhwa kila kinu kinu arorere kung'ana ya Nyamuwanga na obhushuhuda bhunu bhwasosibhe ku Yesu Kristo. ³ Ayaywe ginokwe unu kasoma kwo bhuraka na bhanu bhone abhegetegeresha amang'ana ga obhuragi bhunu na okutii kinu kikamirwe muyo, kwokubha akabhaga kafogee. ⁴ Yohana kumakanisa Mungati ganu gabheye Asia: Inema ibhe kwemwe na omurembe okusoka kumwene unu aliwo, unu ariga aliwo naunu alija, na okusoka kumioyo mungati bhanu bhabheye imbele ya ekitebhe kyaya ekyabhukama. ⁵ Nokusoka ku Yesu Kristu unu abheye shaidi omulengeresi, omwibhurwa wokwamba okusoka kubhafuye, na omtungi wa abhatungi bhekyaro kinu, kumwene unu akyendere na akituye huru okusoka kubhukai bhweswe kwa manyinga gaye. ⁶ Akikorere kubha bhakama, makuhani bha Nyamuwanga na Rata waye kumwene okubha bhugungyo na amanaga kajanende kone Amina. ⁷ Lingira kaja na amere: Kila risolili murora, na bhone bhanu bhamsomere, na amaito gone agekyaro bhalilila kumwene, kima Amina. ⁸ Anye nanye Alfa na Omega "Kaika Ratabhugenyi Nyamuwanga, omwene unu aliwo na unu aliga aliwo, naunu kaja, owa managa. ⁹ Anye Yohana omuili wemwe, oumwi unu kaimbaimbana amwi nemwe kubhinyasho bhya obhukama na obhusi mbiru gamare, bhunu bhubheye ku Yesu nariga nibheye kwisinga ndibhilikirwa Patimo kunsonga ya ring'ana rya Nyamuwanga na obhushaidi bhwa Yesu. ¹⁰ Nariga nibheye kumwoyo mweru kurusiku rwa Ratabhugenyi. Nonguwe obhuraka bhwa iguru inyuma wani rwa itarumbeta. ¹¹ Niyaika, "Kaama mkitabho ganu ourora, na ugasire kumakanisa mungati, okugya Efeso, kugya Smirna, kugya Pergamo, kugya Thiatira, kugya Sardi, kugya Philadelphia, na okugya Laodikia. ¹² Nikebhukira okulora ni bhuku bhwaga unu karoma nanye, nekebhukiye nindora ekisonge kya ijaabhu kya ntara mungati. ¹³ Agati we kisonge kya ntara aliga ariwo oumwi rwa omwana wa Adamu, afwaye kanju ndela inu eiika emwaro wa maguru gaye, na omuchipi gwa ijaabhu okusingura ekifubha kyaye. ¹⁴ Omutwe gwaye na gifwili gyaye gyariga nyeru rwa isufu, nyeru wa itheluji, na ameso gaye galiga gabheye rwa gindimi gya omuriro. ¹⁵ Ebhitajiro bhyaye bhyariga bhibheye rwa ishaba inu ikutirwe muuno, rwa ishaba inu yatusibhwe mumuriro, na obhuraka bhwaye bhwariga bhubheye rwa obhuraka bhwa manji ganu agaurura muuno. ¹⁶ Aliga agwatiriye nyota mungati mkubhoko kwaye okwebhuryo, na okusoka mkanwa waye lyariga lilimo lisabha elyugi lya amogi agabhili, obhusu bhwaye bhariga bhwerere rwa obhweru bhwa lisubha. ¹⁷ Namurorere ningwa mumaguru gaye rwomunu unu afuye. Natura okubhuko kwaye okwobhuryo iguru wani naikati "Siga kubhaya! Anye nili wa kwamba na wa bhusiti. ¹⁸ Na unu enirama. Naliga nifuuye, lingira woori enirama kajanende! na ninagifunguro gya orufu na kuzimu. ¹⁹ Woori kaama ganu warora, ganu gariwo woryanu, na ganu gakabhee baada ya ganu. ²⁰ Kwokubha ganu gabhisirwe kunyota mungati ginu warora mkubhoko kwani okwebhuryo, na ekisonge kirya kya ijaabhu kya ntara mungati: Nyota mungati ni malaika bha makanisa mungati garya ne ekisonge kya ntara mungati ni makanisa mungati.