¹ Kumaika wolikanisa lya Efeso kaama ganu nigo amang'ana gaulya agwatiliye bhimuri msansabha bhilya mkubhoko kwaye kwe ebhulyo. Omwene kalibhata agati wa ebhinara bhya ijaabhu ebhya ntara mungati kaika kutya." ² Ni menyere kinu ukorere na obhukajani bhwao obhwemilimu na obhusimbiru bhwao bhwekisi kweki utari n bhuimbani nabhanu bhabhibhi, ubhasakishe bhone bhanu abhebhilikila mitume keenu bhatari, ubhalolere ati mbabheyi. ³ Nimenyere ati oulindilila usimbilile, na unyorere mang'ana mafu kunsonga ya lisina lyani, na ukyari kuigwa uri. ⁴ Woori linu nilyo ninalyo kwawe, usigire obhwendi bhwao obhwokwamba. ⁵ Woori iganirisha anu waguye, usabhe ekigongo na okukora ebhikorwa bhinu wakoraga kubhwambiro. Ukalema okusabha ekigongo nilija kwawe nisoshako ekinara kyao kisoke kusehemu yakyo. ⁶ Nawe awe unalinu, oulema ganu abha nikolai abhakola, Nigo none enilema. ⁷ Alabhe unamatwi yungwa ganu mwoyo mweru kabhwira amakanisa. Nakuunu kaiga enimuyana okurya amatwasho ga liti ryo obhuoru linu libheye paradiso ya Nyamuwanga. ⁸ Kumalaika wa likanisa lya Smirna kaama ganu ni mang'ana ga ulya owokwamba na wa mwisho. Unu afuuye nabha mworu kweki. ⁹ Nimenyere ebhinyasho bhyao na obhutaka(nawe awe urimnibhi), orubheye rwa bhanu abhebhirikira bhayahudi (Nawe tari nibho nisinagogi rya stani). ¹⁰ Siga kubhaya amabhibhi ganu agaja okukunyora. Lingira stani kende okubhesa mujera ili abhasakye, omunyansibhwa nsiku ekumi, mubhe bharengeresi hata kufwa, enibhayana urusurya rwo obhuworu. ¹¹ Alabhe unaokutwi itegeresha kutyo mwoyo mweru kabhwira amakanisa unu kaiga atakunyora mabhibhi garufu rwa kabhiri. ¹² Kumalaika wa likanisa lya Pergamo kaama, ganu nigo karoma unu ane kinyambutu ekyugi kya omogi agabhili. ¹³ Nimenyere anu wikaye, anu kiri ekitebhe kyo obhukama bhwa stani. Nawe awe ugwatire muno lisina lyani, utaremere obhwikirisha bhwao bhunu bhuri kwanye, rwa kunsiku girya gya Antipasi shaidi wani omrengeresi wani, unu afuye agati wemwe, ayo niwe stani ekaye. ¹⁴ Wori ninamang'ana matyari kwawe, unabhanu eyo bhanu bhagwatire ameigisho ga Balaamu, omwe eigishishe Balaki okutura ebhikwajo imbele ya abhana bha ijiraeli, ati bhalye obhyokurya bhinu bhisosibhwe sadaka kumastani na obhugendyanya. ¹⁵ Kutyo kutyo awe wone unabho bhanu bhagwatire ameigisho ga abha nikolai. ¹⁶ Wori isasama ekigongo, ukalema okukora kutyo, enija bhwangu, na enikora obhusoko kubhene kwa esabha linu elisoka mkanwa wani. ¹⁷ Alabhe unokutwi, itegeresha kinu mwoyo mweru kabhwira amakanisa. Omuigi nirimuyana imana ilya ibhisirwe kweki nirimuyana ligina eryeru linu ryandikirweko lisina liyaya iguru ya ligina, esina linu atariwo unu alimenyere tari unu kaliramira era. ¹⁸ Kumalaika wa likanisa lya Thiatira kaama: Ganu nigo amang'ana ga omwana wa Nyamuwanga, unu abheye na ameso gaye rwa omuriro, na amatajiro rwa ishaba inu ikutirwe muno. ¹⁹ Nemenyere kinu okorere obhwendi bhwao na obhwikirisha na emilimu na obhusimbiru bhwao karuma, nakinu wakolele bhwangu anu ekikira kinu wakolere kubhwambilo. ²⁰ Wori ninarinu kwawe: Umulingiliye ogasi yejebheli unu kebhirikira ati muragi mgasi. Kwa ameigisho gaye kayabhya abhajuma bhani okutara ameega na okurya ekyokurya kunu kisosi bhe sadaka kwi susano. ²¹ Namuyaye omwanya gwa okwisasama egongo, nawe atakwenda kwisasamira obhukai bhwaye. ²² Lingira nilimwesa kubhuriri bhwa amarwaye, nabhanu abhakora obhutaasi bhwa amegea nawe, ku bhinyasho ebhiruru, bhakarema okusasamira kinu bhakorere. ²³ Niribhuma abhana bhaye bhafwe na amakanisa gene bharimenya ati anye nanye enichunguza ameganirisho na ginaamba. Niliyana kila umwi wemwe kwebhikorwa bhyaye. ²⁴ Newe, bhanu mwasigaaye Thiatira, kubhanu mtakugwata liigisho linu, nabhanu mtakumenya kinu abhandi abhabhirikira ati meigisho ga stani, enaika kwemwe, nitaritura iguru wemwe museri gwone gwone. ²⁵ Kweng'ana ryone ryone, lazima msimbire mpaka nije. ²⁶ Wone wone unu kaiga na okukora kinu nakorere mpakubhusiti, kumwene nilimuyana obhuturo iguru ye bhyaro. ²⁷ Alibhatunga kwa isimbo ya ekyumba rwa amabhakuri go obhutoto, alibhaata bhibharabhara. ²⁸ Lwakutyo naramiiye okusoka kurata wani nilimuyaana ekimuri kya muruguru. ²⁹ Alabhe una okutwi yungwa kinu mwoyo mweru kabhwira amakanisa.