¹ Hene eMafarisayo na vatoni wiza kumwa Yesu kufuma Yerusalemu. Na kuyomba, ² "Kunguno yaki vahemba vugapokela emapokeo ga vanamala? Kunguno vakavile kwikalava emikono zyao aho mbila lilya ichilya." ³ Yesu wasuvya na kuvawila, "Ninywe__kunguno muyivipya miko ya Mngosha kunguno ya mapokelo ginywe? ⁴ Kunguno Seva wayomba, 'Umweshimu uso wako na umama yako; na 'Uyo uyomba emavi kumwa see na kumwa nyina, hana alafwe.' ⁵ Kumbe eve uyomba, 'Kila uyo umuwila ise na nyina, "Kila umsada ugo wali akupandeka kufuma kuwana itungo lyinili ni kalumbilo kufuma kumwa Seva,"' ⁶ "Umntu mwinuyu iuduhu namba ya kumkuzya ise lyakwe. Mngati na ile mwakalifumya igambo limwa Sev'a kunguno ya emapokezi ginywe. ⁷ Enywe vaf,i ni hana kuva kiti Isaya ivyo walagula kuwinyu wayomba, ⁸ 'Ivantu venava vuweshimu ene kumilomo zyawo kumbe eve emwego yawo yili kutali nane. ⁹ Vuntanizya gele, kunguno vahembeka e'malango ago gakavile malagilizyo ga vantu."' ¹⁰ Hene wavitana emakutano na kuvawila," Puliki na mumanye__ ¹¹ Kuduhu kintu echochuwingila mumulomo gwa mntu na kumvezya ave mchafu. Ila, echo chufuma mumulomo chene, chiv'a chumvezya umntu kuva mchafu." ¹² Hene vahemba vamuyila na kuyomba na Yesu, "Vih'e!, Umanyile aMafarisayo aho mbi vigwa ingambo v'asaya?" ¹³ Yesu wasuvya na wayomba, "Kila mmelo u'go waguhamba uVava wane wa kwilunde akagahambile guladubolwe. ¹⁴ V'aleki vinene, vasava ni vatumami vapofu. Mbi mntu mpofu akumtongelela u'mpofu mwiye,wonse vavili v'akwigwila mwikandilo." ¹⁵ Petero wasuvya na kumuwila Yesu," Kuwile igemelo lyinili kuwiswe, ¹⁶ Yesu wasuv'a, "Ninywe hakimo mkali kumanicha? ¹⁷ Inywe mkavile kuona kuva kila echo chuya mumulomo kuvilila mnda na kuya kucho?. ¹⁸ Kumbe eve kila kimo echo chufuma numlomo chufuma mngati ya mwego. ¹⁹ Hivyene vitu vyompa umtu uchafu. Kunguno mngati ya mwego gufuma miganiko mavi, wuwulagi wulevi, wuyanzi, wivi, iwona wa ufi na matusi. ²⁰ Genaga hegene magambo ago gimpa umtu uwuchafu. Kumbe eve kulya bila kunawa imikono wumuvezya umntu ave mchafu." ²¹ Hene Yesu wafuma henaho na kwikala inene elyelekela esehemu zya ensi zya Tiro na Sidoni. ²² Lola mb'i wiza umkima Umkanani kufuma esehemu zinizyo. Wafumya e'muzyi wayomba, "Nsayire, Mngosha, Mwana umwa Daudi; mwaniki wane aliteseka mno na makatavi." ²³ Kumbe Yesu akasuvizye ingambo. Vahemba vakwe wiza na kumlomba, wayomba, "Musinye aye, kunguno alikutulila ibubu." ²⁴ Yesu wasuvya na kuyomba, Kalagilizilwa kumntu yensoyenso ila du kukolo av'o vatagikile va kaya ya Israeli." ²⁵ Kumbe eve mbi wiza kwi inamila hambele yakwe, wayomba, ²⁶ "Mgosha nsaidiye." Wasuvya na kuyomba, yikavile visoga kusola chilwa cha v'ana na kazilagilela embwa," ²⁷ Wayombwa, "Ee, Mngosha, ninga vinivyo embwa endondodo zyulyaga chilwa echo chungwa hameza ha Mgosha wao." ²⁸ Hene Yesu wasuvya na kuyomba "Mnkima, konde yankwe ni kulu mno. Na yiviziwe kuwako kiti evyo ukowile." Na mwaniki wankwe mbi ali wapeziwa mngati hitungo lyinilo. ²⁹ Yesu mbi wauka esehemu yiniyo na kuya mbi hi na ibahari ya Galilaya. Hangi waya higulya ya lugulu na kwikala kwinuko. ³⁰ Idala ihanya liza kuwakwe. Na kumletela v'alema, vapofu, vabubu, na valema vangi vingi, awo mbi valwalile, vavatula mngati ya migulu yimwa Yesu na kuvapezya. ³¹ Na idale vashangaha aho vaona mabubu vuyomba na valema kupeziwa na valema vuyomba, na vapofu vuona. Vamtanizya Sev'a wa Israeli. ³² Yesu wavitana vahemba vakwe na kuyomba, " Navaonela ehuruuma idale, ku nguno vavaga nane kusinku itatubila kulya chonsechonse. Nkavadahe vaye kuwawo bila ya kulya, vakiza vazimie mnzila." ³³ Vahemba vakwe vamuwili, "Kuhe kukow'olile kupandika emikate ya kutosha henaha halugulu kwikuta idale ihanya lyinile?" ³⁴ Yesu wavawila, "Mwina mikate zinga?" Wayomba, "Mmpungati, na samaki edo ndoduhu." ³⁵ Yesu wav'awila idale likale hansi. ³⁶ Wafumya e'mikale mpungati na samaki, na aho wamala kulomba wamega na kuvapa vahemba. Vahemba vavapa idale. ³⁷ Vantu wonse v'alya na kwikuta na vakaminga emabaki ga vipande vy chilya ivyombi vyasigala evipande vyokala vikapo mmpungati. ³⁸ Wonse aw'o valya mbi vale vagosha vihumbi vine kusiko vakima na vana. ³⁹ Henaho Yesu walidahya idale vaye na wingila mngati ya mashuwa waya esehemu zya Magadani.